ലുലു എക്സ്ചേഞ്ച് അൽഫലാ എക്സ്ചേഞ്ച്​ കമ്പനിയെ ഏറ്റെടുത്തു

അബൂദബി: ഗൾഫിലെ പ്രമുഖ ധന വിനിമയ സ്ഥാപനമായ ലുലു എക്സ്ചേഞ്ച് യു.എ.ഇയിൽ നിരവധി ശാഖകളുള്ള അൽഫലാ എക്സ്ചേഞ്ച് കമ്പനിയെ പൂർണമായും ഏറ്റെടുത്തു. 30 ശാഖകളുള്ള അൽഫലാ എക്സ്ചേഞ്ച്​ ഏറ്റെടുക്കുന്നതോടെ ലുലു എക്സ്ചേഞ്ചി​​െൻറ ശാഖകൾ  യു.എ.ഇയിലെ 73 ഉം ആഗോള തലത്തിൽ 170 ഉം ആയി ഉയരും. 

അൽഫലാ ഏറ്റെടുക്കുന്നതോടെ ലുലു ​ശൃംഖലയുടെ വ്യാപ്തി വർധിക്കുകയും വൻതോതിലുള്ള ഇടപാടുകൾക്ക് അവസരം ലഭിക്കുകയും ചെയ്യുമെന്ന്​ ലുലു എക്സ്ചേഞ്ച്​ എം.ഡി അദീബ് അഹമ്മദ് അഭിപ്രായപ്പെട്ടു. യു.എ.ഇയിലെ റെഗുലേറ്റഴ്സി​​െൻറയും സർക്കാർ സ്ഥാപനങ്ങളുടെയും നല്ല സഹകരണത്തിന്​ നന്ദി പ്രകാശിപ്പിക്കുന്നതായി അദ്ദേഹം കൂട്ടിച്ചേർത്തു.

എട്ടു വർഷം മുമ്പ്​ യു.എ.ഇയിൽ ആരംഭിച്ച ലുലു എക്സ്ചേഞ്ചിന് ഒമാൻ, കുവൈത്ത്, ഖത്തർ, ബഹ്റൈൻ, ഇന്ത്യ, ബംഗ്ലാദേശ്, ഫിലിപ്പൈൻസ്, സീഷെൽസ് എന്നീ രാജ്യങ്ങളിൽ ഇപ്പോൾ സാന്നിധ്യമുണ്ട്​. ദക്ഷിണേഷ്യൻ രാജ്യങ്ങളിലും യൂറോപ്പിലും പ്രവർത്തനം വ്യാപിപ്പിക്കാൻ ഒരുങ്ങുന്നതായും മാനേജ്​മ​െൻറ്​ പത്രക്കുറിപ്പിൽ അറിയിച്ചു. ആധുനിക സാങ്കേതിക വിദ്യകളുടെ സഹായത്തോടെ സാമ്പത്തിക സേവന വ്യവസായത്തിൽ വിപ്ലവകരമായ മാറ്റമാണ്​ ലുലു എക്സ്ചേഞ്ച് നടപ്പാക്കിക്കൊണ്ടിരിക്കുന്നത്. 2020 ഒാടെ  ധന വിനിമയ രംഗത്ത്​ 30 ശതമാനം ഇടപാടുകളും ഡിജിറ്റൽ സാങ്കേതികവിദ്യയിൽ സാധ്യമാക്കുകയാണ്​ ലുലു എക്​സ​േചഞ്ചി​​െൻറ ലക്ഷ്യമെന്ന്​ അദീബ്​ അഹമ്മദ്​ വിശദീകരിച്ചു.