യൂസുഫലി എന്ന പാഠപുസ്​തകം

നാല്​ പതിറ്റാണ്ട്​ യു.എ.ഇ ജീവിതം നയിച്ച്​ നാട്ടിലേക്ക്​ മടങ്ങുന്ന ഒരു പ്രവാസിയെക്കുറിച്ച്​ ഇൗയിടെ 'ഗൾഫ്​ മാധ്യമ'ത്തിൽ വന്ന ഒരു റിപ്പോർട്ടി​ൻെറ ക്ലിപ്പിങ്​ വാട്​സ്​ആപ്​ ​ ഗ്രൂപ്പുകളിൽ ലഭിച്ചിരുന്നു. അസുഖ ബാധിതനായിരിക്കെ​ അദ്ദേഹത്തെ സന്ദർശിക്കാൻ സ്​ഥാപന മേധാവി പിതൃസമേതം എത്തി ഞങ്ങളെല്ലാം കൂടെയുണ്ട്​ എന്ന്​ ഉറപ്പുനൽകുകയും എല്ലാ അർഥത്തിലും ആ ഉറപ്പ്​ പാലിക്കുകയും ചെയ്​ത കാര്യങ്ങൾ നന്ദിപൂർവം ഒാർക്കുകയാണ്​ ആഗോള പ്രശസ്​തമായ റീ​െട്ടയിൽ ശൃംഖലയായ ലുലു ഗ്രൂപ്പി​ലെ ജീവനക്കാരനായിരുന്ന ആ പ്രവാസി. ആ കുറിപ്പ്​ വായിച്ചിട്ട്​ തെല്ല്​ ആശ്ചര്യം തോന്നിയില്ല. ലുലു ഗ്രൂപ് ചെയർമാൻ എം.എ. യൂസുഫലിയുടെ സ്​നേഹപരിചരണം ഒരിക്കലെങ്കിലും ലഭിച്ച ഒരാൾക്കും അത്​ അത്ഭുതമല്ല, മറിച്ച്​ സർവസാധാരണ സത്യം മാത്രമാണ്​. പതിനായിരക്കണക്കിന്​ വരുന്ന ലുലു ജീവനക്കാരിൽ ഒരാളുടെ ഭാര്യാപിതാവാണ്​ ഞാൻ. വിദ്യാഭ്യാസ-മത-സാംസ്​കാരിക മേഖലകളിൽ പ്രവർത്തിക്കുന്ന കൂട്ടായ്​മകളുടെ എളിയ സംഘാടകനുമാണ്​. നേരിൽ കണ്ട ഘട്ടത്തിലെല്ലാം തന്നെ ആഗ്രഹിച്ചതിലും അർഹിച്ചതിലും എത്രയോ ഇരട്ടി പരിഗണനയാണ്​ അദ്ദേഹത്തിൽനിന്ന്​ ലഭിച്ചത്​.

യു.എ.ഇയിലെ അദ്ദേഹത്തി​ൻെറ ആസ്​ഥാനങ്ങളിൽ ഒന്നിൽ വെച്ച്​ 2002ലാണ്​ ആദ്യമായി കാണുന്നത്​. വിവിധ ആവശ്യങ്ങൾക്കായെത്തിയ നിരവധി പേർ അദ്ദേഹത്തെ കാത്തിരിക്കുന്നു. ഒാഫിസിൽ അഞ്ചാറ്​ ​പ്രമുഖ വ്യക്തികളുമായി ചർച്ചയിലായിരുന്നു അദ്ദേഹം. ചർച്ച നീളുന്നുവെന്ന്​ കണ്ടതും ഒരു ഉദ്യോഗസ്​ഥനെ അയച്ച്​ ഇരിക്കാനും മറ്റും സൗകര്യങ്ങളൊരുക്കിച്ചു. ചർച്ച കഴിഞ്ഞതും അദ്ദേഹം വന്ന്​ ആശ്ലേഷിച്ച്​ കൂട്ടിക്കൊണ്ടു​േപായി. ത​ൻെറ തിരക്ക്​ സൂചിപ്പിക്കാൻ അതീവ മാധുര്യത്തോടെ ഒാതിയ ഖുർആൻ വചനം ഇന്നും കാതുകളിൽ മുഴങ്ങുന്നു. ഒരു ജീവനക്കാര​ൻെറ ഭാര്യാപിതാവായ എന്നോട്​ 20 മിനിറ്റിലധികം സംസാരിച്ചു. തിരിച്ചുപോകു​േമ്പാൾ വാതിൽവരെ അനുഗമിച്ചു. യൂസുഫലിയുടെ ഇൗ ആതിഥ്യമര്യാദ മു​െമ്പാരിക്കൽ ഞാൻ വര​ുത്തിയ ഒരു വീഴ്​ച ഒാർമപ്പെടുത്തി. ഇന്ത്യ കണ്ട ഏറ്റവും മികച്ച പാർലമെ​േൻററിയൻമാരിൽ ഒരാളായ ഗുലാം മുഹമ്മദ്​ ബനാത്ത്​വാല ഞങ്ങളുടെ നാട്ടുകാരനും ഇപ്പോഴത്തെ സംസ്​ഥാന മുസ്​ലിം ലീഗ്​ ജന. സെക്രട്ടറിയുമായ കെ.പി.എ. മജീദിനൊപ്പം ഒരു വേള ഞങ്ങളുടെ വീട്​ സന്ദർശിച്ചിരുന്നു. അദ്ദേഹത്തെ കാറിൽനിന്ന്​ കൂട്ടിക്കൊണ്ടുപോകാനുള്ള ഒൗചിത്യം ഞാൻ കാണിച്ചില്ലല്ലോ എന്ന ചിന്തയായിരുന്നു മടക്കയാത്രയിൽ മുഴുവൻ മനസ്സിൽ. അടുത്ത കൂടിക്കാഴ്​ച അബൂദബിയിൽവെച്ചായിരുന്നു.

