Begin typing your search above and press return to search.
proflie-avatar
Login
exit_to_app
exit_to_app
Homechevron_rightFoodchevron_rightRecipeschevron_rightഅരക്കാതെയും ...

അരക്കാതെയും ഇടിക്കാതെയും എളുപ്പത്തിൽ ഒരു ചമ്മന്തി

text_fields
bookmark_border
ulli-chammanthi
cancel

മലയാളികളുടെ സ്വന്തം എന്ന് വിശേഷിപ്പിക്കാവുന്ന ഒരു ഐറ്റം ആണ് ചമ്മന്തി. സംസ്കൃതത്തിലെ 'സംബന്ധി' എന്ന വാക്കിൽ നിന്നാണ് സമ്മന്തി അല്ലെങ്കിൽ ചമ്മന്തി എന്ന വാക്കിന്‍റെ ഉത്​ഭവം. സംബന്ധി എന്നാൽ പരസ്പരം ചേർന്നത് എന്നർത്ഥം. മലയാളിക്ക് ചോറിലേക്കും കപ്പയിലേക്കുമെല്ലാം തൊട്ടു കൂട്ടാൻ ചമ്മന്തി തന്നെ ധാരാളം.

എരിവും പുളിയും ഉപ്പും എല്ലാം പാകത്തിന് ചേർത്തുണ്ടാക്കുന്ന ഐറ്റം. പണ്ട് അമ്മിക്കല്ലിൽ ആണ്‌ ചമ്മന്തി അരച്ചെടുത്തിരുന്നതെങ്കിൽ പുതുതലമുറക്കാർ ഇതിനു മിക്സിയോ ഗ്രൈൻഡറോ ഉപയോഗിക്കാറുണ്ട്. പക്ഷെ ഈ ചമ്മന്തിക്ക് ഇതിന്‍റെ ഒന്നും ആവശ്യമില്ല. വളരെ പെട്ടെന്ന് തന്നെ ഉണ്ടാക്കി എടുക്കുകയും ആവാം. ചുരുങ്ങിയ ചേരുവകൾ കൊണ്ട് കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടും ഈ ചമ്മന്തി.

ചേരുവകൾ:

  • toവലിയ ഉള്ളി -2 എണ്ണം
  • പച്ചമുളക് -4,5 എണ്ണം
  • വാളൻ പുളി - ഒരു നാരങ്ങാ വലുപ്പത്തിൽ
  • വെളിച്ചെണ്ണ - 1 ടേബ്​ൾ സ്പൂൺ
  • ഉപ്പ് - ആവശ്യത്തിന്

ഉണ്ടാക്കുന്ന വിധം:

ഉള്ളി ചെറുതായി നുറുക്കി എടുക്കുക. ഒരു ബൗളിലേക്ക് മാറ്റി അതിലേക്ക് ചെറുതായി നുറുക്കിയ പച്ചമുളകും പുളി ഒരു ടേബിൾ സ്പൂൺ ചൂട് വെള്ളത്തിൽ ഇട്ടു വെച്ച് നന്നായി പിഴിഞ്ഞെടുത്ത പുളി വെള്ളവും ആവശ്യത്തിനു ഉപ്പും വെളിച്ചെണ്ണയും ചേർത്ത്​ കൈ കൊണ്ടു നന്നായി തിരുമ്മി എടുത്താൽ ചോറിനും കഞ്ഞിക്കുമൊപ്പം തൊട്ടു കൂട്ടാൻ പറ്റിയ ഉള്ളിപ്പുളി റെഡി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chutneyEmarat beats
News Summary - An easy chutney without grinding or crushing
Next Story