ആർ.എസ്​.പി അനുഭവിക്കുന്നത്​ രാഷ്​ട്രീയ വഞ്ചനയുടെ തിരിച്ചടി –എം. നൗഷാദ്​

കൊല്ലം: ഒരു വ്യക്തിക്കുവേണ്ടി നടത്തിയ രാഷ്​ട്രീയ വഞ്ചനയുടെ തിരിച്ചടിയാണ്​ ആർ.എസ്​.പി ഇന്നനുഭവിക്കുന്നതെന്ന്​ ഇരവിപുരം മണ്ഡലത്തിൽനിന്ന്​ തെരഞ്ഞെടുക്കപ്പെട്ട എം. നൗഷാദ്​.​ കൊല്ലം പ്രസ്​ക്ലബി​െൻറ 'കേരളീയം 2021' പരിപാടിയിൽ സംസാരിക്കുകയായിരുന്നു അദ്ദേഹം.

തങ്ങൾക്ക്​ അവകാശമില്ലാത്ത കൊല്ലം ലോക്​സഭ സീറ്റിന്​ വേണ്ടിയായിരുന്നു ആർ.എസ്​.പി എൽ.ഡി.എഫ്​ വിട്ടത്​. അതിനെത്തുടർന്ന്​ ഒരു എം.പി സ്​ഥാനം കിട്ടിയപ്പോൾ അവർക്കുണ്ടായിരുന്ന നിയമസഭ, നഗരസഭ, പഞ്ചായത്ത്​ തുടങ്ങിയ സ്​ഥാനങ്ങൾ നഷ്​ടമായി.

രണ്ടുതവണയായി നിയമസഭയിൽ ആർ.എസ്​.പിക്ക്​ ഒരാളെപ്പോലും വിജയിപ്പിക്കാനായിട്ടില്ല. ലോക്​സഭ സീറ്റ്​ സി.പി.എം ഏറ്റെടുത്തപ്പോൾ, രാജ്യസഭ സീറ്റ്​ നൽകുകയും ചെയ്​തിരുന്നു. ഇരവിപുരത്തെ ജനങ്ങളെ ജാതീയമായി വേർതിരിക്കാൻ ബി.ജെ.പിയും യു.ഡി.എഫും നടത്തിയ നീക്കങ്ങൾക്കുള്ള ജനങ്ങളുടെ മറുപടിയാണ്​ തനിക്ക്​ ലഭിച്ച മികച്ച വിജയം.

ജനങ്ങളുടെ മതേതര മനസ്സിനെ ഇല്ലാതാക്കാൻ കഴിഞ്ഞില്ല. ബി.ജെ.പിയുടെ ​േവാട്ട്​ യു.ഡി.എഫിന്​ മറിക്കുമെന്ന കാര്യം പരസ്യമായിരുന്നു. ബി.ഡി.ജെ.എസ്​ സ്​ഥാനാർഥിയായതുകൊണ്ടാണ്​ വോട്ടു കുറഞ്ഞതെന്ന്​ പറയാനാവില്ല. കഴിഞ്ഞ പ്രാവശ്യവും ബി.ഡി.ജെ.എസ് തന്നെയായിരുന്നു അവിടെ മത്സരിച്ചത്​.

നിലവിൽ തുടങ്ങി​െവച്ച മണ്ഡലത്തിലെ വികസന പദ്ധതികൾ പൂർത്തിയാക്കുക എന്നതിലാവും രണ്ടാമൂഴത്തിൽ ത​െൻറ ​​​ശ്രദ്ധ. പുതിയ പദ്ധതികളും ആരംഭിക്കുമെന്നും അദ്ദേഹം പറഞ്ഞു.