ആകാശത്തോളം എഴുതണം...

''ആകാശമായവ​ളെ...അകലെ പറന്നവളെ...ചിറകായിരുന്നല്ലോ നീ...''ജി പ്രജേഷ്​ സെൻ സംവിധാനം ചെയ്​ത വെള്ളം എന്ന സിനിമയുടെ ഉയിരാണീ പാട്ട്​. നഷ്​ടപ്പെടലി​െൻറ ആധിയെ കുറിച്ച്​ ഓർമിപ്പിക്കുന്ന ഗാനം​. കാമുകി, ഭാര്യ ആരുമാവ​ട്ടെ ഓരോ വ്യക്​തിക്കും ത​െൻറ ജീവിത പങ്കാളി ആകാശ​ത്തോളം പോന്ന താങ്ങുമരമാണെന്നാണ്​ പാ​ട്ടെഴുതിയ നിധീഷ്​ നടേരി പറയുന്നത്​. കാപ്​റ്റൻ സിനിമയിലെ പാട്ടു​െപട്ടീലന്ന്​ നമ്മൾ ആണ്​ നിധീഷി​െൻറ ആദ്യ പാട്ട്​. എഴുത്ത്​ ആകാശമായവളിൽ എത്തിയപ്പോഴേക്കും പാ​ട്ടെഴുത്തുകാരനെയും ആളുകൾ അറിഞ്ഞുതുടങ്ങി. പാ​ട്ടെഴുത്തി​െൻറ വഴികളെ കുറിച്ച്​ നിധീഷ്​ 'മാധ്യമം ഓൺലൈനു'മായി സംസാരിക്കുന്നു.

കോഴിക്കോട്​ ജില്ലയിലെ കൊയിലാണ്ടിക്കടുത്ത നടേരിയിലെ സംഗീത കുടുംബത്തിലാണ്​ ജനിച്ചത്.​ സംഗീതം പഠിക്കാൻ അവസരം ലഭിച്ചിട്ടും ഉപയോഗിക്കാൻ കഴിഞ്ഞില്ല​. അച്ഛ​ൻ (ഗംഗാധരൻ ​നടേരി), അനിയൻമാർ സംഗീത അധ്യാപകരാണ്​. അച്ഛനും സംഗീതം പഠിച്ചിട്ടുണ്ട്​. എഴുത്തും സംഗീതവും പ്രോത്​സാഹിപ്പിച്ചിരുന്നു. ഗീരീഷ്​ പുത്തഞ്ചേരിയുടെ ഭാര്യപിതാവ്​ ബേബി ഭാഗവതർ ആയിരുന്നു ഇവരെയെല്ലാം പാട്ടുപഠിപ്പിച്ചിരുന്നത്​.

അച്ഛൻ കമ്മ്യൂണിസ്​റ്റ്​ പാർട്ടിക്കായി വിപ്ലവഗാനങ്ങൾ എഴുതുമായിരുന്നു. കവിതകളും എഴുതും. മാത്രമല്ല, ഇളയച്ഛൻമാർക്കായി ലളിതഗാനങ്ങൾ എഴുതിക്കൊടുക്കും. ഇതെല്ലാം കണ്ടാണ്​ വളർന്നത്​. ജനയുഗത്തിലായിരുന്നു അച്ഛൻ ജോലി ചെയ്​തിരുന്നത്​. അച്ഛ​​െൻറ പത്രപ്രവർത്തനം കണ്ടാണ്​ ഇടക്കാലത്ത്​ ആ വഴി തെരഞ്ഞെടുത്തതും. 10ാം ക്ലാസിൽ പഠിക്കു​േമ്പാഴാണ്​ അഛ​െൻറ മരണം. ആ വേർപാടിൽ വിറങ്ങലിച്ചു നിൽക്കുന്ന കാലം. അന്നൊക്കെ എഴുതാൻ പ്രേരണ നൽകിയത്​ ഇളയച്ഛൻമാരാണ്​. കലോൽസവ വേളകളിൽ കുട്ടികൾക്ക്​ പാടാൻ ലളിതഗാനങ്ങൾ വേണം. പല രക്ഷിതാക്കളും പാട്ട്​ പുതിയതുവേണമെന്ന്​ ഇളയച്ഛൻമാരോട്​ ശട്ടംകെട്ടും. അവരെന്നോട്​ പാ​ട്ടെഴുതാൻ ആവശ്യപ്പെടും. പാ​ട്ടെഴുതുന്ന ശീലം തുടങ്ങിയിരുന്നു അപ്പോഴേക്കും. സിനിമ പാട്ടുകൾ കേൾക്കു​േമ്പാൾ അതി​െൻറ സംഗീതത്തേക്കാൾ വരികളായിരുന്നു ആദ്യം മനസിൽ പതിഞ്ഞിരുന്നത്​.

