ഇഞ്ചിവില: കർഷകർക്ക് പ്രതീക്ഷയും നിരാശയും

പു​ൽ​പ​ള്ളി: ഇ​ഞ്ചിവി​ല​യി​ൽ നേ​രി​യ വ​ർ​ധ​ന​വു​ണ്ടാ​യെ​ങ്കി​ലും ബ​ഹു​ഭൂ​രി​പ​ക്ഷം ക​ർ​ഷ​ക​ർ​ക്കും ഇ​തി​ന്റെ പ്ര​യോ​ജ​നം ല​ഭി​ക്കു​ന്നി​ല്ല. പ​ല​രും നേ​ര​ത്തെ ത​ന്നെ കി​ട്ടി​യ വി​ല​യ്ക്ക് ഇ​ഞ്ചി വി​റ്റു​പോ​യ​താ​ണ് കാ​ര​ണം. മ​ല​യാ​ളി​ക​ൾ കൂ​ടു​ത​ലാ​യി ഇ​ഞ്ചി കൃ​ഷി ചെ​യ്യു​ന്ന​ത് ക​ർ​ണാ​ട​ക​യി​ലെ ചാ​മ​രാ​ജ് ന​ഗ​ർ, ശിവമൊഗ്ഗ, കു​ട​ക്, കെ.​ആ​ർ ന​ഗ​ർ, മൈ​സൂ​രു ജി​ല്ല​യി​ലാ​ണ്. മ​റ്റ് സം​സ്​​ഥാ​ന​ങ്ങ​ളി​ലേ​ക്കും മ​ല​യാ​ളി ക​ർ​ഷ​ക​ർ ഇ​ഞ്ചി കൃ​ഷി​യു​മാ​യി ചേ​ക്കേ​റി​യി​ട്ടു​ണ്ട്. ക​ർ​ണാ​ട​ക​യി​ൽ ഒ​രു ചാ​ക്ക് ഇ​ഞ്ചി​ക്ക് ഇ​പ്പോ​ൾ 2000 രൂ​പ​വ​രെ വി​ല​യു​ണ്ട്. ക​ഴി​ഞ്ഞ ജൂ​ണി​ൽ ഇ​ത് 650 മു​ത​ൽ 900 രൂ​പ വ​രെ​യാ​യി​രു​ന്നു. ഈ ​മാ​സ​മാ​ണ് നേ​രി​യ വി​ല​വ​ർ​ധ​ന ഉ​ണ്ടാ​യ​ത്.

ഭൂ​മി​യു​ടെ പാ​ട്ടക്കരാ​ർ ജൂ​ൺ മാ​സ​ത്തി​ൽ ത​ന്നെ പ​ല​രു​ടെ​യും ക​ഴി​ഞ്ഞി​രു​ന്നു. അ​ക്കാ​ര​ണ​ത്താ​ൽ പ​ല​രും ഇ​ഞ്ചി പ​റി​ച്ച് സ്​​ഥ​ലം വി​ട്ടു​കൊ​ടു​ത്തു. വ​ൻ​കി​ട ക​ർ​ഷ​ക​ർ മാ​ത്ര​മാ​ണ് ഇ​ഞ്ചി പ​റി​ക്കാ​തെ ഇ​ട്ടി​രി​ക്കു​ന്ന​ത്. ചി​ല​ർ മാ​ത്ര​മാ​ണ് പാ​ട്ട​ക്കരാ​ർ പു​തു​ക്കി​യ​ത്. ബാ​ങ്ക് വാ​യ്പ​യെ​ടു​ത്തും മ​റ്റു​മാ​ണ് മ​ല​യാ​ളി​ക​ളി​ൽ ന​ല്ലൊ​രു പ​ങ്കും ഇ​ഞ്ചി കൃ​ഷി ചെ​യ്തി​രി​ക്കു​ന്ന​ത്. മു​മ്പെ​ല്ലാം ഉ​യ​ർ​ന്ന വി​ല ഇ​ഞ്ചി​ക്ക് ഉ​ണ്ടാ​യി​രു​ന്നു. ക​ഴി​ഞ്ഞ ര​ണ്ട് വ​ർ​ഷ​ത്തോ​ള​മാ​യി വി​ല ഇ​ടി​ഞ്ഞ് നി​ൽ​ക്കു​ക​യാ​ണ്.

കൂ​ലിച്ചെല​വു​ക​ൾ ഉ​യ​ർ​ന്ന​തും രാ​സ കീ​ട​നാ​ശി​നി​ക​ളു​ടെ വി​ല വ​ർ​ധി​ച്ച​തും ക​ർ​ണാ​ട​ക​യി​ലെ ക​ർ​ഷ​ക​ർ ഈ ​രം​ഗ​ത്തേ​ക്ക് ക​ട​ന്നു​വ​ന്ന​തു​മെ​ല്ലാം മ​ല​യാ​ളി ഇ​ഞ്ചിക്കർ​ഷ​ക​രെ ദോ​ഷ​ക​ര​മാ​യി ബാ​ധി​ച്ചു.

വ​ള​ങ്ങ​ൾ​ക്ക് മൂ​ന്നി​ര​ട്ടി​യാ​ണ് വി​ല വ​ർ​ധി​ച്ച​ത്. യ​ഥാ​സ​മ​യം വ​ള​പ്ര​യോ​ഗം ന​ട​ത്തി​യി​ല്ലെ​ങ്കി​ൽ വി​ള​വ് കു​റ​യു​ക​യും ചെ​യ്യും. പ​തി​റ്റാ​ണ്ടു​ക​ൾ​ക്ക് മു​മ്പ് മ​ല​യാ​ളി​ക​ൾ ഇ​ഞ്ചി കൃ​ഷി​ക്ക് ക​ർ​ണാ​ട​ക​യി​ലെ​ത്തു​മ്പോ​ൾ പാ​ട്ട​ത്തുക 10,000 രൂ​പ​ക്ക് താ​ഴെ​യാ​യി​രു​ന്നു. ഇ​ന്ന​ത് ഒ​ന്ന​ര​ല​ക്ഷം രൂ​പ വ​രെ​യാ​യി ഉ​യ​ർ​ന്നു. മ​ല​യാ​ളി​ക​ളു​ടെ കു​ത്ത​ക ത​ക​ർ​ത്തു​കൊ​ണ്ട് ഇ​പ്പോ​ൾ ഉ​ത്ത​രേ​ന്ത്യ​യി​ലും ഇ​ഞ്ചി​കൃ​ഷി വ്യാ​പ​ക​മാ​വു​ക​യാ​ണ്.