Begin typing your search above and press return to search.
exit_to_app
exit_to_app
Homechevron_rightElectionschevron_rightAssembly Electionschevron_rightKeralachevron_rightMannarkkadchevron_rightവി​ക​സ​നം വി​വ​രി​ച്ച് ...

വി​ക​സ​നം വി​വ​രി​ച്ച് എ​ൻ. ഷം​സു​ദ്ദീ​ൻ, ഭരണനേട്ടങ്ങൾ എണ്ണിപ്പറഞ്ഞ്​ സു​രേ​ഷ് രാ​ജ്; മണ്ണാർക്കാട്ട്​ പ്രതീക്ഷയോടെ മുന്നണികൾ

text_fields
bookmark_border
mannarkkad
cancel
camera_alt

മണ്ണാർക്കാട്​ മണ്ഡലം എ​ൽ.​ഡി.​എ​ഫ് സ്ഥാ​നാ​ർ​ഥി സു​രേ​ഷ് രാ​ജ് മു​ക്ക​ണ്ണ​ത്ത് സ്വീ​ക​ര​ണം ഏ​റ്റു​വാ​ങ്ങു​ന്നു, യു.​ഡി.​എ​ഫ് സ്ഥാ​നാ​ർ​ഥി അ​ഡ്വ. എ​ൻ. ഷം​സു​ദ്ദീ​ൻ കു​മ​രം​പു​ത്തൂ​ർ

പാ​ണ്ടി​ക്കാ​ട്ട് വോ​ട്ട​ഭ്യ​ർ​ഥി​ക്കു​ന്നു

മ​ണ്ണാ​ർ​ക്കാ​ട്: മു​ന്ന​ണി​ക​ളെ മാ​റി​മാ​റി വ​രി​ക്കു​ന്ന മ​ണ്ണാ​ർ​ക്കാ​ട് മ​ണ്ഡ​ല​ത്തി​ൽ മീ​ന മാ​സ​ത്തി​ലെ ചൂ​ടി​നെ തോ​ൽ​പി​ക്കു​ന്ന​താ​ണ് പ്ര​ചാ​ര​ണ​ച്ചൂ​ട്. യു.​ഡി.​എ​ഫും എ​ൽ.​ഡി.​എ​ഫും ഒ​രു​പോ​ലെ അ​മി​ത വി​ജ​യ പ്ര​തീ​ക്ഷ​യു​മാ​യി മ​ണ്ഡ​ല​ത്തി​ൽ സ​ജീ​വ​മാ​കു​മ്പോ​ൾ, നി​ല മെ​ച്ച​പ്പെ​ടു​ത്താ​ൻ വെ​ച്ചു​പി​ടി​ക്കു​ക​യാ​ണ് എ​ൻ.​ഡി.​എ.

