Top
Begin typing your search above and press return to search.
exit_to_app
exit_to_app
Homechevron_rightElectionschevron_rightAssembly Electionschevron_rightKeralachevron_rightNemomchevron_rightനേമത്ത്​ ജാതി പറഞ്ഞ്​...

നേമത്ത്​ ജാതി പറഞ്ഞ്​ വോട്ട്​ പിടിക്കുന്ന നിലയിലേക്ക്​ സി.പി.എം തരം താഴ്​ന്നു -കെ. മുരളീധരൻ

text_fields
bookmark_border
k muraleedharan
cancel

തിരുവനന്തപുരം: നേമത്ത്​ ജാതി പറഞ്ഞ്​ വോട്ട്​ പിടിക്കുന്ന നിലയിലേക്ക്​ സി.പി.എം തരം താഴ്​ന്നിരിക്കുകയാണെന്ന്​ യു.ഡി.എഫ്​ സ്ഥാനാർഥി കെ. മുരളീധരൻ. തനിക്ക്​ ഹിന്ദു സമുദായത്തിന്‍റെ വോട്ട്​ കിട്ടില്ലെന്നും മുസ്​ലിം വിഭാഗത്തിന്‍റെ വോട്ട്​ നഷ്​ടപ്പെട്ടാൽ കുമ്മനം ജയിക്കുമെന്നുമൊക്കെ പറഞ്ഞ്​ ന്യൂനപക്ഷങ്ങളുടെ ഇടയിൽ സംശയങ്ങളുണ്ടാക്കാനാണ്​ സി.പി.എം ശ്രമം. അതിനെയൊക്കെ അതിജീവിച്ച്​ ന്യൂനപക്ഷത്തിന്‍റെയും ഭൂരിപക്ഷത്തിന്‍റെയും വോട്ട്​ യു.ഡി.എഫിന്​ ലഭിക്കുമെന്നും അദ്ദേഹം പറഞ്ഞു.

സി.പി.എമ്മിനെയും ബി.ജെ.പിയേയും യു.ഡി.എഫ്​ ഒരേപോലെയാണ്​ കാണുന്നത്​​. തങ്ങൾ ഒന്നാം സ്ഥാനത്തിനായാണ്​ മത്സരിക്കുന്നത്​. യു.ഡി.എഫിൽ നിന്ന്​ എങ്ങോട്ടും ഒഴുക്കുണ്ടാവില്ല. എന്നാൽ മറ്റുള്ളവരുടെ ഭാഗത്തു നിന്ന്​ യു.ഡി.എഫിലേക്ക്​ വല്ല ഒഴുക്കും ഉ​​ണ്ടോ എന്ന്​ തനിക്കിപ്പോൾ പറയാൻ പറ്റില്ലെന്നും മുരളീധരൻ പറഞ്ഞു.

കോൺഗ്രസ്​-സി.പി.എം വോട്ടു കച്ചവടത്തിന്​ സാധ്യതയുണ്ടെന്ന​ കുമ്മനം രാജശേഖരന്‍റെ പ്രസ്​താവനയെ കുറിച്ച്​ ചോദിച്ചപ്പോൾ തങ്ങൾ ഒരു കച്ചവടത്തിനും ഇല്ലെന്നും അവർ തമ്മിൽ കച്ചവടം നടത്താതിരുന്നാൽ മതിയെന്നും മുരളീധരൻ പറഞ്ഞു.

Show Full Article
TAGS:k muraleedharan CPM election campaign 
News Summary - The CPM has been reduced to the level of seeking votes on the basis of caste - K Muraleedharan
Next Story