കെ.എസ്​. ചിത്രക്ക്​ ‘ശ്രീനരസിംഹ കീർത്തി’ പുരസ്കാരം

ചാലക്കുടി: മേലൂർ വിഷ്ണുപുരം നരസിംഹമൂർത്തി ക്ഷേത്രം ട്രസ്റ്റിന്റെ നാലാമത്തെ ‘ശ്രീനരസിംഹ കീർത്തി’ പുരസ്കാരത്തിന്​ ഗായിക കെ.എസ്. ചിത്രയെ തെരഞ്ഞെടുത്തു. 2017 മുതൽ നൽകി വരുന്നതാണ് അര ലക്ഷം രൂപയും പൊന്നാടയും ശില്പവും അടങ്ങുന്ന പുരസ്കാരം.

വിഷ്ണുപുരം മഹാക്ഷേത്രത്തിലെ പ്രതിഷ്ഠദിനത്തോടും നവഗ്രഹ പ്രതിഷ്ഠ ഘോഷങ്ങളോടും അനുബന്ധിച്ച് ക്ഷേത്ര സന്നിധിയിൽ നടത്തുന്ന സമാദരണ സന്ധ്യയിൽ ബുധനാഴ്ച വൈകുന്നേരം ഏഴിന്​ മൂർക്കന്നൂർ ശ്രീഹരി നമ്പൂതിരി പുരസ്കാരം സമ്മാനിക്കും. തുടർന്ന്​ ഭജനസന്ധ്യയുണ്ട്​.

24ന് രാവിലെ ഒമ്പതിനും 9.30നും മധ്യേ നവഗ്രഹ പ്രതിഷ്ഠ നടക്കും. വാർത്തസമ്മേളനത്തിൽ സെക്രട്ടറി ലെനീഷ് ആനേലി, പ്രോഗ്രാം കൺവീനർ കെ.ജി. ഹരിദാസ്, രതീഷ് കൊളക്കാട്ടിൽ, മുരളി കുട്ടപ്പൻ നാനാട്ടിൽ, സുരേഷ് കുമാർ എട്ടുവീട്ടിൽ എന്നിവർ പ​ങ്കെടുത്തു.