എ​ൻ. ഷം​സു​ദ്ദീ​ൻ

രാ​വി​ലെ 9.00 മ​ണി​യോ​ടെ ആ​രം​ഭി​ക്കേ​ണ്ട പ​ര്യ​ട​നം ഒ​ര​ൽ​പം വൈ​കി​യാ​ണ് ആ​രം​ഭി​ച്ച​ത്. ഇ​ട​തു​മു​ന്ന​ണി​യു​ടെ ന​ഗ​ര​സ​ഭ കൗ​ൺ​സി​ല​ർ ഇ​ബ്രാ​ഹീ​മി‍െൻറ പി​താ​വ് മ​രി​ച്ച​ത​റി​ഞ്ഞു​ള്ള സ​ന്ദ​ർ​ശ​നം ക​ഴി​ഞ്ഞു ന​ജാ​ത്ത് ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജി​ലെ​ത്തി വി​ദ്യാ​ർ​ഥി​ക​ളു​മാ​യി അ​ൽ​പ​നേ​രം ചെ​ല​വ​ഴി​ച്ച ശേ​ഷ​മാ​ണ് പ​ര്യ​ട​ന പ​രി​പാ​ടി​യി​ലേ​ക്ക് നീ​ങ്ങി​യ​ത്. ആ​ദ്യ സ്വീ​ക​ര​ണ സ്ഥ​ല​മാ​യ കു​മ​രം​പു​ത്തൂ​ർ പ​ഞ്ചാ​യ​ത്തി​ലെ പാ​ണ്ടി​ക്കാ​ട് എ​ത്തു​മ്പോ​ൾ നി​ശ്ച​യി​ച്ച​തി​ലും ഒ​രു മ​ണി​ക്കൂ​ർ വൈ​കി. സ്ഥാ​നാ​ർ​ഥി​യു​ടെ വാ​ഹ​നം എ​ത്തു​ന്ന​തി​ന് മു​മ്പാ​യി പ്രാ​ദേ​ശി​ക നേ​താ​ക്ക​ളു​ടെ പ്ര​സം​ഗ​വും ചി​ല കേ​ന്ദ്ര​ങ്ങ​ളി​ലെ പാ​ട്ടു​വ​ണ്ടി​യി​ലെ പാ​ട്ടു​ക​ളും കൊ​ഴു​പ്പേ​കി.

പ്രാ​ദേ​ശി​ക വി​ഷ​യ​ങ്ങ​ളും ശ​ബ​രി​മ​ല​യും സ്പീ​ക്ക​ർ​ക്കെ​തി​രെ​യു​ള്ള പു​തി​യ വെ​ളി​​പ്പെ​ടു​ത്ത​ലു​മെ​ല്ലാം വി​വ​രി​ച്ചു​ള്ള പൈ​ല​റ്റ് പ്ര​സം​ഗം ക​ഴി​യു​മ്പോ​ഴേ​ക്കും ഷം​സു​ദ്ദീ​ൻ എ​ത്തി. കൂ​ടി​നി​ന്ന​വ​രോ​ടും അ​ടു​ത്തു​ള്ള വീ​ടു​ക​ളി​ലും ക​ട​ക​ളി​ലും ക​യ​റി വോ​ട്ട​ഭ്യ​ർ​ഥ​ന. പ്ര​വ​ർ​ത്ത​ക​രു​ടെ ഷാ​ള​ണി​യി​ക്ക​ൽ. പി​ന്നെ 10 വ​ർ​ഷ​ത്തെ വി​ക​സ​ന നേ​ട്ട​ങ്ങ​ൾ അ​ക്ക​മി​ട്ട് നി​ര​ത്തി​യു​ള്ള ല​ഘു പ്ര​സം​ഗം. കു​മ​രം​പു​ത്തൂ​രി​ലെ പ്ര​ധാ​ന പ്ര​ശ്ന​മാ​യ പ​യ്യ​ന​ടം റോ​ഡ് ക​ട​ന്നു​പോ​കു​ന്ന വ​ഴി​യാ​ണ് തി​ങ്ക​ളാ​ഴ്ച പ​ര്യ​ട​നം ന​ട​ന്ന​ത്.

