Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightഎല്ലാവരും...

എല്ലാവരും ചോദിക്കുന്നു; കിട്ടുമോ റീഫണ്ട്​?

text_fields
bookmark_border
എല്ലാവരും ചോദിക്കുന്നു; കിട്ടുമോ റീഫണ്ട്​?
cancel

മനാമ: കോവിഡ്​ കാരണം വിമാന സർവിസ്​ റദ്ദാക്കിയതിനാൽ യാത്ര മുടങ്ങിയവർക്ക്​ ടിക്കറ്റ്​ തുക തിരികെ ലഭിക്കുന്ന കാര്യത്തിൽ ഇപ്പോഴും അനിശ്ചിതത്വം. ഡി.ജി.സി.എ പുറത്തിറക്കിയ ഉത്തരവ്​ വിദേശത്തെ ട്രാവൽ ഏജൻസികൾ മുഖേന ടിക്കറ്റ്​ എടുത്തവർക്ക്​ ബാധകമാകുന്നില്ല എന്നതാണ്​ പ്രശ്​നം. ഉത്തരവ്​ വന്നതിനുശേഷം റീഫണ്ട്​ നൽകുന്നത്​ എയർ ഇന്ത്യ എക്​സ്​പ്രസ്​ നിർത്തുകയും ചെയ്​തതായി ട്രാവൽ ഏജൻസികൾ ചൂണ്ടിക്കാട്ടുന്നു.

ലോക്​ഡൗൺ കാലത്ത്​ വിമാസ സർവിസ്​ റദ്ദായതിനാൽ യാത്ര മുടങ്ങിയവർക്ക്​ കാൻസലേഷൻ ചാർജ്​ ഇൗടാക്കാതെ റീഫണ്ട്​ നൽകണമെന്നാണ്​ പ്രവാസി ലീഗൽ സെൽ നൽകിയ ഹരജിയിൽ സുപ്രീംകോടതിയും തുടർന്ന്​ ഡി.ജി.സി.എയും ഉത്തരവിറക്കിയത്​. എന്നാൽ, ഇത്​ ഇന്ത്യയിൽനിന്നെടുത്ത ടിക്കറ്റുകൾക്കും ഒാൺലൈൻ വഴി എടുത്ത ടിക്കറ്റിനുമാണ്​ ബാധകം എന്നാണറിയുന്നത്​.

അതിനാൽ, ബഹ്​റൈനിലെ ട്രാവൽ ഏജൻസികളിൽനിന്ന്​ ടിക്കറ്റ്​ എടുത്തവർ റീഫണ്ട്​ ലഭിക്കാതെ പ്രയാസപ്പെടുകയാണ്​. ദിവസവും നിരവധി പേരാണ്​ റീഫണ്ടുമായി ബന്ധപ്പെട്ട്​ ട്രാവൽ ഏജൻസികളിൽ വിളിക്കുന്നത്​. എന്നാൽ, അവർക്കും കൃത്യമായ ഉത്തരം നൽകാൻ കഴിയുന്നില്ല.

കഴിഞ്ഞ വർഷം നവംബറിലാണ്​ എയർ ഇന്ത്യ എക്​സ്​പ്രസ്​ 2020ലേക്കുള്ള സമ്മർ ഷെഡ്യൂൾ പുറത്തിറക്കിയത്​. അവധിക്ക്​ നാട്ടിൽ പോകാൻ നിരവധി പേർ മുൻകൂട്ടി ടിക്കറ്റ്​ ബുക്ക്​ ചെയ്യുകയും ചെയ്​തു. ചെറിയ തുകക്ക്​ ടിക്കറ്റ്​ ബുക്ക്​ ചെയ്​തവരുണ്ട്​. കഴിഞ്ഞ ജൂലൈ വരെയുള്ള ടിക്കറ്റുകൾ ഇങ്ങനെ മുൻകൂട്ടി ബുക്ക്​ ചെയ്​തിരുന്നു. എന്നാൽ, കോവിഡും ലോക്​ഡൗണും വന്നതോടെ ഇവരുടെ​െയല്ലാം യാത്ര മുടങ്ങി. പ്രവാസികളെ നാട്ടിലെത്തിക്കാനുള്ള വന്ദേ ഭാരത്​ ദൗത്യത്തിൽ പുതിയ ടിക്കറ്റെടുത്താണ്​ ഇവർ നാട്ടിലേക്ക്​ മടങ്ങിയത്​. ജോലി നഷ്​ടപ്പെട്ടവരും വിസ റദ്ദാക്കി പോയവരും സന്ദർശക വിസയിൽ എത്തിയവരുമൊക്കെ ഇക്കൂട്ടത്തിലുണ്ട്​. ബഹ്​റൈനിലേക്ക്​ തിരിച്ചുവരാൻ സാധ്യതയില്ലാത്ത നിരവധി പേർ ഇവരിലുണ്ട്​. ഇവരിൽ ഭൂരിഭാഗത്തിനും ടിക്കറ്റ്​ തുക തിരികെ ലഭിച്ചിട്ടില്ല.

