ഡൽഹിയിൽ യുവാവിന്റെ മുഖത്തേക്ക് നിറയൊഴിച്ച് കൗമാരക്കാരൻ; വിഡിയോ പുറത്ത്

ന്യൂഡൽഹി: ഡൽഹിയിൽ കൗമാരക്കാരന്റെ വെടിയേറ്റ് 36-കാരന് ഗുരുതര പരിക്ക്. ജഹാംഗിർപുരിയിൽ വെള്ളിയാഴ്ച വൈകുന്നേരമാണ് സംഭവം നടന്നത്. മൂന്ന് സുഹൃത്തുക്കൾക്കൊപ്പം എത്തിയ കൗമാരക്കാരൻ യുവാവിന്റെ മുഖത്തേക്കായിരുന്നു നിറയൊഴിച്ചത്. മുഖത്തും കണ്ണിനും മാരകമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചിരിക്കുകയാണ്.

സംഭവവുമായി ബന്ധപ്പെട്ട് നാലുപേരെ പൊലീസ് പിടികൂടിയിട്ടുണ്ട്. 7 മാസം മുമ്പ് കൗമാരക്കാരിൽ ഒരാളുടെ പിതാവിനെ യുവാവ് മർദിച്ചതായി പ്രതികൾ പറഞ്ഞിട്ടുണ്ടെന്നും. അതിന് പ്രതികാരം ചെയ്യാനാണ് അവർ വന്നതെന്നും പൊലീസ് അറിയിച്ചു. സിസിടിവിയിൽ പതിഞ്ഞ സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.