അ​തി​രു​ക​ൾ ഭേ​ദി​ച്ച് വീ​ണ്ടും ഹോ​പ്പി​ന്റെ സ​ഹാ​യ​ഹ​സ്‌​തം

മ​നാ​മ: ബ​ഹ്‌​റൈ​നി​ൽ നി​യ​മ​ക്കു​രു​ക്കി​ൽ അ​ക​പ്പെ​ട്ട് നാ​ട്ടി​ലേ​ക്ക് മ​ട​ങ്ങേ​ണ്ടി വ​ന്ന പാ​കി​സ്താ​ൻ പൗ​ര​ന്റെ കു​ടും​ബ​ത്തി​ന് സ​ഹാ​യ​ഹ​സ്ത​മാ​യി ഹോ​പ്. കു​ടും​ബ​നാ​ഥ​ൻ ജ​യി​ലി​ലാ​യ​പ്പോ​ൾ ഭാ​ര്യ​യും മൂ​ന്ന് മ​ക്ക​ളും അ​ട​ങ്ങു​ന്ന കു​ടും​ബം വ​ലി​യ ബു​ദ്ധി​മു​ട്ടി​ലാ​വു​ക​യാ​യി​രു​ന്നു. സ​ഹോ​ദ​രി​യോ​ടൊ​പ്പം താ​മ​സി​ച്ച് അ​റ​ബി​ക് സ്കൂ​ളി​ൽ കു​ട്ടി​ക​ളു​ടെ പ​ഠ​നം തു​ട​ർ​ന്നു. ഈ ​കാ​ല​യ​ള​വി​ൽ ഭ​ക്ഷ​ണ​ക്കി​റ്റ് ഉ​ൾ​പ്പ​ടെ​യു​ള്ള സ​ഹാ​യ​ങ്ങ​ൾ ഹോ​പ് എ​ത്തി​ച്ചു​ന​ൽ​കി. മാ​സ​ങ്ങ​ൾ​ക്കു​ശേ​ഷം ശി​ക്ഷാ​കാ​ലാ​വ​ധി ക​ഴി​ഞ്ഞ ഗൃ​ഹ​നാ​ഥ​നെ നാ​ടു​ക​ട​ത്തി. തു​ട​ർ​ന്ന് സാ​മ്പ​ത്തി​ക ബു​ദ്ധി​മു​ട്ടി​ലാ​യി​രു​ന്ന കു​ടും​ബ​ത്തി​ന് ഹോ​പ് നാ​ട്ടി​ലേ​ക്കു​ള്ള യാ​ത്ര സാ​ധ്യ​മാ​ക്കു​ക​യാ​യി​രു​ന്നു.

നാ​ലു​പേ​ര​ട​ങ്ങു​ന്ന കു​ടും​ബ​ത്തി​ലെ ര​ണ്ടു​പേ​രു​ടെ പാ​സ്പോ​ർ​ട്ടി​ന്റെ കാ​ലാ​വ​ധി ക​ഴി​ഞ്ഞി​രു​ന്നു. ജൂ​ലൈ 16ന് ​മു​മ്പ് നാ​ട്ടി​ൽ പോ​കാ​നു​ള്ള ഔ​ട്ട് പാ​സ് എം​ബ​സി അ​നു​വ​ദി​ച്ചു. തു​ട​ർ​ന്ന് സു​മ​ന​സു​ക​ളു​ടെ സ​ഹാ​യ​ത്താ​ൽ നാ​ല് പേ​ർ​ക്കു​ള്ള എ​യ​ർ ടി​ക്ക​റ്റ് ഹോ​പ്പ് ന​ൽ​കി. മൂ​ന്നു മ​ക്ക​ൾ അ​ട​ങ്ങു​ന്ന കു​ടും​ബ​ത്തെ എ​യ​ർ​പോ​ർ​ട്ടി​ൽ എ​ത്തി​ച്ച് അ​നു​വ​ദി​ച്ച സ​മ​യ​ത്തി​നു​ള്ളി​ൽ യാ​ത്ര​യാ​ക്കാ​നും ഹോ​പ്പി​ന് സാ​ധി​ച്ചു. ഹോ​പ് ര​ക്ഷാ​ധി​കാ​രി കെ.​ആ​ർ. നാ​യ​ർ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി. സ​ഹാ​യി​ച്ച എ​ല്ലാ​വ​ർ​ക്കും പ്ര​സി​ഡ​ൻ​റ് ഷി​ബു പ​ത്ത​നം​തി​ട്ട​യും സെ​ക്ര​ട്ട​റി ജ​യേ​ഷ് കു​റു​പ്പും ന​ന്ദി അ​റി​യി​ച്ചു.