റീഫണ്ട്​ ലഭിച്ചവർക്ക്​​ കാൻസലേഷൻ ചാർജ്​ ഇൗടാക്കിയ ശേഷമുള്ള തുകയാണ്​ കിട്ടിയത്​​. ഒരു ഭാഗത്തേക്കുള്ള ടിക്കറ്റിന്​ 16 ദീനാറാണ്​ കാൻസലേഷൻ ചാർജ്​ ഇൗടാക്കുന്നത്​. തങ്ങളുടേതല്ലാത്ത കാരണത്താൽ യാത്ര മുടങ്ങിയതിന്​ കാൻസലേഷൻ ചാർജ്​ ഇൗടാക്കുന്നത്​ അനീതിയാണെന്ന്​ യാത്രക്കാർ ചൂണ്ടിക്കാട്ടുന്നു. ഡി.ജി.സി.എയുടെ ഉത്തരവ്​ ഇറങ്ങുന്നതിന്​ മുമ്പ്​ കുറെ പേർക്ക്​ മുഴുവൻ തുകയും എയർ ഇന്ത്യ എക്​സ്​പ്രസ്​ റീഫണ്ട്​ നൽകിയിരുന്നതായി ട്രാവൽ ഏജൻസി പ്രതിനിധി പറഞ്ഞു. എന്നാൽ, ഉത്തരവിറങ്ങിയതിനുശേഷം റീഫണ്ട്​ ലഭിക്കുന്നില്ലെന്ന്​ അദ്ദേഹം കൂട്ടിച്ചേർത്തു.

ബഹ്​റൈനിൽനിന്ന്​ നാട്ടിലേക്ക്​ പോകാൻ എടുത്ത്​ റദ്ദായ ടിക്കറ്റി​െൻറ തുക​ വന്ദേ ഭാരത്​ വിമാനങ്ങളിൽ പോയി തിരികെ വരുന്ന യാത്രക്ക്​​ ഉപയോഗിക്കാൻ മുമ്പ്​ അനുവദിച്ചിരുന്നു. ഇപ്പോൾ അതും അനുവദിക്കുന്നില്ല.റീഫണ്ട്​ ഉൾപ്പെടെ കാര്യങ്ങൾക്ക്​ മനാമയിലെ എയർ ഇന്ത്യ ഒാഫിസിൽ പോയാൽ മണിക്കൂറുകൾ കാത്തിരിക്കേണ്ട അവസ്​ഥയാണെന്നും യാത്രക്കാരും ട്രാവൽ ഏജൻസി ​പ്രതിനിധികളും പറയുന്നു. ഇപ്പോൾ ഒരു സ്​റ്റാഫ്​ മാത്രമാണ്​ ഒാഫിസിൽ ഉള്ളതത്രേ. അതിനാലാണ്​ ഇൗ ​പ്രതിസന്ധിയെന്നും പറയുന്നു. പ്രശ്​നങ്ങൾ ധരിപ്പിക്കാൻ എയർ ഇന്ത്യ കൺട്രി മാനേജറെ കാണാൻ ശ്രമിച്ചെങ്കിലും അപ്പോയിൻറ്​മെൻറ്​ ലഭിക്കുന്നില്ലെന്നും ട്രാവൽ ഏജൻസി പ്രതിനിധികൾ കുറ്റപ്പെടുത്തുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Air Indiaflight servicerefund
Next Story