Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightയൂസു ഗെയിംസ്​...

യൂസു ഗെയിംസ്​ സി.ഇ.ഒയുടെ മരണം കൊലപാതകമെന്ന്​; കമ്പനി ജീവനക്കാരൻ കസ്റ്റഡിയിൽ

text_fields
bookmark_border
Lin Qi
cancel
camera_alt

ലിൻ ക്വി

ഷാങ്​ഹായ്​: ശതകോടീശ്വരനും ചൈനീസ്​ ഗെയിം ഡെവലപ്​മെന്‍റ്​ കമ്പനിയായ യൂസു ഗെയിംസ്​ സി.ഇ.ഒയുമായ ലിൻ ക്വി (39) വിഷം ഉള്ളിൽ ചെന്ന്​ മരിച്ച സംഭവത്തിൽ സഹപ്രവർത്തകൻ പൊലീസ്​ കസ്റ്റഡിയിൽ. യൂസൂവിലെ ഫിലിം ആൻഡ്​ ടെലിവിഷൻ വിഭാഗത്തിലെ സീനിയർ എക്​സിക്യൂട്ടീവായ സു യാവോയെയാണ്​ ഷാങ്​ഹായ്​ പൊലീസ്​ കസ്റ്റഡിയിലെടുത്തതെന്ന്​ വിവിധ മാധ്യമങ്ങൾ റിപ്പോർട്ട്​ ചെയ്​തു​.

വിഷം ഉള്ളില്‍ച്ചെന്ന നിലയിലാണ് യൂസു ഗെയിംസ്, യൂസു ഇന്‍ട്രാക്റ്റീവ് മേധാവി ലിന്‍ ക്വിയെ ഡിസംബര്‍ 17ന് ഷാങ്ഹായിലെ ആശുപത്രിയില്‍ പ്രവേശിപ്പിച്ചത്. ചികിത്സയിലിരിക്കെ ഡിസംബര്‍ 25നാണ്​ മരിച്ചത്​. ചായയിൽ വിഷം കലർത്തിയാണ്​ ലിന്നിനെ കൊലപ്പെടുത്തിയതെന്ന്​ ചില പ്രാദേശിക മാധ്യമങ്ങൾ റിപ്പോർട്ട്​ ചെയ്​തു.

ഹുറുൻ ചൈന റിച്ച്​ ലിസ്റ്റ്​ പ്രകാരം 1.3 ശതകോടി ഡോളർ (ഏകദേശം 95,42,19,50,000 ഇന്ത്യൻ രൂപ) ആണ്​ ലിനിന്‍റെ ആസ്​ഥി. 2009ലാണ്​ ലിൻ ക്വു യൂസുവിന്​ തുടക്കമിട്ടത്​. ഗെയിം ഓഫ്​ ത്രോൺസ്​ വിന്‍റർ ഇൗസ്​ കമിങ്​ എന്ന ഗെയിമിലൂടെയാണ്​ കമ്പനി ഗെയിമിങ്​ രംഗത്ത്​ പ്ര​ശസ്​തരായത്​. ലീഗ്​ ഓഫ്​ എയ്​ഞ്ചൽസ്​, ലുഡോ ഓൾസ്റ്റാർ, ഡാർക്ക്​ ഓർബിറ്റ്​ എന്നീ ഗെയിമുകളും യൂസുവാണ്​ പുറത്തിറക്കിയത്​.

യൂസൂ പിക്​ചേഴ്​സിന്‍റെ ബാനറിൽ 'ദി ത്രീ ബോഡി പ്രോബ്ലം' എന്ന നോവലിനെ ആസ്പദമാക്കി ത്രീഡി സിനിമ നിര്‍മിച്ച്​ ചലച്ചിത്ര രംഗത്തേക്കും യൂസു ചുവടുവെച്ചിരുന്നു. അത്​ പ്രതീക്ഷിച്ച വിജയമാവാത്തതിനെത്തുടർന്ന്​ നോവൽ ടെലിവിഷൻ സീരീസാക്കാനുള്ള അവകാശം സെപ്​റ്റംബറിൽ​ യൂസു നെറ്റ്​ഫ്ലിക്​സിന്​ കൈമാറിയിരുന്നു​.

Show Full Article
TAGS:Yoozoo Lin Qi poisoning 
News Summary - Yoozoo senior executive main suspect in CEO Lin Qi's poisoning death
Next Story