അതുപോലെ ചിലതൊക്കെ ആരും കാണാതെ എഴുതിവെക്കും. ഒരിക്കൽ ഈ വിദ്യ ഇളയച്ഛൻ കണ്ടുപിടിച്ചു. അന്നു ഞാനെഴുതിയ വരികൾ ​അദ്ദേഹം ട്യൂൺ ചെയ്​തു പാടിക്കേൾപ്പിച്ചു. ആ പാട്ട്​പാടി യുവ​ജനോൽസവത്തിന്​ മത്​സരിച്ച കുട്ടി ഒന്നാംസമ്മാനം വാങ്ങി. വലിയ സന്തോഷമായിരുന്നു അത്​. പിന്നീട്​ ഇത്തരം മത്​സരത്തിന്​ പോകുന്ന കുട്ടികൾക്കായി എന്നെക്കൊണ്ട്​ പാ​ട്ടെഴുതിക്കാൻ തുടങ്ങി. യുവജനോൽസവവേദികളിൽ ഞാനെഴുതിയ പാട്ടുപാടി കുട്ടികൾ സമ്മാനം വാങ്ങിക്കു​േമ്പാൾ വലിയ ആനന്ദമായിരുന്നു. ചില ആൽബങ്ങൾക്കും പാ​ട്ടെഴുതി. അതുപോലെ ആകാശവാണിയിലേക്ക്​ സ്​ഥിരമായി പാ​ട്ടെഴുതി അയക്കുമായിരുന്നു. ചിലതൊക്കെ തെരഞ്ഞെടുക്കും. അത്​ പാടിക്കേൾക്കു​േമ്പാൾ വലിയ സന്തോഷം തോന്നും. പ്രക്ഷേപണം ചെയ്യുന്ന പാട്ടുകൾക്ക്​ ചെറിയ പ്രതിഫലവും ലഭിച്ചിരുന്നു. പഠിക്കുന്ന കാലമല്ലേ... എത്ര ചെറിയ തുക കിട്ടിയാലും നമ്മളെ സംബന്ധിച്ച്​ അത്​ വലുതാണ്​.

പാട്ടുപെട്ടീലന്ന്​ നമ്മൾ...

പത്രപ്രവർത്തനത്തിലേക്ക്​ തിരിയുന്നതിനു മുമ്പ്​ അധ്യാപനമായിരുന്നു ​ജീവിതമാർഗം. അതിനിടയിലാണ്​ ജേണലിസം കോഴ്​സ്​ ചെയ്യുന്നതും 'മാധ്യമ'ത്തിൽ ജോലിക്ക്​ കയറുന്നതും. പാ​ട്ടെഴുത്തും ഒപ്പം കൊണ്ടുപോയി. സിനിമ സ്വപ്​നം കാണുന്ന എഴുത്തിനെ സ്​നേഹിക്കുന്ന ഒരുകൂട്ടം സുഹൃത്തുക്കളെയും അവിടെ നിന്ന്​ ലഭിച്ചു. അവരുടെ സൗഹൃദം എ​െൻറ എഴുത്തിന്​ വളക്കൂറായി. ആയിടക്ക്​ ലോഹിതദാസി​െൻറ സ്​മരണാർഥമുള്ള തിരക്കഥ എഴുത്തുമൽസരത്തിന്​ രണ്ടാംസമ്മാനം ലഭിച്ചു. ഞങ്ങളുടെ സിനിമചർച്ചകൾ ചൂടുപിടിച്ച കാലം കൂടിയായിരുന്നു അത്​.