മത സൗഹാർദത്തിന്​ പേരുകേട്ട മങ്കടയിൽ ഒരു പള്ളി ഒരുക്കുന്നതിന്​ വേണ്ട പിന്തുണ തേടി പ്രഗല്​ഭ പണ്ഡിതനും പ്രഭാഷകനും എഴുത്തുകാരനുമായിരുന്ന പ്രഫ. മങ്കട അബ്​ദുൽ അസീസ്​ മൗലവിക്കൊപ്പമാണ്​ അവിടേക്ക്​ ചെന്നത്​. മറ്റൊരു രാജ്യത്ത്​ ലുലു മാൾ ഉദ്​ഘാടനം ചെയ്യുന്നതിന്​ തലേദിവസമായിരുന്നു, അറബ്​ ​പ്രമുഖരുൾപ്പെടെ നിരവധി പേരുണ്ട്​ സന്ദർശകരായി. ഞങ്ങളെ കണ്ടതും യുക്തിമാനായ അദ്ദേഹം ഇറങ്ങിവന്ന്​ കാര്യങ്ങൾ തിരക്കി, തിരക്കിനിടയിലും സന്ദർശനേ​ാദ്ദേശ്യം നിറവേറ്റി യാത്രയാക്കി. ജന​​ പ്രതിനിധികൾപോലും ഇതുപോലുള്ള സന്ദർഭങ്ങളിൽ ഇപ്പോൾ കാണാനാവില്ല എന്ന്​ പറഞ്ഞ്​ മടക്കി അയച്ച അനുഭവങ്ങൾ പലതവണ എനിക്കുണ്ട്​. ഇൗ നന്മ നിറഞ്ഞ അനുഭവങ്ങൾക്കുശേഷം നാട്ടിൽ അദ്ദേഹം പ​െങ്കടുത്ത പല ജീവകാരുണ്യ-സാംസ്​കാരിക പരിപാടികളിലും സദസ്യനായും കേൾവിക്കാരനായും ഇ ൗയുള്ളവനുണ്ടായിരുന്നു. എടത്തല ഒാർഫനേജ്​ മസ്​ജി​ൻെറയും ഉമ്മയുടെ നാമധേയത്തിൽ തുറന്ന ഹോസ്​റ്റലി​ൻെറയും ഉദ്​ഘാടന വേദികളിൽ അദ്ദേഹം നടത്തിയ പ്രസംഗം ഒരു ധനാഢ്യനായ വ്യവസായ പ്രമുഖ​േൻറതായിരുന്നില്ല, മറിച്ച്​ ഹൃദയാലുവായ മാനവികതാവാദിയുടേതായിരുന്നു. കേരളത്തിലെ ഏതാ​ണ്ടെല്ലാ മത സംഘടനകൾക്കും അദ്ദേഹം പിന്തുണയും സ്​നേഹവും നൽകുന്നുണ്ട്​. തിരക്കിനിടയിലും അവരുടെ ക്ഷണം സ്വീകരിച്ച്​ പറന്നെത്തി സമ്മേളനങ്ങളിൽ സംബോധന ചെയ്യാറുമുണ്ട്​. മുന്നിലിരിക്കുന്ന ജനലക്ഷങ്ങളെക്കണ്ട്​ ആവേശം നിറഞ്ഞ്​ ഒരിടത്ത്​ പോലും മറ്റൊരാളുടെ വികാരത്തിന്​ പോറലേൽപിക്കുന്ന ഒരു വാചകം പോലും അദ്ദേഹത്തിൽനിന്ന്​ പുറത്തു വന്നിട്ടില്ല, പകരം വിവേകത്തി​ൻെറയും ​െഎക്യത്തി​ൻെറയും വിശ്വാസ ദാർഢ്യത്തി​ൻെറയും സന്ദേശങ്ങൾ സമ്മാനിച്ചാണ്​ മടങ്ങാറ്​.

