ഡൽഹിയിൽ 14കാര​ിയെ കൂട്ടബലാത്സംഗം ചെയ്​തു; പ്രതിയുടെ പേര്​ പറയരുതെന്ന്​ പൊലീസ്​ ഭീഷണിപ്പെടുത്തിയെന്ന്​ കുടുംബം

ന്യൂഡൽഹി: നഗരത്തിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗത്തിന്​ ഇരയാക്കിയ സംഭവത്തിൽ പൊലീസ്​ പ്രതികൾക്കൊപ്പമെന്ന ആരോപണവുമായി പെൺകുട്ടിയുടെ കുടുംബം. ഡൽഹിയിൽ 14കാരിയെ നാല​ുപേർ ചേർന്ന്​ കൂട്ടബലാത്സംഗത്തിന്​ ചെയ്യുകയായിരുന്നു. കുടുംബം പരാതി നൽകിയിട്ടും പൊലീസ്​ നിസ്സംഗത കാണിക്കുകയാണെന്നും ഒരു പ്രതിയുടെ പേര്​ മൊഴിയിൽ പറയരുതെന്ന്​ പൊലീസ്​ നിർബന്ധിച്ചതായും കുടുംബം പറയുന്നു.

ഗാസിയാബാദിലെ ഒമ്പതാം ക്ലാസുകാരിയാണ്​ അക്രമത്തിന്​ വിധേയമായത്​. പ്രതികളിലൊരാള​ുമായി പെൺകുട്ടിക്ക്​ പരിചയമുണ്ടായിരുന്നു. ജൂലൈ 27ന്​ ഇയാൾ പെൺകുട്ടിയെ സമീപത്തെ ക്ഷേത്രത്തിലേക്ക്​ വിളിച്ചുവരുത്തി. അവിടെനിന്ന്​ പാർക്കിലേക്ക്​ പോകുകയും മറ്റു മൂന്നു പ്രതികളെ പരിചയപ്പെടുത്തുകയുമായിരുന്നു. ശേഷം

20കാരായ പ്രതികൾ പെൺകുട്ടിയെ നിർബന്ധിച്ച്​ കാറിൽ കയറ്റി കൊണ്ടുപോയി. പിന്നീട്​ ഡൽഹി കോണ്ട്​ലിയിലെ ഫ്ലാറ്റിലെത്തിച്ച്​ കൂട്ടബലാത്സംഗം ചെയ്​തു.

അക്രമത്തിന്​ ശേഷം പെൺകുട്ടിയെ മെയിൻ റോഡിൽ ഇറക്കിവിട്ടു. അക്രമം പുറത്തുപറഞ്ഞാൽ ദൂഷ്യഫലം അനുഭവി​​​ക്കേണ്ടിവരുമെന്ന്​ ഭീഷണിപ്പെടുത്തുകയും ചെയ്​തു. എന്നാൽ, പെൺകുട്ടി വിവരം മാതാപിതാക്കളെ അറിയിക്കുകയായിരുന്നു.

പെൺകുട്ടിയുടെ പിതാവ്​ പരാതി നൽകിയെങ്കിലും പൊലീസ്​ അലംഭാവം കാണിക്കുകയായിരുന്നു. ഒരു പ്രതിയുടെ പേര്​ പരാതിയിൽ പറയരുതെന്നായിരുന്നു പൊലീസി​െൻറ ആവശ്യം.

എന്നാൽ, കുടുംബത്തി​െൻറ ആരോപണം പൊലീസ്​ നിഷേധിച്ചു. വീട്ടുകാരെ വിളിച്ചുവരുത്തി മൊഴി രേഖപ്പെടുത്തുക മാത്രമാണ്​ ചെയ്​തത്​. പരാതിയിൽ പോക്​സോ വകുപ്പുകൾ ഉൾപ്പെടെ ചുമത്തി ​കേസ്​ രജിസ്​റ്റർ ചെയ്​തതായും പൊലീസ്​ പറഞ്ഞു. പെൺകുട്ടിയെ ആരോഗ്യപരിശോധനക്ക്​ വിധേയമാക്കിയതായും പരിശോധന ഫലത്തിനായി കാത്തിരിക്കുകയാ​െണന്നും അവർ കൂട്ടിച്ചേർത്തു.