റോ​ഡ് വി​ഷ​യ​ത്തി​ലെ കി​ഫ്‌​ബി- പൊ​തു​മ​രാ​മ​ത്ത് വ​കു​പ്പു​ക​ളു​ടെ ശീ​ത​സ​മ​രം ചൂ​ണ്ടി​ക്കാ​ട്ടി​യ ശേ​ഷം യു.​ഡി.​എ​ഫ് അ​ധി​കാ​ര​ത്തി​ൽ വ​ന്നാ​ൽ ആ​റു മാ​സ​ത്തി​ന​കം റോ​ഡ് പൂ​ർ​ത്തി​യാ​ക്കു​മെ​ന്നു​ള്ള വാ​ഗ്ദാ​ന​വും ന​ൽ​കി അ​ടു​ത്ത കേ​ന്ദ്ര​മാ​യ അ​ക്കി​പാ​ട​ത്തേ​ക്ക്. സാ​മാ​ന്യം ന​ല്ല ആ​ൾ​ത്തി​ര​ക്കു​ണ്ട് വി​വി​ധ കേ​ന്ദ്ര​ങ്ങ​ളി​ൽ. പ​ഞ്ചാ​യ​ത്തി​ലെ 40 കേ​ന്ദ്ര​ങ്ങ​ളി​ലാ​യാ​ണ് സ്വീ​ക​ര​ണം ന​ട​ന്ന​ത്. അ​തി​നി​ടെ യു.​ഡി.​എ​ഫ് വ​നി​ത സം​ഗ​മ​വും അ​ധ്യാ​പ​ക സം​ഗ​മ​വും പൂ​ർ​ത്തി​യാ​ക്കി. ച​ങ്ങ​ലീ​രി മേ​ഖ​ല​യി​ലെ പ​ര്യ​ട​നം പൂ​ർ​ത്തി​യാ​ക്കി നി​ശ്ച​യി​ച്ച​തി​ലും ഏ​റെ വൈ​കി ര​ണ്ടാം മൈ​ലി​ൽ സ​മാ​പ​നം.

കെ.​പി. സു​രേ​ഷ് രാ​ജ്​

നേ​ര​ത്തേ നി​ശ്ച​യി​ച്ച സ​മ​യ​ക്ര​മ​ത്തി​ലും സ്വീ​ക​ര​ണ സ്ഥ​ല​ങ്ങ​ളി​ലും അ​ൽ​പം മാ​റ്റം വ​രു​ത്തി​യാ​ണ് ഇ​ട​തു​മു​ന്ന​ണി സ്ഥാ​നാ​ർ​ഥി കെ.​പി. സു​രേ​ഷ് രാ​ജ് പ്ര​ചാ​ര​ണം തി​ങ്ക​ളാ​ഴ്ച പൂ​ർ​ത്തി​യാ​ക്കി​യ​ത്. രാ​വി​ലെ ഇ​ട​തു​മു​ന്ന​ണി​യു​ടെ ന​ഗ​ര​സ​ഭ കൗ​ൺ​സി​ല​ർ ഇ​ബ്രാ​ഹീ​മി‍െൻറ പി​താ​വ് മ​രി​ച്ച​ത​റി​ഞ്ഞു​ള്ള സ​ന്ദ​ർ​ശ​നം ക​ഴി​ഞ്ഞ ശേ​ഷ​മാ​ണ് പ്ര​ചാ​ര​ണ പ​രി​പാ​ടി​യി​ലേ​ക്ക് ക​ട​ന്ന​ത്. നി​ശ്ച​യി​ച്ച​തി​ലും ഒ​രു മ​ണി​ക്കൂ​ർ വൈ​കി​യാ​ണ് മ​ണ്ണാ​ർ​ക്കാ​ട് ന​ഗ​ര​സ​ഭ​യി​ലെ പ്ര​ചാ​ര​ണം ആ​രം​ഭി​ച്ച​ത്.

