ഇ​സ്രാ​യേ​ൽ വനിതയുടെ കൊലപാതകത്തിൽ ഞെട്ടി നാട്

കൊ​ട്ടി​യം: വി​ദേ​ശ വ​നി​ത​യു​ടെ കൊ​ല​പാ​ത​കം ഒ​രു ഗ്രാ​മ​ത്തെ​യാ​കെ ഞ​ടു​ക്ക​ത്തി​ലാ​ക്കി. ആ​ദ്യം വി​ശ്വ​സി​ക്കാ​നാ​യി​ല്ലെ​ങ്കി​ലും പൊ​ലീ​സ് സം​ഘ​വും പ​ഞ്ചാ​യ​ത്ത് പ്ര​സി​ഡ​ന്‍റും പ​ഞ്ചാ​യ​ത്ത് അം​ഗ​ങ്ങ​ളും എ​ത്തി​യ​പ്പോ​ഴാ​ണ് കൊ​ല​പാ​ത​കം ഡീ​സ​ന്‍റ്​ മു​ക്ക് കോ​ടാ​ലി​മു​ക്ക് നി​വാ​സി​ക​ൾ അ​റി​യു​ന്ന​ത്. ഉ​ത്ത​രാ​ഖ​ണ്ഡി​ൽ യോ​ഗാ അ​ധ്യാ​പ​ക​നാ​യ കൃ​ഷ്ണ​ച​ന്ദ്ര​ൻ അ​വി​ടെെ​വ​ച്ചാ​ണ് യോ​ഗ പ​രി​ശീ​ല​ന​ത്തി​നെ​ത്തി​യ ഇ​സ്രാ​യേ​ൽ സ്വ​ദേ​ശി​നി സ്വ​ത്​​വാ​യെ പ​രി​ച​യ​പ്പെ​ടു​ന്ന​തും വി​വാ​ഹി​ത​രാ​കു​ന്ന​തും.

ഒ​രു​വ​ർ​ഷം മു​മ്പ് കോ​ടാ​ലി​മു​ക്കി​ലെ ബ​ന്ധു​വി​ന്‍റെ വീ​ട്ടി​ലെ​ത്തി​യ ഇ​വ​ർ ഇ​രു​വ​ർ​ക്കും പ​രി​സ​ര​വാ​സി​ക​ളു​മാ​യി അ​ധി​കം സ​ഹ​വാ​സം ഉ​ണ്ടാ​യി​രു​ന്നി​ല്ല. ഇ​വ​ർ ഭാ​ര്യാ ഭ​ർ​ത്താ​ക്ക​ൻ​മാ​രാ​ണെ​ന്ന് പ​രി​സ​ര​വാ​സി​ക​ൾ അ​റി​യു​ന്ന​ത് കൊ​ല​പാ​ത​ക​ശേ​ഷ​മാ​ണ്. വ്യാ​ഴാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് സ്വ​ത്​​വാ​യെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ നി​ല​യി​ലും കൃ​ഷ്ണ​ച​ന്ദ്ര​നെ സ്വ​യം കു​ത്തി മു​റി​വേ​ൽ​പ്പി​ച്ച നി​ല​യി​ലും കാ​ണ്ട​ത്.

സം​ഭ​വ​മ​റി​ഞ്ഞ് വ​ൻ ജ​നാ​വ​ലി​യാ​ണ് കോ​ടാ​ലി​മു​ക്കി​ന് തെ​ക്കു​വ​ശ​മു​ള്ള തി​രു​വാ​തി​ര വീ​ടി​ന് മു​ന്നി​ൽ ത​ടി​ച്ചു​കൂ​ടി​യ​ത്. തൃ​ക്കോ​വി​ൽ​വ​ട്ടം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ സി​ന്ധു ജി.​എ​സ്, മു​ൻ പ്ര​സി​ഡ​ന്‍റ്​ സു​കു, വാ​ർ​ഡ് മെം​ബ​ർ എ​സ്. സി​ന്ധു, ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ളാ​യ സ​തീ​ഷ് കു​മാ​ർ, സ​ജാ​ദ്, ഷീ​ബ, സീ​താ​ഗോ​പാ​ൽ, ഷി​ബു​ലാ​ൽ, വി​ലാ​സി​നി, ഗം​ഗാ​ദേ​വി എ​ന്നി​വ​രും കൊ​ട്ടി​യ​ത്തു​നി​ന്നു​ള്ള പൊ​ലീ​സ് സം​ഘ​വും സ്ഥ​ല​ത്തെ​ത്തി​യി​രു​ന്നു.

വി​ദേ​ശ​വ​നി​ത താ​മ​സി​ച്ച​ത്​ പൊ​ലീ​സ്​ അ​റി​യാ​തെ

കൊ​ട്ടി​യം: ഒ​രു വ​ർ​ഷ​ത്തി​ല​ധി​ക​മാ​യി ഇ​സ്രാ​യേ​ൽ സ്വ​ദേ​ശി​യാ​യ വി​ദേ​ശ​വ​നി​ത കോ​ടാ​ലി​മു​ക്കി​ൽ താ​മ​സി​ച്ചി​ട്ടും പൊ​ലീ​സ് അ​റി​ഞ്ഞി​ല്ല. ഇ​ത്​ ഗു​രു​ത​ര വീ​ഴ്ച​യാ​യാ​ണ് ചൂ​ണ്ടി​ക്കാ​ട്ട​പ്പെ​ടു​ന്ന​ത്. താ​മ​സ​ത്തി​നാ​യി വി​ദേ​ശീ​യ​രെ​ത്തി​യാ​ൽ അ​ടു​ത്തു​ള്ള പൊ​ലീ​സ് സ്റ്റേ​ഷ​നി​ൽ അ​റി​യി​ക്ക​ണ​മെ​ന്നാ​ണ് നി​യ​മം. കൊ​ല്ല​പ്പെ​ട്ട വ​നി​ത​യെ​ക്കു​റി​ച്ചു​ള്ള കൂ​ടു​ത​ൽ വി​വ​ര​ങ്ങ​ൾ ആ​ത്മ​ഹ​ത്യ​ക്ക് ശ്ര​മി​ച്ച് ആ​ശു​പ​ത്രി​യി​ൽ ക​ഴി​യു​ന്ന കൃ​ഷ്ണ​ച​ന്ദ്ര​നെ ചോ​ദ്യം​ചെ​യ്താ​ൽ മാ​ത്ര​മേ അ​റി​യാ​ൻ ക​ഴി​യൂ.