യു​ക്രെ​യ്ൻ റെ​യി​ൽ​വേ സ്റ്റേ​ഷ​ൻ ആ​ക്ര​മ​ണം: റ​ഷ്യ​ക്കെ​തി​രെ ലോ​കം പ്ര​തി​ക​രി​ക്ക​ണം -സെ​ല​ൻ​സ്കി

കി​യ​വ്: യു​ക്രെ​യ്ൻ റെ​യി​ൽ​വേ സ്റ്റേ​ഷ​നി​ൽ മി​സൈ​ലാ​ക്ര​മ​ണം ന​ട​ത്തി​യ റ​ഷ്യ​ക്കെ​തി​രെ ലോ​കം ശ​ക്ത​മാ​യി പ്ര​തി​ക​രി​ക്ക​ണ​മെ​ന്ന് പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി. കി​ഴ​ക്ക​ൻ യു​ക്രെ​യ്നി​ലെ ക്ര​മാ​റ്റോ​ർ​സ്കി​ൽ റെ​യി​ൽ​വേ സ്റ്റേ​ഷ​നി​ൽ മി​സൈ​ലാ​ക്ര​മ​ണ​ത്തി​ൽ 52 പേ​ർ കൊ​ല്ല​പ്പെ​ട്ടി​രു​ന്നു. ആ​ക്ര​മ​ണം ന​ട​ത്തി​യി​ട്ടി​ല്ലെ​ന്ന വാ​ദ​ത്തി​ൽ ഉ​റ​ച്ചു​നി​ൽ​ക്കു​ക​യാ​ണ് റ​ഷ്യ. ബു​ച്ച​യ​ട​ക്ക​മു​ള്ള യു​​ക്രെ​യ്ൻ ന​ഗ​ര​ങ്ങ​ളി​ൽ കൂ​ട്ട​ക്കു​രു​തി ന​ട​ത്തു​ന്ന റ​ഷ്യ​യെ അ​ന്താ​രാ​ഷ്ട്ര കോ​ട​തി​യി​ൽ യു​ദ്ധ​ക്കു​റ്റം ചു​മ​ത്തി വി​ചാ​ര​ണ​ ചെ​യ്യ​ണ​മെ​ന്നും സെ​ല​ൻ​സ്കി ആ​വ​ശ്യ​പ്പെ​ട്ടു.

യു​ക്രെ​യ്നി​ൽ സി​വി​ലി​യ​ന്മാ​രെ ല​ക്ഷ്യം​വെ​ക്കു​ന്ന റ​ഷ്യ യു​ദ്ധ​ക്കു​റ്റ​ങ്ങ​ൾ​ക്ക് അ​ന്താ​രാ​ഷ്ട്ര കോ​ട​തി​യി​ൽ വി​ചാ​ര​ണ നേ​രി​ടേ​ണ്ടി​വ​രു​മെ​ന്ന് യൂ​റോ​പ്യ​ൻ ക​മീ​ഷ​ൻ പ്ര​സി​ഡ​ന്റ് അർ​സു​ല വോ​ൺ ദെ​ർ മു​ന്ന​റി​യി​പ്പു ന​ൽ​കി. ആ​ക്ര​മ​ണ​ത്തി​ൽ യു.​എ​സ് പ്ര​സി​ഡ​ന്റ് ജോ ​ബൈ​ഡ​നും റ​ഷ്യ​ക്കെ​തി​രെ രം​ഗ​ത്തു​വ​ന്നു.

റ​ഷ്യ​ൻ മി​സൈ​ൽ ഭീ​ഷ​ണി നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ യു​ക്രെ​യ്ൻ തെ​ക്ക​ൻ മേ​ഖ​ല​യി​ലെ ഒ​ഡേ​സ ന​ഗ​ര​ത്തി​ൽ ക​ർ​ഫ്യൂ പ്ര​ഖ്യാ​പി​ച്ചു. ആ​ക്ര​മ​ണം നി​ർ​ത്തി​വെ​ക്കാ​ൻ ത​യാ​റാ​കാ​ത്ത റ​ഷ്യ​ക്കെ​തി​രെ ക​ൽ​ക്ക​രി ഇ​റ​ക്കു​മ​തി നി​രോ​ധ​ന​മ​ട​ക്കം കൂ​ടു​ത​ൽ ഉ​പ​രോ​ധ​ങ്ങ​ൾ​ക്കൊ​രു​ങ്ങു​ക​യാ​ണ് യൂ​റോ​പ്യ​ൻ യൂ​നി​യ​ൻ. ആം​ന​സ്റ്റി ഇ​ന്റ​ർ​നാ​ഷ​ന​ൽ, ഹ്യൂ​മ​ൻ​റൈ​റ്റ്സ് വാ​ച്ച് അ​ട​ക്ക​മു​ള്ള 15 വി​ദേ​ശ സം​ഘ​ട​ന​ക​ളു​ടെ ര​ജി​സ്ട്രേ​ഷ​ൻ റ​ഷ്യ റ​ദ്ദാ​ക്കി.

സൈ​ന്യ​ത്തെ ഉ​ട​ച്ചു​വാ​ർ​ത്ത് റ​ഷ്യ യു​ക്രെ​യ്നി​ൽ കാര്യമായ ​ മു​ന്നേ​റ്റം തു​ട​രാ​നാ​കാ​ത്ത സാഹചര്യത്തിൽ റഷ്യൻ സൈ​ന്യ​ത്തെ പു​നഃ​സം​ഘ​ടി​പ്പി​ച്ച​താ​യി റി​പ്പോ​ർ​ട്ടു​ണ്ട്. ജ​ന. അ​ല​ക്സാ​ണ്ട​ർ ​ഡി​വോ​ർ​നി​കോ​വി​നാ​ണ് സ​മ്പൂ​ർ​ണ ചു​മ​ത​ല. സി​റി​യ​യി​ൽ റ​ഷ്യ​ൻ സൈ​നി​ക​നീ​ക്ക​ത്തി​ൽ പ​രി​ശീ​ല​നം സി​ദ്ധി​ച്ച വ്യ​ക്തി​യാ​ണി​ദ്ദേ​ഹം. ശ​നി​യാ​ഴ്ച ഒ​ഴി​പ്പി​ക്ക​ലി​നാ​യി റ​ഷ്യ 10 മാ​നു​ഷി​ക ഇ​ട​നാ​ഴി​ക​ൾ അ​നു​വ​ദി​ച്ച​താ​യി യു​ക്രെ​യ്ൻ അ​റി​യി​ച്ചു.

റ​ഷ്യ​ൻ പാ​ർ​ല​മെ​ന്റ് ചാ​ന​ലി​ന് യൂ​ട്യൂ​ബ് വി​ല​ക്ക്

റ​ഷ്യ​ൻ പാ​ർ​ല​മെ​ന്റ് ഡ്യൂമയുടെ ചാ​ന​ലി​ന് യൂ​ട്യൂ​ബ് വി​ല​ക്ക്. വി​ല​ക്ക് നീക്ക​ണ​മെ​ന്ന് സ്റ്റേ​റ്റ് ക​മ്മ്യൂ​ണി​ക്കേ​ഷ​ൻ​സ് വാ​ച്ച്ഡോ​ഗ് ആ​വ​ശ്യ​പ്പെ​ട്ടു. അതിനിടെ, ഈ​സ്റ്റ​റി​നു ശേ​ഷം യു​ക്രെ​യ്നി​ലെ എം​ബ​സി തു​റ​ക്കുമെന്ന് ഇറ്റലി അറിയിച്ചു.