ഒഴിവിലേക്ക് പരിഗണിച്ചു; സ്ഥാനക്കയറ്റം ലഭിച്ച് ജൂനിയർ പബ്ലിക് ഹെൽത്ത് നഴ്സുമാർ

കോ​ഴി​ക്കോ​ട്: ജൂ​നി​യ​ർ പ​ബ്ലി​ക് ഹെ​ൽ​ത്ത് ന​ഴ്സ് ഗ്രേ​ഡ് ജീ​വ​ന​ക്കാ​ർ​ക്ക് പ​ബ്ലി​ക് ഹെ​ൽ​ത്ത് ന​ഴ്സ്, ലേ​ഡി ഹെ​ൽ​ത്ത് ഇ​ൻ​സ്പെ​ക്ട​ർ ത​സ്തി​ക​യി​ലേ​ക്ക് താ​ൽ​ക്കാ​ലി​ക സ്ഥാ​ന​ക്ക​യ​റ്റം ന​ൽ​കി ആ​രോ​ഗ്യ വ​കു​പ്പ് ഉ​ത്ത​ര​വി​റ​ക്കി. സാ​മ്പ​ത്തി​ക ബാ​ധ്യ​ത ഇ​ല്ലാ​തെ ത​ന്നെ പ്ര​മോ​ഷ​ൻ സാ​ധ്യ​ത നി​ല​നി​ൽ​ക്കെ, ജോ​ലി​യി​ൽ പ്ര​വേ​ശി​ച്ച അ​തേ ത​സ്തി​ക​യി​ൽ വി​ര​മി​ക്കാ​ൻ വി​ധി​ക്ക​പ്പെ​ട്ട ജൂ​നി​യ​ർ പ​ബ്ലി​ക് ഹെ​ൽ​ത്ത് ന​ഴ്സു​മാ​ർ​ക്കാ​ണ് ആ​നു​കൂ​ല്യം ല​ഭി​ച്ച​ത്.

നാ​നൂ​റോ​ളം ഹെ​ൽ​ത്ത് ന​ഴ്സ് ത​സ്തി​ക ഒ​ഴി​ഞ്ഞു​കി​ട​ക്കു​​​മ്പോ​ഴാ​ണ് നി​ര​വ​ധി പേ​ർ​ക്ക് സ്ഥാ​ന​ക്ക​യ​റ്റം നി​ഷേ​ധി​ച്ച​ത്. ഫീ​ഡ​ർ കാ​റ്റ​ഗ​റി​യാ​യ ജൂ​നി​യ​ർ പ​ബ്ലി​ക് ഹെ​ൽ​ത്ത് ന​ഴ്സ് ഗ്രേ​ഡ് -ഒ​ന്ന് ത​സ്തി​ക​യി​ൽ സേ​വ​ന​മ​നു​ഷ്ഠി​ക്കു​ന്ന ജീ​വ​ന​ക്കാ​രി​ൽ നി​ര​വ​ധി പേ​ർ 50 വ​യ​സ്സ് പി​ന്നി​ട്ട​വ​രാ​ണ്.

ഇ​വ​ർ​ക്ക് ശേ​ഷി​ക്കു​ന്ന സ​ർ​വി​സി​ൽ സ്ഥാ​ന​ക്ക​യ​റ്റ​ത്തി​ന് സാ​ധ്യ​ത​യും അ​ട​ഞ്ഞി​രു​ന്നു. 24 മു​ത​ൽ 28 വ​ർ​ഷം വ​രെ സേ​വ​നം ചെ​യ്ത ജൂ​നി​യ​ർ ന​ഴ്സു​മാ​രി​ൽ (ജെ.​പി.​എ​ച്ച്.​എ​ൻ) വി​ര​മി​ക്ക​ൽ അ​ടു​ത്ത​വ​രു​മു​ണ്ട്. സം​സ്ഥാ​ന​ത്ത് പ​ക​ർ​ച്ച​പ്പ​നി വ​ർ​ധി​ച്ചു​വ​രു​ന്ന പ​ശ്ചാ​ത്ത​ല​ത്തി​ൽ ഫീ​ൽ​ഡ് വി​ഭാ​ഗം ജീ​വ​ന​ക്കാ​രു​ടെ പ്ര​ധാ​ന ത​സ്തി​ക​ക​ൾ ഒ ​ഴി​ഞ്ഞു​കി​ട​ക്കു​ന്ന​ത് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്ക് ത​ട​സ്സ​മാ​കു​ന്ന സാ​ഹ​ച​ര്യ​ത്തി​ലാ​ണ് പു​തി​യ ഉ​ത്ത​ര​വ്.