ഭീം ആപ്​ പരാജയം

ഡിജിറ്റൽ ഇടപാടുകൾക്കായി ​ പുറത്തിറക്കിയ ഭീം ആപ്പും വിജയിച്ചില്ല. ഡിജിറ്റൽ ഇടപാടുകൾക്ക്​ സൗജന്യം ഏർപ്പെടുത്തിയെങ്കിലും എ.ടി.എം ഇടപാടുകളുടെ തിക്​താനുഭവം ഒാർമയുള്ളതിനാൽ ജനം ആ വഴിക്ക്​ തിരിഞ്ഞില്ല. 59.7 ലക്ഷം ഇൻറർനെറ്റ്​ ഉപഭോക്​താക്കളാണ്​ കേരളത്തിലുള്ളത്​. രാജ്യത്തെ ഇൻറർനെറ്റ്​ ഉപഭോക്​താക്കളിൽ 5.29 ശതമാനമാണിത്​. ഇന്ത്യയിലെ ഇൻറർനെറ്റ്​ വ്യാപനം 27 ശതമാനം മാത്രമാണ്​. 91.2 കോടി ജനങ്ങൾക്കും ഇൻറർനെറ്റ്​ കണക്​ഷനില്ലാത്ത സാഹചര്യത്തിൽ ഡിജിറ്റൽ ഇടപാടുകൾക്ക്​ പൊതുജന സ്വീകാര്യത ലഭിക്കാത്തത്​ സ്വാഭാവികം.