Begin typing your search above and press return to search.
exit_to_app
exit_to_app
ഞാൻ ജയിക്കും, കേരളത്തിൽ ബി.ജെ.പി 40 സീറ്റ്​ നേടും, ചിലപ്പോൾ 75 വരെയാകാം- ഇ. ശ്രീധരൻ
cancel
Homechevron_rightElectionschevron_rightAssembly Electionschevron_rightKeralachevron_rightPalakkadchevron_rightഞാൻ ജയിക്കും,...

ഞാൻ ജയിക്കും, കേരളത്തിൽ ബി.ജെ.പി 40 സീറ്റ്​ നേടും, ചിലപ്പോൾ 75 വരെയാകാം- ഇ. ശ്രീധരൻ

text_fields
bookmark_border


തിരുവനന്തപുരം: കേരളത്തിൽ ബി.ജെ.പി അധികാരമേറുകയോ ചുരുങ്ങിയ പക്ഷം കിങ്​മേക്കറുടെ റോൾ ഏറ്റെടുക്കുകയോ ചെയ്യുമെന്ന പ്രതീക്ഷയിൽ പാർട്ടിയുടെ മുഖ്യമന്ത്രി സ്​ഥാനാർഥിയായ മെട്രോമാൻ ഇ. ശ്രീധരൻ. ''ഞാൻ തീർച്ചയായും വിജയിക്കും. ബി.ജെ.പി ഏറ്റവും ചുരുങ്ങിയത്​ 40 സീറ്റെങ്കിലും സ്വന്തമാക്കും. അത്​ 75 വരെ​െയത്താം''- ഇംഗ്ലീഷ്​ പത്രം ടെല​ഗ്രാഫിന്​ നൽകിയ അഭിമുഖത്തിൽ ഇ. ശ്രീധരന്‍റെ സ്വപ്​നങ്ങൾക്ക്​ ആ​കാ​ശത്തോളം ഉയരം.

''അധികാരം പിടിക്കാൻ ബി.ജെ.പിക്ക്​ ഇത്തവണ ലഭിച്ച മികച്ച അവസരമാണിത്​. അതില്ലെങ്കിൽ കിങ്​മേക്കറെങ്കിലും ആകും. കേരളം ആരു ഭരിക്കണമെന്ന്​ ബി.ജെ.പി തീരുമാനിക്കും. അത്രക്ക്​ വലിയതോതിലുള്ള കൂറുമാറ്റമാണ്​ ബി.ജെ.പിയിലേക്ക്​. പാർട്ടി പ്രതിഛായ തീർത്തും വ്യത്യസ്​തമാണിപ്പോൾ. ഞാൻ പാർട്ടി​െക്കാപ്പം ചേർന്നതോടെ പ്രത്യേകിച്ചും. പ്രശസ്​തിയും കഴിവും പെരുമയും മേളിച്ച എന്നെ പോലെ ഒരാളെ ലഭിച്ചതോടെ ആളുകൾ ബി.ജെ.പിയിൽ കൂട്ടമായി ചേരുകയാണ്​''. ശ്രീധരൻ പറയുന്നു.

മുഖ്യമന്ത്രിയാകുമോ എന്ന ചോദ്യത്തിന്​ അത്​ പാർട്ടി തീരുമാനിക്കുമെന്നും അതുവേണമെന്ന്​ ആവശ്യപ്പെട്ടിട്ടില്ലെന്നും മെട്രോമാൻ പറയുന്നു. അവർക്ക്​ വേണമെങ്കിൽ ഏറ്റെടുക്കുമെന്നും കൂട്ടി​േചർത്തു.

പാലക്കാട്​ മണ്ഡലത്തിൽനിന്നാണ്​ ഇ. ശ്രീധരൻ ഇത്തവണ ജനവിധി തേടുന്നത്​. യുവത്വത്തിന്‍റെ തിളപ്പുമായി കഴിഞ്ഞ തവണ ജയംപിടിച്ച ശാഫി പറമ്പിലാണ്​ ഇത്തവണയും ഇവിടെ അങ്കത്തിനുള്ളത്​. സി. പി. പ്രമോദാണ്​ സി.പി.എം സ്​ഥാനാർഥി. 2016ൽ പാലക്കാട്​ ബി.ജെ.പി രണ്ടാം സ്​ഥാനത്തെത്തിയിരുന്നു. 57,559 വോട്ടുമായി ഷാഫി പറമ്പിൽ വിജയം പിടിച്ചപ്പോൾ രണ്ടാമതെത്തിയ ശോഭ സുരേന്ദ്രൻ 40,076 വോട്ടും എൽ.ഡി.എഫ്​ പ്രതിനിധി എൻ.എൻ കൃഷ്​ണദാസ്​ 38,675 വോട്ടുംനേടി.

Show Full Article
TAGS:E. Sreedharan BJP kingmaker 
News Summary - BJP will be the kingmaker in Kerala: E. Sreedharan
Next Story