ഗ്രീൻ ആപ്പിൾ കിച്ചടി

ആവശ്യമായ ചേരുവകൾ:

ഗ്രീൻ ആപ്പിൾ - 1 (ചെറിയ കഷ്ണങ്ങളാക്കി അരിഞ്ഞത്)

ചിരകിയ തേങ്ങ - ½ കപ്പ്

പച്ചമുളക് - 2 എണ്ണം

കടുക് - 1ടീസ്‌പൂൺ

തൈര് (നന്നായി ഉടച്ചത്) - 1 കപ്പ്

മഞ്ഞൾപ്പൊടി - ¼ ടീസ്‌പൂൺ

വെളിച്ചെണ്ണ - 1 ടേബിൾ സ്പൂൺ

വറ്റൽ മുളക് - 2 എണ്ണം

കറിവേപ്പില, ഉപ്പ് - ആവശ്യത്തിന്

തയാറാക്കുന്ന വിധം-

തേങ്ങ, പച്ചമുളക്, ½ ടീസ്‌പൂൺ കടുക് എന്നിവ അല്പം വെള്ളം ചേർത്ത് നന്നായി അരച്ചെടുക്കുക. ചെറിയ കഷ്ണങ്ങളാക്കിയ ഗ്രീൻ ആപ്പിൾ, മഞ്ഞൾപ്പൊടി, ഉപ്പ്, അല്പം വെള്ളം എന്നിവ ചേർത്ത് 2-3 മിനിറ്റ് മാത്രം വേവിക്കുക. കൂടുതൽ വെന്ത് ഉടഞ്ഞു പോകരുത്. വേവിച്ച ആപ്പിളിലേക്ക് അരച്ചു വെച്ച തേങ്ങ ചേർത്ത് ചെറിയ തീയിൽ 1-2 മിനിറ്റ് ചൂടാക്കുക. തീ അണച്ച ശേഷം, ചൂട് അല്പം കുറയുമ്പോൾ തൈര് ചേർത്ത് നന്നായി ഇളക്കി യോജിപ്പിക്കുക. ഒരു പാനിൽ വെളിച്ചെണ്ണ ചൂടാക്കി കടുക് പൊട്ടിച്ച്, ഉണക്കമുളകും കറിവേപ്പിലയും താളിച്ച് കിച്ചടിയിലേക്ക് ഒഴിക്കുക.