Top
Begin typing your search above and press return to search.
exit_to_app
exit_to_app
vote
cancel

മുണ്ടക്കയം: ചതുഷ്‌കോണ മത്സരത്തില്‍ ശ്രദ്ധ നേടി ഇഞ്ചോടിഞ്ച്​ പോരാട്ടം നടത്തുന്ന പൂഞ്ഞാറില്‍ ആര്​ ജയിക്കുമെന്നത് കാണാന്‍ കാത്തിരിക്കുകയാണ് രാഷ്​ട്രീയ കേരളം. നാലുപതിറ്റാണ്ട്​ മണ്ഡലത്തെ പ്രതിനിധാനം ചെയ്യുന്ന പി.സി. ജോര്‍ജും ഇടതുവലത്​-ബി.ജെ.പി മുന്നണികളും തമ്മിലെ കടുത്ത മത്സരം പൂഞ്ഞാറിനെ മറ്റുമണ്ഡലങ്ങളില്‍നിന്ന്​ വ്യത്യസ്​തമാക്കുന്നു. കൂടുതല്‍ കാലം യു.ഡി.എഫിനോട് സ്‌നേഹം കാട്ടിയ പൂഞ്ഞാറുകാര്‍ കഴിഞ്ഞ തെരഞ്ഞെടുപ്പില്‍ ഒരുമുന്നണിയോടും മമത കാട്ടിയില്ല.

മുന്നണികള്‍ മാറി മത്സരിച്ചപ്പോഴും സ്വതന്ത്രവേഷം കെട്ടിയപ്പോഴും പൂഞ്ഞാറുകാര്‍ക്ക് താൽപര്യം പി.സി. ജോര്‍ജിനോടുതന്നെയായിരുന്നു. അതുതന്നെയാണ് മറ്റു സ്ഥാനാര്‍ഥികള്‍ക്കുള്ള ആശങ്ക. കോണ്‍ഗ്രസി​െൻറ സംസ്ഥാനത്തെ പരമോന്നത കമ്മിറ്റിയുടെ ജനറല്‍ സെക്രട്ടറിയും ജില്ലയിലെ കോണ്‍ഗ്രസി​െൻറ അമരക്കാരനുമായി പ്രവര്‍ത്തിച്ചു പരിചയമുള്ള ടോമി കല്ലാനിയാണ് യു.ഡി.എഫ് സ്ഥാനാര്‍ഥി. നാലുപതിറ്റാണ്ടിനുശേഷം സ്വന്തം പാര്‍ട്ടിക്ക്​ വോട്ടുചെയ്യാന്‍ അവസരം ലഭിച്ച കോണ്‍ഗ്രസ് പ്രവര്‍ത്തകര്‍ മറ്റു തെരഞ്ഞെടുപ്പില്‍നിന്ന്​ വ്യത്യസ്തമായി സജീവമാണ് മണ്ഡലത്തില്‍.

പി.സി. ജോര്‍ജ് കഴിഞ്ഞ തെരഞ്ഞെടുപ്പില്‍ ഒറ്റക്ക് മത്സരിച്ച്​ ഇരുപത്തെണ്ണായിരത്തിലധികം വോട്ടിന്​ ജയിച്ചപ്പോഴും രണ്ടാം സ്ഥാനത്ത്​ എത്താന്‍ യു.ഡി.എഫിന്​ കഴിഞ്ഞുവെന്നതും അവർക്ക്​ പ്രതീക്ഷ നൽകുന്നു. പഞ്ചായത്തുതെരഞ്ഞെടുപ്പിലെ തമ്മിലടി ബാധിക്കാതെ ഒറ്റക്കെട്ടായി പ്രവര്‍ത്തിക്കാന്‍ കഴിഞ്ഞതും അവർക്ക്​ ആത്മവിശ്വാസം നൽകുന്നു. കേരള കോണ്‍ഗ്രസ് സംസ്ഥാന സ്​റ്റിയറിങ് കമ്മിറ്റി അംഗം സെബാസ്​റ്റ്യന്‍ കുളത്തുങ്കല്‍ ഇടതുസ്ഥാനാര്‍ഥിയായി വന്നത്​ പ്രവര്‍ത്തകരില്‍ ആവേശമുണ്ടാക്കിയിട്ടുണ്ട്. കേരള കോണ്‍ഗ്രസി​െൻറ കടന്നുവരവും അവരുടെ സ്ഥാനാര്‍ഥി എന്നതുമാണ്​ ഇടതുമുന്നണിയുടെ പ്രതീക്ഷ.

കഴിഞ്ഞ തെരഞ്ഞെടുപ്പില്‍ മൂന്നാം സ്ഥാനത്തേക്കുപോയ മണ്ഡലത്തില്‍ വിജയിച്ച സ്ഥാനാർഥിയുടെ ഭൂരിപക്ഷത്തിനൊപ്പംപോലും വോട്ടുപിടിക്കാന്‍ എൽ.ഡി.എഫിന്​ കഴിഞ്ഞിരുന്നില്ല. ഇക്കുറി അത് മറികടന്ന്​ വിജയിക്കാനുള്ള സാഹചര്യവുമു​െണ്ടന്നാണ് ഇടത്​ ആത്മവിശ്വാസം. പതിനായിരത്തിലധികം വോട്ടുള്ള എസ്.ഡി.പി.ഐ ഇടതിന്​ വോട്ടുചെയ്യുമെന്ന പ്രഖ്യാപനം വിജയത്തെ ബാധിക്കുമെന്ന ആശങ്ക സി.പി.എമ്മിലെ ഒരുവിഭാഗത്തിനുണ്ട്​.

എസ്.ഡി.പി.ഐയുടെ വോട്ട്​ വേ​െണ്ടന്ന്​ പരസ്യമായി പ്രഖ്യാപിച്ചതിനു പിന്നാലെ അവര്‍ ഇടതിന്​ പിന്തുണ അറിയിച്ചതോടെ തനിക്കു മറ്റുവിഭാഗത്തി​െൻറ വോട്ട്​ കൂടുതല്‍ കിട്ടുമെന്നാണ് പി.സി. ജോര്‍ജ് വിശ്വസിക്കുന്നത്​. കഴിഞ്ഞ തവണ ഇടതുസ്ഥാനാർഥിക്ക്​ കിട്ടിയ അത്ര വോട്ടുനേടിയ ബി.ഡി.ജെ.എസുതന്നെയാണ്​ ഇക്കുറി എന്‍.ഡി.എക്കുവേണ്ടി മത്സരിക്കുന്നത്​. അവരും വിജയമാണ് ലക്ഷ്യമാക്കുന്നത്. ബി.ഡി.ജെ.എസ് ജില്ല പ്രസിഡൻറും​ എസ്.എന്‍.ഡി.പി നേതാവുമായ എം.പി. സെന്നാണ് സ്ഥാനാർഥി.

Show Full Article
TAGS:assembly election 2021 election trends Poonjar assembly 
News Summary - election trends in Poonjar assembly
Next Story