സ​മ​യം വൈ​കി​യ​തോ​ടെ രാ​ജാ​സ് കോ​ള​നി, ടി​പ്പു ജ​ങ്​​ഷ​ൻ ഭാ​ഗ​ങ്ങ​ളി​ലെ പ​രി​പാ​ടി​ക​ൾ ഒ​ഴി​വാ​ക്കി. ആ​ദ്യ പ​രി​പാ​ടി​യാ​യ മു​ക്ക​ണ്ണം ക​വ​ല​യി​ൽ സ്വീ​ക​ര​ണ സ്ഥ​ല​ത്ത്, സ്ഥാ​നാ​ർ​ഥി എ​ത്തും​മു​മ്പ് ഇ​ട​ത് നേ​താ​ക്ക​ളു​ടെ പി​ണ​റാ​യി സ​ർ​ക്കാ​റി‍െൻറ ഭ​ര​ണ നേ​ട്ട​ങ്ങ​ൾ എ​ണ്ണി​പ്പ​റ​ഞ്ഞ് വി​സ്ത​രി​ച്ചു​ള്ള പ്ര​സം​ഗം. അ​നൗ​ൺ​സ്‌​മെൻറ് വാ​ഹ​ന​ത്തി​ലെ അ​റി​യി​പ്പി​നൊ​പ്പം സു​രേ​ഷ് രാ​ജ് സ്ഥ​ല​ത്തെ​ത്തി. സ്ഥാ​നാ​ർ​ഥി​യെ കാ​ത്തു​നി​ന്നി​രു​ന്ന സ്ത്രീ​സം​ഘ​ത്തി​ലു​ണ്ടാ​യി​രു​ന്ന മൂ​ന്ന് വ​യ​സ്സു​കാ​ര​ൻ ആ​ദി ദേ​വി‍െൻറ കൈ​യി​ൽ​നി​ന്ന്​ പൂ​ച്ചെ​ണ്ട് വാ​ങ്ങി വോ​ട്ട​ഭ്യ​ർ​ഥ​ന​ക്ക് തു​ട​ക്ക​മാ​യി. ക​വ​ല​യി​ൽ ആ​ളു​ക​ൾ കു​റ​വാ​ണെ​ങ്കി​ലും ക​ട​ക​ളി​ൽ ക​യ​റി വോ​ട്ട​ഭ്യ​ർ​ഥി​ച്ച ശേ​ഷം ല​ഘു​വാ​യ പ്ര​സം​ഗം. ക്ഷേ​മ പെ​ൻ​ഷ​നും അ​ടി​സ്ഥാ​ന സൗ​ക​ര്യ വി​ക​സ​ന​വും സൗ​ജ​ന്യ കി​റ്റ് വി​ത​ര​ണ​വു​മെ​ല്ലാം സൂ​ചി​പ്പി​ച്ചും യു.​ഡി.​എ​ഫിൽ ബി.​ജെ.​പി ബ​ന്ധ​ം ആരോപിച്ചും പ്ര​സം​ഗം അ​വ​സാ​നി​പ്പി​ക്കു​മ്പോ​ഴേ​ക്കും പ്ര​വ​ർ​ത്ത​ക​ർ സ​ജീ​വ​മാ​യി.

പി​ന്നെ തൊ​ട്ട​ടു​ത്ത കേ​ന്ദ്ര​മാ​യ പാ​റ​പ്പുറ​ത്തേ​ക്ക്. അ​വി​ടെ സാ​മാ​ന്യം പ്ര​വ​ർ​ത്ത​ക​ർ സ്ഥാ​നാ​ർ​ഥി​ക്കാ​യി കാ​ത്തി​രി​ക്കു​ന്നു. വോ​ട്ട​ഭ്യ​ർ​ഥ​ന​യും പ്ര​സം​ഗ​വു​മെ​ല്ലാം പ​തി​വു​പോ​ലെ. ന​ഗ​ര​സ​ഭ​യി​ൽ 25 കേ​ന്ദ്ര​ങ്ങ​ളി​ലാ​ണ് സ്വീ​ക​ര​ണം ഒ​രു​ക്കി​യി​രു​ന്ന​ത്. രാ​ത്രി വൈ​കി​യാ​ണ് പ്ര​ചാ​ര​ണം നെ​ല്ലി​പ്പു​ഴ ആ​ണ്ടി​പ്പ​ട​ത്ത് സ​മാ​പി​ച്ച​ത്.

