വി​ജ​യ​വ​ഴി​യി​ൽ പൊന്നാനിക്കാരുടെ വി​ൻ​സി

പൊ​ന്നാ​നി: ‘എ​ന്തെ​ങ്കി​ലും നേ​ടി​യെ​ടു​ക്ക​ണ​മെ​ന്ന് ഒ​രാ​ൾ പൂ​ർ​ണ മ​ന​സോ​ടെ ആ​ഗ്ര​ഹി​ച്ചാ​ൽ ആ ​ആ​ഗ്ര​ഹം സ​ഫ​ല​മാ​ക്കാ​ൻ ലോ​കം മു​ഴു​വ​ൻ കൂ​ടെ നി​ൽ​ക്കും’ -ബ്ര​സീ​ലി​യ​ൻ സാ​ഹി​ത്യ​കാ​ര​ൻ പൗ​ലോ കൊ​യ്‌​ലോ​യു​ടെ വി​ഖ്യാ​ത​വാ​ക്കു​ക​ൾ വി​ൻ​സി അ​ലോ​ഷ്യ​സി​ന് ജീ​വി​ത‘​രേ​ഖ’​യാ​ണി​ന്ന്. ക​ഴി​ഞ്ഞ ദി​വ​സം വ​രെ പേ​രി​ന് ഒ​ന്നോ ര​ണ്ടോ ഷീ​ൽ​ഡു​ക​ൾ മാ​ത്ര​മു​ണ്ടാ​യി​രു​ന്ന ഷെ​ൽ​ഫി​നെ അ​ല​ങ്ക​രി​ക്കാ​ൻ ഒ​റ്റ ദി​വ​സം കൊ​ണ്ട് സം​സ്ഥാ​ന​ത്തെ ഏ​റ്റ​വും വി​ല​പി​ടി​ച്ച പു​ര​സ്കാ​രം വീ​ട്ടി​ലേ​ക്കെ​ത്തി​യ​തി​ന്റെ അ​ഭി​മാ​ന​നി​റ​വി​ലാ​ണ് വി​ൻ​സി​യി​പ്പോ​ൾ.

ചെ​റു​പ്പ​ത്തി​ലേ സി​നി​മ ആ​കാ​ശ​ത്തോ​ളം ആ​ഗ്ര​ഹ​മാ​യി​രു​ന്നു. അ​ഭ്ര​പാ​ളി​യി​ൽ ശോ​ഭ​ന​യും മ​ഞ്ജു വാ​ര്യ​രു​മെ​ല്ലാം നാ​യി​ക​മാ​രാ​യി നി​റ​ഞ്ഞാ​ടു​മ്പോ​ൾ വി​ൻ​സി​യു​ടെ കു​ഞ്ഞു മ​ന​സി​ലും മോ​ഹം മൊ​ട്ടി​ട്ടെ​ങ്കി​ലും അ​പ്രാ​പ്യ​മെ​ന്ന ചി​ന്ത​യാ​യി​രു​ന്നു.പൊ​ന്നാ​നി​യി​ലെ സാ​ധാ​ര​ണ കു​ടും​ബ​ത്തി​ൽ വ​ള​ർ​ന്ന വി​ൻ​സി വി​ജ​യ​മാ​ത സ്കൂ​ളി​ലെ​യും സെ​ന്റ് ആ​ന്റ​ണീ​സ് ച​ർ​ച്ചി​ലെ​യും ക​ലാ​മ​ത്സ​ര​ങ്ങ​ളി​ൽ പ​ങ്കെ​ടു​ത്തി​രു​ന്നെ​ങ്കി​ലും ക​ഴി​വ് പു​റം​ലോ​ക​മ​റി​ഞ്ഞി​രു​ന്നി​ല്ല.

ക​ലാ​കാ​രി​യെ ക​ണ്ടെ​ത്തി​യത് അ​ബു

സ്കൂ​ൾ പ​ഠ​നം ക​ഴി​ഞ്ഞ് ഹ​യ​ർ സെ​ക്ക​ൻ​ഡ​റി പ​ഠ​നം ത​വ​നൂ​ർ ഐ​ഡി​യ​ൽ ഇം​ഗ്ലീ​ഷ് സ്കൂ​ളി​ലേ​ക്ക് മാ​റി​യ​തോ​ടെ​യാ​ണ് അ​ബു വ​ള​യം​കു​ള​മെ​ന്ന നാ​ട​ക​ക്കാ​ര​ൻ വി​ൻ​സി​യി​ലെ ക​ലാ​കാ​രി​യെ തി​രി​ച്ച​റി​ഞ്ഞ​ത്. നാ​ട​ക സം​വി​ധാ​യ​ക​നും കാ​സ്റ്റി​ങ് ഡ​യ​റ​ക്ട​റും അ​ഭി​നേ​താ​വു​മാ​യ അ​ബു മോ​ണോ ആ​ക്ട് പ​രി​ശീ​ലി​പ്പി​ച്ച​താ​ണ് വ​ഴി​ത്തി​രി​വാ​യ​ത്. അ​ദ്ദേ​ഹ​ത്തി​ന്റെ പ്രോ​ത്സാ​ഹ​നം ഊ​ർ​ജം പ​ക​ർ​ന്നു.