പിന്നീട്​ പത്രപ്രവർത്തനം വിട്ട്​ അധ്യാപനത്തിലേക്ക്​ തന്നെ ഞാൻ മടങ്ങി. കൂട്ടത്തിലുണ്ടായിരുന്നവരും പല വഴിക്ക്​ പിരിഞ്ഞു. എങ്കിലും സിനിമ ഞങ്ങളെ ചേർത്തുനിർത്തി. ഇടക്ക്​ സിനിമക്കായി ചില സ്​ക്രിപ്​റ്റുകളെഴുതി. അതൊക്കെ പാതിവഴിയിൽ മുടങ്ങി. അതു കഴിഞ്ഞാണ്​ അന്നത്തെ സൗഹൃദക്കൂട്ടത്തിലെ ജി പ്രജേഷ്​ സെൻ 'ക്യാപ്​റ്റൻ' എന്ന സിനിമ അനൗൺസ്​ ചെയ്​തു. സ്​ക്രിപ്​റ്റ്​ അസോസിയേറ്റായി ഞാനും കൂടെ കൂടി. ആ സിനിമക്കായി പാ​ട്ടെഴുതാമോയെന്ന്​ എന്നോട്​ ചോദിച്ചു. സിനിമക്കായി സംഗീതസംവിധായകൻ വിശ്വജിത്​ ചെയ്​തു വെച്ച ഈണവും കേൾപ്പിച്ചു തന്നു. വി.പി സത്യ​​െൻറ കൽക്കത്ത ജീവിത കാലമാണ്​ സിനിമയിൽ പാട്ടി​െൻറ സിറ്റ്വേഷൻ. സിനിമക്കായി മലപ്പുറത്തും മറ്റും സ്​റ്റേഡിയം അന്വേഷിക്കുന്നതിനിടയിലാണ്​ പാട്ടി​െൻറ വരികൾ എഴുതിയത്​.

അങ്ങനെയാണ്​ പാട്ടുപെട്ടീലന്ന്​ നമ്മൾ എന്ന പാട്ടി​െൻറ പിറവി. പി ജയചന്ദ്രൻ എന്ന അതുല്യഗായക​െൻറ സ്വരമാധുരിയിൽ പാട്ട്​ പുറത്തിറങ്ങി. തുടക്കത്തിൽ​ വലിയ റീച്ചൊന്നും പാട്ടിന്​ കിട്ടിയില്ല. എന്നാൽ പാട്ട്​ കേട്ട ചിലർ എ​െൻറ നമ്പർ തേടിപ്പിടിച്ച്​ വിളിക്കുകയും മേസേജുകൾ അയക്കുകയും ചെയ്​തു. അവരുടെ ജീവിതത്തിലെ ദു:ഖകരമായ ചില സംഭവങ്ങളുമായി പാട്ടിനെ​ ​േചർത്തുവെച്ചായിരുന്നു പലരും സംസാരിച്ചത്​. ഗായകൻ കൃഷ്​ണചന്ദ്രൻ പാട്ടിലെ വരികളെ കുറിച്ച്​ മെസേജ്​ അയച്ചു. തനിക്ക്​ ഇഷ്​ടപ്പെട്ട പാട്ടാണിതെന്ന്​ ഗായകൻ ഉണ്ണിമേനോനും പറഞ്ഞു. അത്​ വലിയ അനുഭവമായിരുന്നു. ജനപ്രിയ പാട്ടായി മാറിയില്ല എങ്കിൽ പോലും ചിലർ പാട്ടുപെട്ടിയെ നെ​ഞ്ചോടു ചേർത്തു. പാട്ടുപെട്ടിക്കു ശേഷം ചില നാടകഗാനങ്ങൾ എഴുതി. തമി എന്ന സിനിമയിൽ മൂന്നുപാട്ടുകൾ എഴുതി.

