Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightഓൺലൈൻ...

ഓൺലൈൻ ചൂതാട്ടത്തിനിറങ്ങി കടക്കാരനായി; മാല​ മോഷണത്തിനിറങ്ങിയ ​പഞ്ചനക്ഷത്ര ഹോട്ടൽ ഷെഫ്​ അറസ്റ്റിൽ

text_fields
bookmark_border
chef chain snatching
cancel

ന്യൂഡൽഹി: ഓൺലൈൻ ചൂതാട്ടത്തിൽ പണം നഷ്​പ്പെട്ടതിനെ തുടർന്ന്​ കടംവീട്ടാനായി മാലമോഷണത്തിനിറങ്ങിയ പ്രമുഖ പഞ്ചനക്ഷത്ര ഹോട്ടലിലെ ഷെഫിനെ അറസ്റ്റ്​ ചെയ്​തു. ദക്ഷിണ ഡൽഹി പ്രദേശത്ത്​ 15ലേറെ മാലപൊട്ടിക്കൽ കേസിൽ ഹരീഷ്​ ലാൽ പങ്കാളിയാണെന്ന്​ പൊലീസ്​ പറഞ്ഞു. മോഷ്​ടിച്ച സ്വർണം വാങ്ങിയ ജ്വല്ലറി ഉടമയായ രാജേന്ദർ അഗർവാളും അറസ്റ്റിലായിട്ടുണ്ട്​.

'2006 ൽ ഡൽഹി യൂനിവേഴ്​സിറ്റി സൗത്ത് കാമ്പസിൽ നിന്ന് ബിരുദം പൂർത്തിയാക്കിയ ശേഷം ഹരീഷ് പൂസയിൽ നിന്ന് മൂന്ന് വർഷത്തെ ഹോട്ടൽ മാനേജ്മെന്‍റ്​ ബിരുദ കോഴ്സ് പൂർത്തിയാക്കി. ഇന്ദിരാ ഗാന്ധി വിമാനത്താവളത്തിലെ ഒബ്റോയ്​ ഹോട്ടലിൽ ഷെഫ് ആയി ജോലിയിൽ കയറി. എന്നാൽ രണ്ട് വർഷം മുമ്പ് ഓൺലൈൻ ആപ്പുകൾ വഴി ചൂതാട്ടം നടത്തി വൻതുകയുടെ കടം വരുത്തി' -ഡി.സി.പി അതുൽ കുമാർ ഠാക്കൂർ പറഞ്ഞു.

'കടങ്ങൾ തീർക്കാനായാണ്​ എം.ബി റോഡിലെ സാകേത് മെട്രോ സ്റ്റേഷനും അംബേദ്കർ നഗർ ബസ് സ്റ്റാൻഡിനും സമീപത്ത്​ ദുർബലരായ ആളുകളിൽ നിന്ന് വിലയേറിയ വസ്തുക്കൾ തട്ടിപ്പറിക്കാൻ തീരുമാനിച്ചത്​. രാവിലെയും വൈകുന്നേരവുമായിരുന്നു മോഷണത്തിനായി തെരഞ്ഞെടുത്തത്​. മെലിഞ്ഞ ശരീരപ്രകൃതവും പരിശീലനം ലഭിച്ച ഒരു അത്​ലറ്റിനെപ്പോലെ ഓടുകയും ചെയ്യുന്നത്​ അവന്​ ഗുണമായി. ഒറ്റക്കായിരുന്നു ഹരീഷ്​ പിടിച്ചുപറി നടത്തിയിരുന്നത്​' -ഠാക്കൂർ പറഞ്ഞു.

പ്രഭാത നടത്തത്തിനിറങ്ങുകയും ജോലി കഴിഞ്ഞ്​ പോകുകയും ചെയ്യുന്ന സ്​ത്രീകളെയാണയിരുന്നു പ്രതി ഉന്നമിട്ടിരുന്നത്​. 200 സി.സി.ടി.വി ദൃശ്യങ്ങൾ പരിശോധിച്ച ശേഷമാണ്​ പൊലീസിന്​ കേസിൽ തുമ്പ്​ ലഭിച്ചത്​.

Show Full Article
TAGS:chain snatching online gambling chef 
News Summary - lost money in online gambling five star hotel chef arrested for chain snatching
Next Story