Begin typing your search above and press return to search.
exit_to_app
exit_to_app
Homechevron_rightFoodchevron_rightRecipeschevron_rightചോക്ലേറ്റ് പുഡ്ഡിംഗ്...

ചോക്ലേറ്റ് പുഡ്ഡിംഗ് ഉണ്ടാക്കാൻ ഇനി ചൈനാ ഗ്രാസും ജലാറ്റിനും വേണ്ടേ വേണ്ട

text_fields
bookmark_border
chocolate pudding
cancel
camera_alt

ചോക്ലേറ്റ് പുഡ്ഡിംഗ്

ഏതു പ്രായക്കാരും ഒരുപോലെ ഇഷ്ടപ്പെടുന്ന ഒന്നാണ് പുഡ്ഡിംഗ്. അതിൽ തന്നെ ചോക്ലേറ്റ് പുഡ്ഡിംഗ് ആണെങ്കിൽ കുട്ടികൾക്കു വളരെ പ്രിയപ്പെട്ടതും. എന്നാൽ പുഡ്ഡിംഗ് ഉണ്ടാക്കാൻ ചൈനാഗ്രാസും ജലാറ്റിനും വേണ്ടേ എന്നാണു ആലോചിക്കുന്നതെങ്കിൽ ഇനി ആ ടെൻഷൻ വേണ്ടാ.

കുട്ടികളുടെ പ്രിയപ്പെട്ട ചോക്ലേറ്റ് പുഡ്ഡിംഗ് ഇനി അവർക്ക് ഇഷ്ടപ്പെട്ട രുചിയിൽ ചൈനാഗ്രാസും ജലാറ്റിനും ഇല്ലാതെ തന്നെ നമ്മുടെ വീടുകളിൽ വളരെ പെട്ടെന്ന് ഉണ്ടാക്കിയെടുക്കാം. അതും വളരെ കുറച്ചു ചേരുവകൾ കൊണ്ട്. അതിഥികൾക്ക് മധുരം വിളമ്പാനും നമുക്ക് പുഡ്ഡിംഗ് ഈ രീതിയിൽ തയ്യാറാക്കാവുന്നതാണ്.

ചേരുവകൾ:

  • കോക്കോ പൌഡർ-1/2കപ്പ്‌
  • കോൺഫ്ലോർ-1/4 കപ്പ്‌
  • പഞ്ചസാര -1 കപ്പ്‌
  • പാൽ -4 കപ്പ്
  • ഉപ്പ് - ഒരു നുള്ള്
  • വാനില എസ്സെൻസ് -1 ടീസ്പൂൺ
  • ബട്ടർ -1 ടേബിൾ സ്പൂൺ

ഉണ്ടാക്കുന്ന വിധം:

ഒരു പാനിലേക്ക് കോക്കോ പൗഡർ, കോൺ ഫ്ലോർ, പഞ്ചസാര, പാൽ എല്ലാം ചേർത്ത് നന്നായൊന്നു യോജിപ്പിച്ച ശേഷം തീ ഓൺ ചെയ്യണം. രണ്ട് മുതൽ മൂന്ന് മിനിട്ട് വരെ നന്നായി ഇളക്കി കൊടുക്കണം. തീ ഓഫ് ചെയ്ത ശേഷം ബട്ടറും വാനില എസ്സെൻസും ഉപ്പും ഇട്ടു കൊടുത്തു യോജിപ്പിച്ചെടുത്തു ഫ്രിഡ്ജിൽ വെച്ച് സെറ്റ് ചെയ്തെടുത്താൽ ചോക്ലേറ്റ് പുഡ്ഡിംഗ് റെഡി. ഇഷ്ടമുള്ള ഫ്രൂട്ട്സ്, ഡ്രൈ ഫ്രൂട്സ്‌ എല്ലാം വെച്ച് അലങ്കരിക്കാം.

Show Full Article
TAGS:chocolate pudding pudding recipie 
News Summary - No more china grass and gelatin to make chocolate pudding
Next Story