ചർച്ചക്ക് തയാറെന്ന് സെലൻസ്കി, സമവായത്തിലെത്തിയാൽ മാത്രമെന്ന് റഷ്യ

കിയവ്/'മോസ്കോ: പ്ര​ധാ​ന ആ​വ​ശ്യ​ങ്ങ​ളി​ൽ സ​മ​വാ​യ​ത്തി​ലെ​ത്തി​യാ​ൽ മാ​ത്ര​മേ റ​ഷ്യ​യു​ടെ​യും യു​ക്രെ​യ്‌​ന്റെ​യും പ്ര​സി​ഡ​ന്റു​മാ​ർ കൂ​ടി​ക്കാ​ഴ്ച ന​ട​ത്തു​ക​യു​ള്ളൂ​വെ​ന്ന് റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്‌​റോ​വ്. എ​ല്ലാ പ്ര​ധാ​ന പ്ര​ശ്‌​ന​ങ്ങ​ളി​ലും പ​രി​ഹാ​ര​ങ്ങ​ൾ സം​ബ​ന്ധി​ച്ച് വ്യ​ക്ത​ത​യു​ണ്ടാ​യാ​ൽ കൂ​ടി​ക്കാ​ഴ്ച ന​ട​ക്കു​മെ​ന്ന് അ​ദ്ദേ​ഹം തി​ങ്ക​ളാ​ഴ്ച പ​റ​ഞ്ഞു.

യു​ക്രെ​യ്‌​നി​ന്റെ നി​ഷ്‌​പ​ക്ഷ​ത​യെ​യും സു​ര​ക്ഷാ ഉ​റ​പ്പു​ക​ളും സം​ബ​ന്ധി​ച്ച് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നു​മാ​യി ച​ർ​ച്ച​ചെ​യ്യാ​ൻ ത​യാ​റാ​ണെ​ന്ന് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മ​ർ സെ​ല​ൻ​സ്‌​കി വ്യ​ക്ത​മാ​ക്കി​യ​തി​ന് പി​ന്നാ​ലെ​യാ​ണ് ലാ​വ്‌​റോ​വി​ന്റെ പ​രാ​മ​ർ​ശം. റ​ഷ്യ​യു​ടെ നേ​താ​വു​മാ​യി നേ​രി​ട്ട് ക​ണ്ടാ​ൽ മാ​ത്ര​മേ യു​ദ്ധം അ​വ​സാ​നി​പ്പി​ക്കാ​ൻ ക​ഴി​യൂ​വെ​ന്നും സെ​ല​ൻ​സ്‌​കി പ​റ​ഞ്ഞി​രു​ന്നു.