ആകാശമായവളെ

പ്രജേഷ്​ സെന്നി​െൻറ വെള്ളത്തിലെ പ്രധാന പാട്ട്​ എഴുതുന്നത്​ ഞാനാണെന്നറിഞ്ഞപ്പോൾ സത്യത്തിൽ അമ്പരപ്പായിരുന്നു. കഥയും സാഹചര്യവുമൊക്കെ സംവിധായകൻ വിവരിച്ചു തന്നു. ആ പാട്ടി​െൻറ ആദ്യവരികളെഴുതു​േമ്പാൾ മുരളിയെ പോലെ ഞാനും വീട്ടിൽ ഒറ്റക്കായിരുന്നു. മുരളിയുടെ ജീവിതത്തിൽ ഏറ്റവും അനിവാര്യമായ സമയത്ത്​ ചിറകുപോലെ കൂടെയുണ്ടായിരുന്ന ഭാര്യപോലും അരികില്ലാത്ത അവസ്​ഥയെ കുറിച്ച്​ ആലോചിച്ചപ്പോൾ തന്നെ ആകാശമായവളെ... എന്ന വരി മനസിൽ തെളിഞ്ഞു. സാധാരണക്കാരന്​ പോലും മനസിലാകുന്ന പാട്ട്​ ആയിരിക്കണം എന്നാണ്​ പറഞ്ഞിരുന്നത്​.

അതിനു ശേഷം എറണാകുളത്ത്​ സംഗീത സംവിധായകൻ ബിജിയേട്ട​െൻറ (ബിജിബാൽ) ബോധി സ്​റ്റുഡിയോയിലേക്ക്​ ചെല്ലാൻ പറഞ്ഞു. അപ്പോഴും സിനിമയിൽ ഞാനെഴുതിയ വരികൾ തന്നെയാണോ ഉപയോഗിക്കുന്നതെന്ന്​ ഒരുറപ്പുമില്ല. സംവിധായകൻ വീണ്ടും കഥ പറയുന്നു. എഴുതി വെച്ച വരികൾ ബിജിയേട്ടൻ ആവശ്യപ്പെട്ടു. വരികൾ കണ്ടപ്പോൾ കുറച്ചൂടെ എഴുതാൻ പറഞ്ഞു. വരികളിൽ ചില മാറ്റങ്ങൾ വരുത്തി ചൂട്ടുമണഞ്ഞുപോയ്​...ശൂന്യമായ്​ എന്നുവരെയുള്ളവ എഴുതിച്ചേർത്തു. കുറച്ചു നേരം കഴിഞ്ഞ്​ ബിജിബാൽ ഈണം മൂളിത്തുടങ്ങി. അപ്പോഴാണ്​ സിനിമയിലെ പാട്ട്​ ഞാൻ തന്നെയാണെന്ന്​ ഉറപ്പിച്ചത്​. പാട്ടിലെ ബാക്കി വരികൾ വീട്ടിലെത്തിയ ശേഷം പൂർത്തിയാക്കി.

റെക്കോഡിങ്​ സമയത്താണ്​ ഏറെ പ്രിയപ്പെട്ട ശഹബാസ്​ അമനാണ്​ പാടുന്നത്​ എന്ന്​ അറിയുന്നത്​. പാടിക്കഴിഞ്ഞ ശേഷം സംസാരിക്കണം എന്നു പറഞ്ഞ്​ അദ്ദേഹം മെസേജ്​ അയച്ചു. അതുകൂടി കണ്ടപ്പോൾ സന്തോഷം ഇരട്ടിച്ചു. ആദ്യമായാണ്​ ഞങ്ങൾ സംസാരിക്കുന്നത്​. അത്​ 45 മിനിറ്റോളം നീണ്ടു. സംസാരത്തിനിടെ പാട്ടി​െൻറ ഓരോ വരികളും ശഹബാസ്​ അമൻ എടുത്തുപറഞ്ഞു. അദ്ദേഹത്തെ പോലൊരു മനുഷ്യൻ ആ പാട്ടിനെ ഇത്രയും സ്​നേഹിക്കുന്നത്​ കണ്ടപ്പോൾ ആളുകൾ 'ആകാശമായവളെ' ഏറ്റെടുക്കുമെന്ന്​ തോന്നി.

