Top
Begin typing your search above and press return to search.
exit_to_app
exit_to_app
Homechevron_rightElectionschevron_rightAssembly Electionschevron_rightKeralachevron_rightKozhikode Northchevron_rightകോഴിക്കോട്​ തുടക്കം...

കോഴിക്കോട്​ തുടക്കം മുതൽ കനത്ത പോളിങ്​

text_fields
bookmark_border
assembly election 2021, vottezhuth,
cancel

കോഴിക്കോട്​: നിയമസഭാ ​െതരഞ്ഞെടുപ്പിൽ ശക്​തമായ മത്സരം നടക്കുന്ന കോഴി​ക്കോട്​ ജില്ലയിൽ കനത്ത പോളിങ്ങോടുകൂടിയാണ്​ വോ​ട്ടെടുപ്പ്​ തുടങ്ങിയത്​. എല്ലാ മണിക്കൂറിലും സംസ്​ഥാന ശരാശരിയേക്കാൾ ഉയർന്ന ​പോളിങ്​ ജില്ലയിൽ എല്ലായിടത്തും രേഖപ്പെടുത്തുകയും ചെയ്​തു.

രാവിലെ ബൂത്തുകളിലെല്ലാം തിരക്ക്​ താരതമ്യേന കുറവായിരുന്നു. പതിഞ്ഞ താളത്തിൽ തുടങ്ങിയ പോളിങ്​ ആദ്യ രണ്ട്​ മണിക്കൂർ പിന്നിട്ടപ്പോഴേക്കും 15 ശതമാനം കടന്നു. അടുത്ത ഒന്നര മണിക്കൂറിനുള്ളിൽ 25.20 ശതമാനം പോളിങ്​​ രേഖപ്പെടുത്തിക്കൊണ്ട്​ ജില്ല മുന്നേറി.

12.30 ആയപ്പോൾ 43. 40 ശതമാനമായിരുന്നു വോട്ടിങ്​ നില. ഒന്നേകാലായപ്പോഴേക്കും ജില്ലയിലെ വോട്ടർമാരിൽ പകുതിയിലേറെപ്പേർ വോട്ട്​ രേഖപ്പെടുത്തി. 3.10 ഓടെ 61.06 ശതമാനം പേർവോട്ട്​ രേഖപ്പെടുത്തി. 60.69 ശതമാനം പുരുഷൻമാരും 61.41 ശതമാനം സ്​ത്രീകളുമാണ്​ വോട്ട്​ ചെയ്​തത്​. ട്രാൻസ്​ജെൻഡർമാരിൽ 12 പേരും വോട്ട്​ ചെയ്​തു.

സ്​ത്രീ വോട്ടർമാർ കൂടുതലുള്ള ജില്ലയിൽ ഒന്നരക്ക്​ ശേഷമാണ്​ സ്​ത്രീകളുടെ വോട്ടിങ്​ ശതമാനം പുരുഷൻമാരേക്കാൾ ഉയർന്നത്​. ഒന്നരക്ക്​ 51.25 ശതമാനം പുരുഷൻമാർ വോട്ടുചെയ്​തു കഴിഞ്ഞപ്പോൾ 50.97 ശതമാനം സ്​ത്രീകൾ മാത്രമായിരുന്നു വോട്ട്​ രേഖപ്പെടുത്തിയത്​.

അതിനു ശേഷം സ്​ത്രീകളുടെ വോട്ടിങ്​ ശതമാനം വർധിക്കുകയും 2.00 മണിയായപ്പോഴേക്കും പുരുഷൻമാരേക്കാൾ കൂടുതൽ സ്​ത്രീകൾ വോട്ടു ചെയ്യുകയും ചെയ്​തു. 3.15 ലെ കണക്കു പ്രകാരം 62.35 ശതമാനം പേരാണ്​ വോട്ട്​ രേഖപ്പെടുത്തിയത്​.

Show Full Article
TAGS:assembly election 2021 kozhikode election Polling 
News Summary - heavy polling in kozhikode from the starting itself
Next Story