Begin typing your search above and press return to search.
exit_to_app
exit_to_app
Antarctica
cancel
Homechevron_rightNewschevron_rightWorldchevron_rightകൊറോണ വൈറസിനെ...

കൊറോണ വൈറസിനെ അടുപ്പിക്കാതിരുന്ന അന്‍റാർട്ടിക്കയിലും കോവിഡ്​; 36 പേർക്ക്​ രോഗം

text_fields
bookmark_border

ന്യൂയോർക്ക്​: കൊറോണ വൈറസ്​ സാന്നിധ്യമില്ലാതിരുന്ന ഒരേയൊരു ഭൂഖണ്ഡമായ അന്‍റാർട്ടിക്കയിലും കോവിഡ്​ സ്​ഥിരീകരിച്ചു. ചിലിയൻ ഗവേഷണ കേന്ദ്രത്തിലാണ്​ കോവിഡ്​ സ്​ഥിരീകരിച്ചത്​.

26 ചിലിയൻ മിലിട്ടറി അംഗങ്ങൾക്കും 10 ശൂചീകരണ തൊഴിലാളികൾക്കുമാണ്​ രോഗം കണ്ടെത്തിയതെന്ന്​ അധികൃതർ അറിയിച്ചു. ​േരാഗലക്ഷണങ്ങൾ ക​ണ്ടതിനെ തുടർന്ന്​ ഇവരെ പരിശോധനക്ക്​ വിധേയമാക്കുകയായിരുന്നു.

ജനറൽ ബെർണാഡോ ഓഹിഗ്ഗിൻസ്​ ബെയ്​സിൽ രോഗം സ്​ഥിരീകരിച്ച 36 പേരെയും ചിലിയിലെ പന്ത അരേനാസ്​ നഗരത്തിലേക്ക്​ മാറ്റി. ഇവരെ നിരീക്ഷണത്തിലാക്കിയതായും ആരോഗ്യനില തൃപ്​തികരമാണെന്നും അധികൃതർ അറിയിച്ചു.

അന്‍റാർട്ടിക്കയിലെ 13 ചിലിയൻ കേന്ദ്രങ്ങളിലൊന്നാണ്​ ജനറൽ ബെർണാഡോ ഓഹിഗ്ഗിൻസ്​. കോവിഡ്​ സ്​ഥിരീകരിച്ചതോടെ പ്രധാന ഗവേഷണ പദ്ധതികളെല്ലാം നിർത്തിവെച്ചു. ഇതോടെ ലോകമെമ്പാടുമുള്ള നിരവധി ശാസ്​ത്രജ്ഞരുടെ പരീക്ഷണങ്ങൾ തടസപ്പെട്ടു. വൻ സാമ്പത്തിക നഷ്​ടമാണ്​ ഇതോടെ നേരിടേണ്ടിവരിക.

അന്‍റാർട്ടിക്കയിൽ സ്​ഥിര താമസക്കാരില്ല, എന്നാൽ ആയിരത്തോളം ശാസ്​ത്രജ്ഞർ ഇവിടെ സന്ദർശനം നടത്തിവരുന്നുണ്ട്​. അന്‍റാർട്ടിക്കയെ കോവിഡിൽനിന്ന്​ സംരക്ഷിക്കുന്നതിനായി നിരവധി പദ്ധതികൾ ആവിഷ്​കരിച്ചിരുന്നു. അവിടെ ​ൈവറസ്​ സാന്നിധ്യമുണ്ടായാൽ ചികിത്സ നൽകാൻ കഴിയില്ലെന്നതാണ്​ പ്രധാന വെല്ലുവിളി.

Show Full Article
TAGS:Covid 19 Corona virus Antarctica coronavirus 
News Summary - With first positive tests in Antarctica no continent is untouched by coronavirus
Next Story