സീ​മ ഷ​റ​ഫു​ദ്ദീ​ൻ

തി​ങ്ക​ളാ​ഴ്ച അ​ല​ന​ല്ലൂ​ർ, കോ​ട്ടോ​പ്പാ​ടം പ​ഞ്ചാ​യ​ത്തി‍െൻറ വി​വി​ധ ഭാ​ഗ​ങ്ങ​ളി​ലാ​ണ് എ​ൻ.​ഡി.​എ സ്ഥാ​നാ​ർ​ഥി ന​സീ​മ ഷ​റ​ഫു​ദ്ദീ​ൻ പ​ര്യ​ട​നം പൂ​ർ​ത്തി​യാ​ക്കി​യ​ത്. വി​വി​ധ പ​ഞ്ചാ​യ​ത്തു ത​ല ക​ൺ​വെ​ൻ​ഷ​നു​ക​ൾ പൂ​ർ​ത്തി​യാ​ക്കി​യ ശേ​ഷ​മാ​ണ് സ്ഥാ​നാ​ർ​ഥി പ​ര്യ​ട​നം ആ​രം​ഭി​ച്ച​ത്. അ​ല​ന​ല്ലൂ​ർ പ​ഞ്ചാ​യ​ത്തി​ലെ ആ​ലു​ങ്ങ​ലി​ൽ നി​ന്നാ​ണ് രാ​വി​ലെ ഒ​മ്പ​ത​ര മ​ണി​യോ​ടെ പ്ര​ചാ​ര​ണം ആ​രം​ഭി​ച്ച​ത്.

പ​ഞ്ചാ​യ​ത്തി​ലെ 14 കേ​ന്ദ്ര​ങ്ങ​ളി​ലെ പ്ര​ചാ​ര​ണ പ​രി​പാ​ടി​ക​ൾ​ക്ക് ശേ​ഷം ഉ​ച്ച​ക്ക് തി​രു​വി​ഴാം​കു​ന്ന് മാ​ളി​കു​ന്നി​ൽ ഭ​ക്ഷ​ണ​വും അ​ൽ​പം വി​ശ്ര​മ​വും. ഉ​ച്ച​ക​ഴി​ഞ്ഞാ​ണ്‌ കോ​ട്ടോ​പ്പാ​ടം പ​ഞ്ചാ​യ​ത്തി​ലെ പ​ര്യ​ട​ന പ​രി​പാ​ടി​ക​ൾ ആ​രം​ഭി​ച്ച​ത്. ഓ​രോ സ്വീ​ക​ര​ണ സ്ഥ​ല​ത്തും പ്ര​ചാ​ര​ണ വാ​ഹ​ന​മെ​ത്തി പ്രാ​ദേ​ശി​ക, മ​ണ്ഡ​ലം നേ​താ​ക്ക​ളു​ടെ പ്ര​സം​ഗം. എ​ൻ.​ഡി.​എ​യെ അ​ധി​കാ​ര​ത്തി​ലെ​ത്തി​ച്ചാ​ൽ മ​ണ്ഡ​ല​ത്തി​ൽ ന​ട​പ്പാ​ക്കാ​ൻ പോ​കു​ന്ന വി​ക​സ​ന പ​ദ്ധ​തി​ക​ളെ​ക്കു​റി​ച്ചു​ള്ള ചെ​റി​യ പ്ര​സം​ഗ​ത്തോ​ടെ സ്വീ​ക​ര​ണ സ്ഥ​ല​ത്തി​ന് ചു​റ്റു​മു​ള്ള ഭാ​ഗ​ങ്ങ​ളി​ൽ വോ​ട്ട​ഭ്യ​ർ​ഥ​ന. ഉ​ച്ച​ക്ക് തി​രു​വി​ഴാം​കു​ന്നി​ൽ നി​ന്ന്​ ആ​രം​ഭി​ച്ച പ​ര്യ​ട​നം രാ​ത്രി വൈ​കി കോ​ട്ടോ​പ്പാ​ടം സെൻറ​റി​ൽ സ​മാ​പ​ിച്ചു.

Show Full Article
TAGS:assembly election 2021 mannarkkad 
News Summary - Explaining the development n. Shamsuddin, Suraj Raj enumerating administrative achievements; Mannarkkad fronts with hope
Next Story