Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_right'അസാൻജിനെ വിട്ടുതരണം'...

'അസാൻജിനെ വിട്ടുതരണം' –യു.എസ്​ യു.കെ കോടതിയിൽ

text_fields
bookmark_border
അസാൻജിനെ വിട്ടുതരണം –യു.എസ്​ യു.കെ കോടതിയിൽ
cancel

ലണ്ടൻ: ചാരവൃത്തിക്കേസിൽ വിക്കിലീക്​സ്​ സ്​ഥാപകൻ ജൂലിയൻ അസാൻ​ജിനെ വിട്ടുതരണമെന്ന ആവശ്യവുമായി​ യു.എസ്​ യു.കെ ഹൈകോടതിയിൽ. ജനുവരിയിൽ അസാൻജിനെ വിട്ടുതരാൻ കഴിയില്ലെന്ന​ കീഴ്​കോടതി ജഡ്​ജിയുടെ തീരുമാനം മറികടന്നാണ്​ യു.എസി​െൻറ നീക്കം. അസാൻജി​ന്​ സ്വദേശമായ ആസ്​ട്രേലിയയിലെ ഏതു ജയിലിലും ശിക്ഷ പൂർത്തിയാക്കാമെന്ന വാഗ്​ദാനവും യു.എസ്​ മുന്നോട്ടുവെച്ചു.

അസാൻജി​െൻറ ആരോഗ്യ കാരണങ്ങൾ പരിഗണിച്ച്​ ഡിസ്​ട്രിക്​ട്​ ജഡ്​ജി വനേസ ബാരിസ്​റ്റർ ആയിരുന്നു​ യു.എസി​െൻറ ആവശ്യം തള്ളിയത്​. യു.എസ്​ ജയിലിൽ കടുത്ത ശിക്ഷ അനുഭവിക്കവെ, അസാൻജ്​ ആത്​മഹത്യ ചെയ്യാൻ സാധ്യതയുണ്ടെന്നും നിരീക്ഷിച്ചിരുന്നു. യു.എസ്​ നീതിന്യായ വ്യവസ്​ഥ അസാൻജിന്​ കുറ്റമറ്റ വിചാരണ നടപ്പാക്കണമെന്നും ആവശ്യപ്പെട്ടു. യു.എസ്​ അറ്റോണി ജെയിംസ്​ ലെവിസ്​ ആണ്​ ഹരജിയുമായി യു.കെ ഹൈകോടതിയിലെത്തിയത്​.

വിചാരണയില്ലാതെ അസാൻജിനെ കനത്ത സുരക്ഷയുള്ള ജയിലിൽ പാർപ്പിക്കില്ലെന്നും വേണ​െമങ്കിൽ ആസ്​ട്രേലിയൻ ജയിലുകളിൽ ശിക്ഷ പൂർത്തിയാക്കാൻ അവസരം നൽകുമെന്നും ലെവിസ്​ കോടതിയെ ബോധിപ്പിച്ചു.

കനത്ത സുരക്ഷയിൽ ലണ്ടനിലെ ബെൽമാർഷ്​ ജയിലിൽ കഴിയുകയാണ്​ അസാൻജ്​. യു.എസി​െൻറ ആവശ്യം നിരസിക്കണമെന്ന്​ അസാൻജി​െൻറ പങ്കാളി സ്​റ്റെല്ല മോറിസും അഭിഭാഷകനും അഭ്യർഥിച്ചു. ഇറാഖിലും അഫ്​ഗാനിസ്​താനിലും യു.എസ്​ സൈനിക നീക്കത്തിനിടെ നടത്തിയ ക്രൂരതകൾ വെളിപ്പെടുത്തിയ അസാൻജിനെതിരെ യു.എസിൽ 18ഒാളം ചാരവൃത്തി കേസുകളാണ്​ നിലവിലുള്ളത്​്. 175 വർഷത്തെ തടവ്​ശിക്ഷയാണ്​ യു.എസിൽ കാത്തിരിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:WikileaksAssange
News Summary - Wikileaks: US begins legal appeal to extradite Assange
Next Story