പഴവങ്ങാടി ഗ്രാമപഞ്ചായത്തിന് എം.പി ഫണ്ടിൽ നിന്ന് ആംബുലൻസ് അനുവദിച്ചു

റാന്നി: പഴവങ്ങാടി ഗ്രാമപഞ്ചായത്തിന് ആന്‍റോ ആന്‍റണി എം.പിയുടെ പ്രാദേശിക വികസന ഫണ്ടിൽ നിന്ന് ആംബുലൻസ് അനുവദിച്ചു. ആംബുലൻസിന്‍റെ താക്കോൽ എം.പി, പ്രസിഡന്‍റ് അനിത അനിൽകുമാറിന് കൈമാറി.

ജില്ല കലക്ടർ ദിവ്യ എസ്. അയ്യർ, പഴവങ്ങാടി ഗ്രാമപഞ്ചായത്ത് വൈസ് പ്രസിഡന്‍റ് ജോൺ എബ്രഹാം, ഗ്രാമപഞ്ചായത്ത് സ്ഥിരം സമിതി അധ്യക്ഷ ഷെർലി ജോർജ്, ഗ്രാമപഞ്ചായത്ത് അംഗങ്ങളായ റൂബി കോശി,ബിജി വർഗീസ്, ജിജി വർഗീസ്, എം.ജി. ശ്രീകുമാർ, സൗമ്യ ജി. നായർ എന്നിവർ പങ്കെടുത്തു.