ലുലു എക്സ്ചേഞ്ചിൽ 'ഓണക്കൈനീട്ടം' ഓഫർ രണ്ടു ദിവസംകൂടി

മനാമ: ബഹ്റൈനിലെ പ്രമുഖ റെമിറ്റൻസ് സ്ഥാപനമായ ലുലു എക്സ്ചേഞ്ചിൽ 'ഓണക്കൈനീട്ടം' ഓഫർ രണ്ടു ദിവസംകൂടി. സെപ്റ്റംബർ ഒന്നു മുതൽ 10 വരെയുള്ള കാലയളവിൽ 10 ഭാഗ്യശാലികൾക്ക് എട്ടു ഗ്രാം സ്വർണനാണയം വീതം സമ്മാനം നൽകുന്നതാണ് പദ്ധതി.

പ്രമോഷൻ കാലയളവിൽ കുറഞ്ഞത് രണ്ടു തവണ ഇന്ത്യയിലേക്ക് പണം അയക്കുന്നവരാണ് സമ്മാനപദ്ധതിയിൽ ഉൾപ്പെടുക. സെപ്റ്റംബർ 13ന് നടക്കുന്ന നറുക്കെടുപ്പിലൂടെ 10 വിജയികളെ തിരഞ്ഞെടുക്കും. ഓരോ ദിവസത്തെയും എൻട്രിയിൽനിന്ന് ഓരോ ഭാഗ്യശാലികളെ കണ്ടെത്തി 10 ദിവസങ്ങളിൽ 10 വിജയികളെയാണ് തെരഞ്ഞെടുക്കുന്നത്.

പണമയക്കുന്നതിന് കുറഞ്ഞ പരിധിയില്ലാത്ത ഓഫറിൽ ബ്രാഞ്ച്, ലുലു മണി ആപ് എന്നിവയിലൂടെയുള്ള ഇടപാടുകൾ ഒരുപോലെ പരിഗണിക്കുന്നതാണ്. പ്രമോഷൻ കാലയളവിൽ കസ്റ്റമർ എത്രതവണ ഇടപാടുകൾ നടത്തിയാലും ഒരാൾക്ക് ഒരു സമ്മാനം മാത്രമാണ് ലഭിക്കുക.