ഇ​റാ​നി​ൽ കു​ടു​ങ്ങി​യ 667 ബ​ഹ്റൈ​ൻ പൗ​ര​ന്മാ​രെ നാ​ട്ടി​ലെ​ത്തി​ച്ചു

മ​നാ​മ: ഇ​റാ​നി​ൽ അ​ക​പ്പെ​ട്ട 667 ബ​ഹ്റൈ​ൻ പൗ​ര​ന്മാ​രെ വി​ജ​യ​ക​ര​മാ​യി നാ​ട്ടി​ലെ​ത്തി​ച്ചു. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ​യും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ​യും ഉ​ത്ത​ര​വു​ക​ള​നു​സ​രി​ച്ചാ​ണ് ഈ ​ന​ട​പ​ടി. ഗ​ൾ​ഫ് എ​യ​ർ വി​മാ​നം തു​ർ​ക്മെ​നി​സ്താ​നി​ൽ​നി​ന്നെ​ത്തി ഇ​റാ​നി​ലു​ണ്ടാ​യി​രു​ന്ന 163 പേ​രെ നാ​ട്ടി​ലെ​ത്തി​ച്ചു.

കൂ​ടാ​തെ വി​ദേ​ശ​കാ​ര്യ മ​ന്ത്രാ​ല​യം ഒ​രു​ക്കി​യ ഗ​താ​ഗ​ത ക്ര​മീ​ക​ര​ണ​ങ്ങ​ള​നു​സ​രി​ച്ച് ഇ​റാ​നി​ലെ മ​ഷ്ഹ​ദ് ന​ഗ​ര​ത്തി​ൽ​നി​ന്ന് 504 പൗ​ര​ന്മാ​രെ ക​ര​മാ​ർ​ഗ​വും നാ​ട്ടി​ലെ​ത്തി​ച്ചു. സം​ഘ​ർ​ഷം ബാ​ധി​ച്ച രാ​ജ്യ​ങ്ങ​ളി​ൽ കു​ടു​ങ്ങി​ക്കി​ട​ക്കു​ന്ന ശേ​ഷി​ക്കു​ന്ന എ​ല്ലാ ബ​ഹ്റൈ​നി​ക​ളു​ടെ​യും തി​രി​ച്ചു​വ​ര​വ് ഉ​റ​പ്പാ​ക്കാ​ൻ വി​ദേ​ശ​രാ​ജ്യ​ങ്ങ​ളി​ലെ ബ​ഹ്റൈ​ന്റെ ന​യ​ത​ന്ത്ര കാ​ര്യാ​ല​യ​ങ്ങ​ളും ആ ​രാ​ജ്യ​ങ്ങ​ളി​ലെ ബ​ന്ധ​പ്പെ​ട്ട അ​ധി​കാ​രി​ക​ളും ഏ​കോ​പ​ന​ത്തോ​ടെ പ്ര​വ​ർ​ത്തി​ക്കു​ന്നു​ണ്ട്. സം​ഘ​ർ​ഷ​ബാ​ധി​ത രാ​ജ്യ​ങ്ങ​ളി​ലേ​ക്കു​ള്ള യാ​ത്ര മാ​റ്റി​വെ​ക്കാ​നും സു​ര​ക്ഷ ഉ​റ​പ്പാ​ക്കാ​ൻ ആ​വ​ശ്യ​മാ​യ എ​ല്ലാ മു​ൻ​ക​രു​ത​ലു​ക​ളും സ്വീ​ക​രി​ക്കാ​നും മ​ന്ത്രാ​ല​യം ബ​ഹ്റൈ​ൻ പൗ​ര​രോ​ട് അ​ഭ്യ​ർ​ഥി​ച്ചു. സ​ഹാ​യ​വും അ​ന്വേ​ഷ​ണ​ങ്ങ​ൾ​ക്ക് മ​റു​പ​ടി​യും ന​ൽ​കാ​ൻ മ​ന്ത്രാ​ല​യ​ത്തി​ന്റെ അ​ടി​യ​ന്ത​ര ഹോ​ട്ട് ലൈ​ൻ (+973 17227555) 24 മ​ണി​ക്കൂ​റും പ്ര​വ​ർ​ത്തി​ക്കു​ന്നു​ണ്ട്.