ഫ്രാൻസിലെ പള്ളിയിൽ ആക്രമണം; മൂന്ന്​ പേർ കൊല്ലപ്പെട്ടു, ഭീകരാക്രമണമെന്ന്​ മേയർ

പാരീസ്​: ​ഫ്രാൻസിലെ പള്ളിയിൽ കത്തിയുമായെത്തിയയാൾ നടത്തിയ ആക്രമണത്തിൽ മൂന്ന്​ പേർ കൊല്ലപ്പെട്ടു. ഫ്രഞ്ച്​ നഗരമായ നീസിലാണ്ആ​ ക്രമണമുണ്ടായതെന്ന്​ ​പൊലീസ്​ പറഞ്ഞു. നഗരഹൃദയലത്തിലെ നോത്രേ ദാം ബസിലിക്കയിലേക്കാണ് സംഭവം​​. കൊല്ലപ്പെട്ടവരിൽ ഒരു വ​യോധികയും ഉൾപ്പെടുന്നു. ഇവരുടെ മൃതദേഹം തലയറുത്ത നിലയിലാണ്​ കണ്ടെത്തിയത്​.

അക്രമിയെ പൊലീസ്​ വെടിവെച്ചുവെന്നും പരിക്കേറ്റ ഇയാൾ ചികിൽസയിലാണെന്നുമാണ്​ റിപ്പോർട്ട്​. ഇയാളുടെ ആരോഗ്യനിലയിൽ ഇപ്പോൾ ആശങ്കപ്പെടേണ്ട കാര്യമില്ലെന്നാണ്​ പുറത്തുവരുന്ന സൂചനകൾ. ഭീകരാക്രമണമാണ്​ നടന്നതെന്ന്​ നീസ്​​ മേയർ ക്രിസ്​ത്യൻ എസ്​ത്രോസി പറഞ്ഞു. അധ്യാപക​െൻറ തലയറുത്തതിന്​ സമാനമായ സംഭവമാണ്​ ഫ്രാൻസിൽ വീണ്ടും അവർത്തിച്ചിരിക്കുന്നതെന്ന്​. അല്ലാഹു അക്​ബർ എന്ന പറഞ്ഞാണ്​ അക്രമി എത്തിയതെന്നും മേയർ ആരോപിച്ചു.

ആക്രമണത്തി​െൻറ പശ്​ചാത്തലത്തിൽ ഫ്രഞ്ച്​ പ്രസിഡൻറ്​ ഇമാനുവൽ മാക്രോൺ നീസ്​ സന്ദർശിക്കും. ആക്രമണത്തിൽ മരിച്ചവരോട്​ ആദരസൂചകമായി ​പാരീസിലെ നാഷണൽ അസംബ്ലി അംഗങ്ങൾ ഒരു മിനിട്ട്​ മൗനമാചരിച്ചു.