സന്ദർഭങ്ങൾക്കനുസൃതമായി ഖുർആനിൽനിന്നും വേദങ്ങളിൽനിന്നും ലോകചരിത്രത്തിൽനിന്നും ഉദ്ധരണി ഉപയോഗിച്ച്​ സംസാരിക്കു​ം. മുജാഹിദ്​ വിഭാഗങ്ങൾ ഒരുമിച്ച ശേഷം എടരിക്കോട്​ നടത്തിയ ​ െഎക്യസമ്മേളനത്തിൽ സംഘടനക്ക്​ താൻ നൽകാൻ ഉദ്ദേശിച്ചതിൽ ഇരട്ടി തുക സമ്മാനമായി നൽകുമെന്ന്​ പ്രഖ്യാപിച്ചത്​ ​െഎക്യബോധത്തിന്​ അദ്ദേഹം പുലർത്തുന്ന പ്രധാന്യം വ്യക്തമാക്കിത്തന്നു. ഡൽഹി പാർലമൻെറ്​ മന്ദിരത്തിനടുത്തുള്ള ചരി​ത്രപ്രാധാന്യമുള്ള മസ്​ജിദും സ്വന്തം നാടായ നാട്ടികയിലെ ജുമാമസ്​ജിദും ഉൾപ്പെടെ ഇന്ത്യയിലെ പലകോണുകളിലെ ആരാധനാലയങ്ങൾ കോടികൾ ചെലവിട്ട്​ പുനർനിർമിച്ചു. മസ്​ജിദുകൾക്ക്​ മാ​ത്രമല്ല, ക്ഷേത്രങ്ങൾക്കും ചർച്ചുകൾക്കും വിദ്യാലയങ്ങൾക്കും വായനശാലകൾക്കും വർഷങ്ങളുടെ കഠിനാധ്വാനത്തിലൂടെ താൻ നേടിയതിൽനിന്ന്​ വാരിക്കോരി നൽകി. പ്രളയത്തിൽ കുതിർന്ന കേരളത്തിനും കോവിഡിൽ തകർന്ന ഭാരതത്തിനും ഭാരിച്ച സംഖ്യകൾ സംഭാവന നൽകി. കോവിഡ്​ റിലീഫ്​ പ്രയത്​നങ്ങൾ നടത്തിയ ഗൾഫ്​ രാജ്യങ്ങളിലെ ഒൗദ്യോഗിക സംവിധാനങ്ങൾക്കും ഇന്ത്യൻ സംഘടനകൾക്കും ഭാരിച്ച തുകകൾതന്നെ നൽകി. പ്രിയപ്പെട്ടവരുടെ ഒാർമദിനങ്ങളിൽ ഒട്ടനവധി അഗതി-അനാഥ മന്ദിരങ്ങളിൽ സംഭാവനകളും സമ്മാനങ്ങളുമൊഴുകി. പഠിക്കാൻ മിടുക്കരായ നിർധന വിദ്യാർഥികൾക്കും പെരിന്തൽമണ്ണ എം.ഇ.എസ്​ മെഡിക്കൽ കോളജിനും നൽകിവരുന്ന സഹായങ്ങൾ നേരിട്ടറിയാം. വിവിധ ഗൾഫ്​ രാജ്യങ്ങളിൽ അവി​ടത്തെ ക്രൈസ്​തവ സമൂഹത്തി​ൻെറ ആഗ്രഹാർഥം ചർച്ചുകൾ സ്​ഥാപിക്കുന്നതിന്​ ഭരണകൂടങ്ങളിൽ തനിക്കുള്ള സൽപേര്​ ഉപയോഗപ്പെടുത്തി സഹായിച്ച വിവരം നിരവധി മതനേതാക്കൾ പലതവണ പറഞ്ഞിട്ടുണ്ട്​. ഗൾഫ്​ രാജ്യങ്ങളിലെ പ്രവാസികളുടെ വിഷയങ്ങൾ കേന്ദ്ര-സംസ്​ഥാന സർക്കാറുകളുടെ ശ്രദ്ധയിൽ കൊണ്ടുവരുന്നതിനും പരിഹാരം കണ്ടെത്തുന്നതിനും എപ്പോഴും ശ്രദ്ധിച്ചുപോരുന്നുമുണ്ട്​.