ഭാ​ഗ്യ​വു​മാ​യെ​ത്തി​യ ചി​ക്ക​ൻ​പോ​ക്സ്

കൊ​ച്ചി​യി​ൽ ആ​ർ​കി​ടെ​ക്ച്ച​ർ ബി​രു​ദം ക​ഴി​ഞ്ഞ് വീ​ട്ടി​ലെ​ത്തി​യ വി​ൻ​സി​ക്ക് ചി​ക്ക​ൻ​പോ​ക്സ് പി​ടി​പെ​ട്ട സ​മ​യ​ത്താ​ണ് സം​വി​ധാ​യ​ക​ൻ ലാ​ൽ ജോ​സു​ൾ​പ്പെ​ടെ വി​ധി​ക​ർ​ത്താ​വാ​യ ‘നാ​യി​ക നാ​യ​ക​ൻ’ എ​ന്ന റി​യാ​ലി​റ്റി ഷോ​യു​ടെ പ​ര​സ്യം ശ്ര​ദ്ധ​യി​ൽ​പ്പെ​ടു​ന്ന​ത്. ചി​ക്ക​ൻ​പോ​ക്സ് പി​ടി​പെ​ട്ട​തി​നാ​ൽ ഒ​ന്ന് മ​ടി​ച്ചെ​ങ്കി​ലും വീ​ട്ടു​കാ​ർ ഉ​ൾ​പ്പെ​ടെ നി​ർ​ബ​ന്ധി​ച്ച​പ്പോ​ൾ പ​ങ്കെ​ടു​ക്കാ​ൻ അ​പേ​ക്ഷ ന​ൽ​കി. ഓ​ഡീ​ഷ​നി​ൽ മി​ക​ച്ച പ്ര​ക​ട​നം ന​ട​ത്തി​യ​തോ​ടെ വേ​ദി​യി​ലെ​ത്തി.

സ്വാ​ഭാ​വി​ക അ​ഭി​ന​യ​ത്തി​ലൂ​ടെ ഷോ​യി​ൽ ല​ഭി​ച്ച​ത് ര​ണ്ടാം സ്ഥാ​ന​വും. തു​ട​ർ​ന്ന് 2014ൽ ​സൗ​ബി​ൻ ഷാ​ഹി​റി​ന്റെ നാ​യി​ക​യാ​യി ‘വി​കൃ​തി’ എ​ന്ന സി​നി​മ​യി​ലൂ​ടെ അ​ഭി​ന​യ​രം​ഗ​ത്തേ​ക്ക്. പി​ന്നീ​ട് ‘ക​ന​കം കാ​മി​നി ക​ല​ഹം’, ‘ഭീ​മ​ന്റെ വ​ഴി’, ‘ജ​ന​ഗ​ണ​മ​ന’, ‘സോ​ള​മ​ന്റെ തേ​നീ​ച്ച​ക​ൾ’, ‘1744 വൈ​റ്റ് ആ​ൾ​ട്ടോ’, ‘സൗ​ദി വെ​ള്ള​ക്ക’, ‘രേ​ഖ’, ‘പ​ദ്മി​നി’ എ​ന്ന സി​നി​മ​ക​ളി​ലും അ​ഭി​ന​യി​ച്ചു. ‘രേ​ഖ’​യി​ലെ രേ​ഖ എ​ന്ന ക​ഥാ​പാ​ത്ര​ത്തെ തേ​ടി ഒ​ടു​വി​ൽ മി​ക​ച്ച ന​ടി​ക്കു​ള്ള സം​സ്ഥാ​ന അ​വാ​ർ​ഡും വി​ൻ​സി​യെ തേ​ടി​യെ​ത്തി.

പൊ​ന്നാ​നി​യി​ലെ ജാ​ഡ​യി​ല്ലാ ന​ടി

ക്രി​സ്തു​മ​സി​നും ഈ​സ്റ്റ​റി​നും പ​ള്ളി പെ​രു​ന്നാ​ളി​നും പൊ​ന്നാ​നി സെ​ന്റ് തോ​മ​സ് ച​ർ​ച്ചി​ലെ ച​ട​ങ്ങു​ക​ളി​ൽ സ്ഥി​ര സാ​ന്നി​ധ്യ​മാ​ണ് വി​ൻ​സി. സി​നി​മ തി​ര​ക്കു​ക​ൾ​ക്കി​ട​യി​ലും വി​ശേ​ഷ ദി​വ​സ​ങ്ങ​ളി​ൽ ച​ർ​ച്ചി​ലെ​ത്തും.

ഒ​റ്റ ദി​നം കൊ​ണ്ട് നി​റ​ഞ്ഞ ഷെ​ൽ​ഫ്

വി​ൻ​സി​യു​ടെ അ​ച്ഛ​ൻ അ​ലോ​ഷ്യ​സ് എ​ല്ലാ​വ​രു​ടെ​യും അ​ലോ​ഷ്യേ​ട്ട​നാ​ണ്. പു​ര​സ്കാ​ര വി​വ​രം അ​റി​ഞ്ഞ​ത് മു​ത​ൽ നി​ര​വ​ധി പേ​രാ​ണ് അ​ഭി​ന​ന്ദ​ന​വു​മാ​യി എ​ത്തി​യ​ത്. പി. ​ന​ന്ദ​കു​മാ​ർ എം.​എ​ൽ.​എ എ​ത്തി അ​ഭി​ന​ന്ദ​ന​മ​റി​യി​ച്ചു. പൊ​ന്നാ​നി​യി​ലെ വി​വി​ധ മേ​ഖ​ല​ക​ളി​ലു​ള്ള​വ​ർ അ​ഭി​ന​ന്ദ​വു​മാ​യി എ​ത്തി.