പശ്​ചിമ ബംഗാളിൽ തൃണമൂൽ മൂന്നിൽ രണ്ട്​ ഭൂരിപക്ഷം നേടുമെന്ന്​ അഭിഷേക്​ ബാനർജി

കൊൽക്കത്ത: മൂന്നാംഘട്ട വോ​ട്ടെടുപ്പ്​ നടക്കുന്ന പശ്​ചിമ ബംഗാളിൽ തെരഞ്ഞെടുപ്പ്​ അവസാനത്തോടടു​ത്ത്​ എത്തിനിൽക്കെ തകർപ്പൻ വിജയവുമായി ഭരണത്തുടർച്ചയുണ്ടാകുമെന്ന്​ തൃണമൂൽ നേതാവ്​. മൂന്നിൽ രണ്ട്​ ഭൂരിപക്ഷവുമായി മമത ബാനർജി അധികാരത്തിൽ തിരികെയെത്തുമെന്ന്​ ഉറച്ച വിശ്വാസമുണ്ടെന്ന്​ തൃണമൂൽ എം.പി അഭിഷേക്​ ബാനർജി പറഞ്ഞു. ജനം മരിച്ചുവീഴു​േമ്പാഴും ഒരു പാർട്ടിക്ക്​ ഗുണമുണ്ടാകാൻ വേണ്ടി മാത്രം തെരഞ്ഞെടുപ്പ്​ കമീഷൻ എട്ട്​ ഘട്ടങ്ങളിലായി തെരഞ്ഞെടുപ്പ്​ നടത്തുകയാണെന്നും ഭൊവാനിപൂർ മണ്​ഡലത്തിൽ വോട്ടുരേ​ഖപ്പെടുത്തിയ പാർലമെന്‍റംഗം പറഞ്ഞു. മമത ബാനർജിയുടെ ഉറ്റ ബന്ധുകൂടിയാണ്​ അഭിഷേക്​.

34 മണ്​ഡലങ്ങളിലേക്കാണ്​ തെരഞ്ഞെടുപ്പ്​ നടക്കുന്നത്​. രണ്ടെണ്ണത്തിൽ കൂടി ഇ​േ​ത സമയം തെരഞ്ഞെടുപ്പ്​ നിശ്​ചയിച്ചിരുന്നുവെങ്കിലും സ്​ഥാനാർഥികളുടെ മരണത്തെ തുടർന്ന്​ നീട്ടിവെക്കുകയായിരുന്നു. ഏറ്റവുമൊടുവിൽ ​തൃണമൂൽ സ്​ഥാനാർഥി കാജൽ സിൻഹ കോവിഡ്​ ബാധിച്ച്​ മരിക്കുകയായിരുന്നു.