• അ​തി​നി​ടെ ക​രാ​ർ ത​യാ​റാ​ക്കാ​ൻ ല​ക്ഷ്യ​മി​ട്ട് ചൊ​വ്വാ​ഴ്ച തു​ർ​ക്കി​യി​ലെ ഇ​സ്താം​ബൂ​ളി​ൽ ച​ർ​ച്ച ന​ട​ത്തു​മെ​ന്നാ​ണ് സൂ​ച​ന​ക​ൾ. യുദ്ധ റിപ്പോർട്ടിങ്ങിനെതിരായ മോസ്കോയുടെ കടുത്ത നടപടികളെതുടർന്ന് റഷ്യൻ പത്രമായ 'നോവയ ഗസറ്റ' താൽക്കാലികമായി നിർത്തി.
• അ​തി​നി​ടെ, റ​ഷ്യ​യി​ൽ ഭ​ര​ണ​മാ​റ്റം കൊ​ണ്ടു​വ​രാ​ൻ നാ​റ്റോ​യും യു.​എ​സ് പ്ര​സി​ഡ​ന്റ് ജോ ​ബൈ​ഡ​നും ല​ക്ഷ്യ​മി​ടു​ന്നി​ല്ലെ​ന്ന് ജ​ർ​മ​ൻ ചാ​ൻ​സ​ല​ർ ഒ​ലാ​ഫ് ഷോ​ൾ​സ് അ​റി​യി​ച്ചു. ഇ​ത് നാ​റ്റോ​യു​ടെ​യും അ​മേ​രി​ക്ക​ൻ പ്ര​സി​ഡ​ന്റി​ന്റെ​യും ല​ക്ഷ്യ​മ​ല്ലെ​ന്ന് അ​ദ്ദേ​ഹം പ​റ​ഞ്ഞു.
• പു​ടി​ന് അ​ധി​കാ​ര​ത്തി​ൽ തു​ട​രാ​ൻ ക​ഴി​യി​ല്ലെ​ന്ന ബൈ​ഡ​ന്റെ പ്ര​സ്താ​വ​ന ആ​ശ​ങ്ക​ക്കി​ട​യാ​ക്കു​ന്ന​താ​യി ക്രെം​ലി​ൻ വ​ക്താ​വ് ദി​മി​ത്രി പെ​സ്‌​കോ​വ് തി​ങ്ക​ളാ​ഴ്ച മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.
• റ​ഷ്യ വ​ള​ഞ്ഞ തു​റ​മു​ഖ ന​ഗ​ര​മാ​യ മ​രി​യു​പോ​ളി​ൽ 1.60 ല​ക്ഷം ആ​ളു​ക​ൾ അ​വ​ശേ​ഷി​ക്കു​ന്നു​ണ്ടെ​ന്നും കൂ​ടു​ത​ൽ ഒ​ഴി​പ്പി​ക്ക​ലു​ണ്ടാ​യാ​ൽ മാ​നു​ഷി​ക​ദു​ര​ന്തം ഉ​ണ്ടാ​കു​മെ​ന്നും മ​രി​യു​പോ​ളി​ലെ മേ​യ​റെ ഉ​ദ്ധ​രി​ച്ച് യു​ക്രെ​യ്നി​യ​ൻ മാ​ധ്യ​മ​മാ​യ സ​സ്പി​ൽ​നെ പ​റ​ഞ്ഞു. ന​ഗ​ര​ത്തി​ൽ​നി​ന്ന് പൗ​ര​ന്മാ​രെ ഒ​ഴി​പ്പി​ക്കു​ന്ന​ത് റ​ഷ്യ​ൻ സൈ​ന്യം ത​ട​യു​ക​യാ​ണെ​ന്നും പു​റ​ത്തു​ക​ട​ക്കാ​ൻ ശ്ര​മി​ച്ച ചി​ല​രെ പി​ന്തി​രി​പ്പി​ക്കു​ക​യാ​ണെ​ന്നും മേ​യ​ർ വാ​ദിം ബോ​യ്‌​ചെ​ങ്കോ തി​ങ്ക​ളാ​ഴ്ച അ​റി​യി​ച്ചു.
• യുദ്ധത്തിൽ 56000 കോടി ഡോളറിന്റെ നാശനഷ്ടമുണ്ടായതായി യുക്രെയ്ൻ സാമ്പത്തികകാര്യ മന്ത്രി യൂലിയ സ്വിരിഡെങ്കോ അറിയിച്ചു. 8000 കിലോമീറ്റർ റോഡുകളും 10 ദശലക്ഷം ചതു​രശ്രമീറ്റർ കെട്ടിടങ്ങളും തകർന്നു.
• റ​ഷ്യ​ൻ ആ​ക്ര​മ​ണ​ത്തി​ൽ 1,119 പേ​ർ മ​രി​ച്ച​താ​യും 1,790 പേ​ർ​ക്ക് പ​രി​ക്കേ​റ്റ​താ​യും യു.​എ​ൻ മ​നു​ഷ്യാ​വ​കാ​ശ ഹൈ​ക​മീ​ഷ​ണ​റു​ടെ ഓ​ഫി​സ് അ​റി​യി​ച്ചു.
• യു​ക്രെ​യ്ൻ ചെ​റു​ത്തു​നി​ൽ​പ് തു​ട​രു​ന്ന​തി​നാ​ൽ ക​ഴി​ഞ്ഞ 24 മ​ണി​ക്കൂ​റി​നി​ടെ റ​ഷ്യ​ൻ സേ​ന​ക്ക് കാ​ര്യ​മാ​യ പു​രോ​ഗ​തി​യി​ല്ലെ​ന്ന് യു.​കെ പ്ര​തി​രോ​ധ ഉ​ദ്യോ​ഗ​സ്ഥ​ർ പ​റ​യു​ന്നു.