Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightകോവിഡ്​ കുതിച്ചു,...

കോവിഡ്​ കുതിച്ചു, ജനപ്രീതി ഇടിഞ്ഞു; ജപ്പാൻ പ്രധാനമന്ത്രി യോഷിഹിതെ സുഗ സ്​ഥാനമൊഴിയുന്നു

text_fields
bookmark_border
Yoshihide Suga
cancel

ടോ​​ക്യോ: രാജ്യത്ത്​ കോവിഡ്​ നിയന്ത്രിക്കുന്നതിലെ വീഴ്ചയുടെപേരിൽ ഏറെ പഴികേട്ട ജപ്പാൻ പ്രധാനമന്ത്രി യോഷിഹിതെ സുഗ സ്​ഥാനമൊഴിയുന്നു. മുൻ പ്രധാനമന്ത്രി ഷിൻസോ ആബെ രാജിവെച്ച ഒഴിവിൽ​ കഴിഞ്ഞ സെപ്​റ്റംബർ 14നാണ്​​ സുഗ അധികാരമേറ്റത്​. ഒരു വർഷത്തിൽ താഴെ മാത്രം ഭരിച്ച ഇദ്ദേഹം അടുത്ത തെരഞ്ഞെടുപ്പിൽ മത്സരിക്കില്ലെന്ന്​ വ്യക്തമാക്കി.

തന്‍റെ ജനപ്രീതി കുത്തനെ ഇടിഞ്ഞ സാഹചര്യത്തിലാണ്​ ഇത്തരമൊരു കടുത്ത തീരുമാനത്തിലേക്ക്​ എത്തിയതെന്നറിയുന്നു. 12 കോടി ജനസംഖ്യയുള്ള ജപ്പാനിൽ നിലവിൽ 18,000 ആണ്​ പ്രതിദിന കോവിഡ്​ നിരക്ക്​​. ഇതുവരെ 15 ലക്ഷ​ം പേർക്ക്​ രോഗം ബാധിച്ചു. വാക്​സിൻ വിതരണവും മന്ദഗതിയിലാണെന്ന്​ ആ​േരാപണമുണ്ട്​. രാജ്യം ആരോഗ്യ അടിയന്തിരാവസ്​ഥയുടെ വക്കിലാണെന്നാണ്​ വിമർശകർ​ ചൂണ്ടിക്കാട്ടുന്നത​്. കോവിഡ്​ വ്യാപനമുണ്ടായിട്ടും ഈ വർഷം ഒളിമ്പിക്സിന്​ ആതിഥേയത്വം വഹിക്കാനുള്ള തീരുമാനവും എതിർപ്പിനിടയാക്കി.

അതേസമയം, കോവിഡ്​ പ്രതിരോധത്തിൽ ശ്രദ്ധ കേന്ദ്രീകരിക്കാൻ ആഗ്രഹിക്കുന്നുവെന്നും അടുത്ത തെരഞ്ഞെടുപ്പിൽ മത്സരിക്കില്ലെന്നും ലിബറൽ ഡെമോക്രാറ്റിക് പാർട്ടി (എൽ.ഡി.പി)യുടെ യോഗത്തിൽ സുഗ പറഞ്ഞതായി പാർട്ടി സെക്രട്ടറി ജനറലിനെ ഉദ്ധരിച്ച്​ എ.എഫ്​.പി റിപ്പോർട്ട്​ ചെയ്​തു. എൽ.ഡി.പിക്ക്​ തെരഞ്ഞെടുപ്പിൽ വിജയം ഉറപ്പായിട്ടും സുഗയുടെ പിന്മാറ്റം​ ഖേദകരമാ​ണെന്നും അദ്ദേഹം പറഞ്ഞു.

Show Full Article
TAGS:Yoshihide Suga Japan 
News Summary - Yoshihide Suga to step down as Japan's prime minister
Next Story