സിനിമ സെറ്റിലെ എല്ലാവരുടെയും ഫേവറിറ്റ്​ ലിസ്​റ്റിലും ഈ പാട്ട്​ ഇടംപിടിച്ചിരുന്നു. തുടക്കക്കാരനെന്ന നിലയിൽ എനിക്ക്​ വലിയ സന്തോഷം തന്ന നിമിഷങ്ങളായിരുന്നു അതെല്ലാം. കാപ്​റ്റ​െൻറ സമയത്ത്​ പാട്ടുപെട്ടിയും ഇങ്ങനെ തന്നെയായിരുന്നു, എന്നാൽ എന്തുകൊണ്ടോ അത്​ വലിയ ഹിറ്റായി മാറിയില്ല. കോവിഡ്​ ആയതിനാൽ ആകാശമായവളെ പുറത്തിറങ്ങി ആളുകളുടെ പ്രതികരണമറിയാൻ ഒരു വർഷം കാത്തിരിക്കേണ്ടി വന്നു. പടം ഇറങ്ങി പാട്ട്​ പെ​ട്ടെന്നു തന്നെ ആളുകൾ ഏറ്റെടുത്തു. വെള്ളത്തിൽ മൂന്നു പാട്ടുകൾ കൂടി എഴുതി.

പുതിയ പാട്ടുകാരിൽ പ്രതീക്ഷ നൽകുന്ന ആളെന്ന ഗാനരചയിതാവ്​ റഫീക്​ അഹമ്മദി​െൻറ വാക്കുകൾ ബഹുമതിയായി ​ഹൃദ​യത്തിൽ ചേർക്കുന്നു. അദ്ദേഹം വിളിക്കുകയും ചെയ്​തു. ഈ പാ​ട്ടോടുകൂടി പാ​ട്ടെഴുത്തുകാരുടെ വാട്​സ്​ ആപ്​ ഗ്രൂപ്പിലേക്കും എനിക്ക്​ ഇടം കിട്ടി. ആകാശത്തോളം എഴുതുക എന്നു പറഞ്ഞ്​ റഫീക്കയാണ്​ ഗ്രൂപ്പിലേക്ക്​ സ്വാഗതം ചെയ്​തത്​.

പുതിയ പാട്ടുകൾ

തിങ്കളാഴ്​ച നിശ്​ചയം എന്ന സിനിമയിൽ ഒരു പാ​ട്ടെഴുതിയിട്ടുണ്ട്​. മുജീബ്​ മജീദ്​ ആണ്​ സംഗീത സംവിധായകൻ. ഉദയ, സീക്രട്ട്​ ഓഫ്​ വിമൻ എന്നീ സിനിമകളിൽ പാട്ടുകളെഴുതി. അതുപോലെ റോക്കട്രി എന്ന നമ്പിനാരായണ​െൻറ ജീവിതം ആസ്​പദമാക്കി നാലു ഭാഷകളിൽ ഇറങ്ങുന്ന സിനിമയിലും പാട്ടുണ്ട്​.

കുടുംബം

പാട്ട്​ ഹിറ്റായപ്പോൾ വീട്ടുകാരും ഹാപ്പിയായി. പാട്ടുപെട്ടിക്ക്​ വിചാരിച്ചത്ര ജനപ്രീതി ലഭിക്കാത്തതിൽ അവർക്കൊക്കെ നിരാശയുണ്ടായിരുന്നു. ആകാശമായവളെ അതെല്ലാം തീർത്തുകൊടുത്തു. ഭാര്യ ദിവ്യ എസ്​.ബി.ഐ കുന്ദമംഗലം ബ്രാഞ്ചിൽ ജോലി ചെയ്യുന്നു. തിങ്കളും തെന്നലുമാണ്​ മക്കൾ. അമ്മ രമാവതിയും കൂടെയുണ്ട്​. ബേപ്പൂർ വൊക്കേഷണൽ ഹയർ സെക്കൻഡറി സ്​കൂളിൽ കെമിസ്​ട്രി അധ്യാപകനാണ്​. അധ്യാപന ജീവിതത്തിനൊപ്പം തന്നെ തേടിവരുന്ന പാട്ടുകൾ എഴുതണ​െമന്നാണ്​ ആഗ്രഹം.