ഞാനീ കുറിപ്പെഴുതുന്നത്​ ഒരു പൊതു പ്രവർത്തകനായിക്കൊണ്ടല്ല, മറിച്ച്​ വർഷങ്ങളായി നൂറുകണക്കിന്​ വിദ്യാർഥികളെ പഠിപ്പിച്ച, ലോകത്തി​ൻെറ നന്മകളിലേക്ക്​ സദാ കണ്ണയച്ച്​ അതിൽനിന്ന്​ അറിവും ഉൗർജവും ഉൾക്കൊള്ളാൻ ശ്രമിക്കുന്ന ഒരു അധ്യാപകൻ എന്ന നിലയിലാണ്​. കോവിഡ്​ ​പ്രതിസന്ധി ലോകത്തെയാകമാനം സാമൂഹികമായും സാമ്പത്തികമായും പിടിച്ചുലച്ച ഘട്ടത്തിലും യൂസുഫലി പ്രഖ്യാപിച്ചത്​ വ്യാപാരമാന്ദ്യവും വരുമാനനഷ്​ടവും ഉണ്ടെങ്കിൽ​േപാലും അര ലക്ഷത്തോളം വരുന്ന ജീവനക്കാരിൽ ഒരാളുടെപോലും ശമ്പളം കുറക്കുകയോ ഒരാളെപ്പോലും പിരിച്ചുവിടുകയോ ചെയ്യില്ല എന്നായിരുന്നു​. വളർച്ചയുടെയും സമൃദ്ധിയുടെയും ഘട്ടത്തിൽ കൂടെ നിന്ന ജീവനക്കാരെ കഷ്​ടതയുടെയും വറുതിയുടെയും കാലത്ത്​ കൈവിടാതിരിക്കുക എന്ന മഹാമാതൃക. കോവിഡാനന്തര കാലത്ത്​ ലോകമൊട്ടുക്കും സാധാരണക്കാരുടെ ജീവിതം കൂടുതൽ ​പ്രയാസകരമായി മാറുമെന്ന പഠനങ്ങൾ പുറത്തുവരുന്ന ഘട്ടത്തിലാണ്​ കരുതലി​ൻെറയും മാനവികതയുടെയും മറുപാഠങ്ങൾ എന്ന്​ വിശേഷിപ്പിക്കാവുന്ന ഇത്തരം വാക്കുകളും നമുക്ക്​ മുന്നിലുള്ളത്​. ചെറുതും വലുതുമായ ഒാരോ സംരംഭകരും സാമ്പത്തിക ശാസ്​ത്ര ഗവേഷകരും മനസ്സിൽ സൂക്ഷിക്കേണ്ട വാക്കുകളാണിവ. ബിസിനസ്​ സ്​കൂളുകളിൽ പഠിപ്പിക്കേണ്ട പാഠവുമാണിത്​.

ലോകത്തെ പത്തു ശതമാനം സംരംഭകരും ധനാഠ്യരും ഇൗ മാതൃക പിൻപറ്റിയാൽ മറികടക്കാവുന്നതേയുള്ളൂ നമ്മളിന്നീ കാണുന്ന പ്രതിസന്ധികളെല്ലാം. ദുർഘടമായ പരിതസ്​ഥിതിയിലും ജീവനക്കാരോട്​ ഇത്രമാത്രം ഉദാത്തവും ഉദാരവുമായ സമീപനം കൈക്കൊണ്ട ഒരു മനുഷ്യസ്​നേഹി​െയക്കുറിച്ച്​ ഇത്രയെങ്കിലും കുറിച്ചിടാതിരിക്കുന്നത്​ അനീതിയായിപ്പോകും.

(മുസ്​ലിം എജ്യുക്കേഷൻ സൊസൈറ്റി മലപ്പുറം ജില്ല സെക്രട്ടറിയാണ്​ ലേഖകൻ)