Top
Begin typing your search above and press return to search.
keyboard_arrow_down
Login
exit_to_app
exit_to_app
ലോക്​ഡൗണിലുണ്ടായത്​ അത്​ഭുതകരമായ കാലാവസ്​ഥാ മാറ്റങ്ങൾ; പഠനങ്ങൾ സൂചിപ്പിക്കുന്നത്​ ഇങ്ങിനെ
cancel
Homechevron_rightNewschevron_rightWorldchevron_rightലോക്​ഡൗണിലുണ്ടായത്​...

ലോക്​ഡൗണിലുണ്ടായത്​ അത്​ഭുതകരമായ കാലാവസ്​ഥാ മാറ്റങ്ങൾ; പഠനങ്ങൾ സൂചിപ്പിക്കുന്നത്​ ഇങ്ങിനെ

text_fields
bookmark_border

കോവിഡ് വ്യാപനം നിയന്ത്രിക്കുന്നതിന് ലോകമെമ്പാടുമുള്ള രാജ്യങ്ങൾ 2020 ​െൻറ ആദ്യ മാസങ്ങളിൽ നിരവധി നടപടികൾ സ്വീകരിച്ചിരുന്നു. ലോക ജനസംഖ്യയുടെ മൂന്നിലൊന്ന് നിലവിലും ലോക്​ഡൗണിലാണ്. ലോകമെമ്പാടും കാർ യാത്രകൾ 50 ശതമാനവും വിമാന യാത്രകൾ 75 ശതമാനവും കുറഞ്ഞു. ലോക്​ഡൗൺ കാരണം ആഗോള കാർബൺ ഡൈ ഓക്സൈഡ് (CO₂) പുറംതള്ളൽ 2019 ലെ ഇതേ കാലയളവിനെ അപേക്ഷിച്ച് 17% കുറഞ്ഞിട്ടുണ്ട്​. വ്യാവസായിക പ്രവർത്തനങ്ങളിൽ 35 ശതമാനം കുറവുണ്ടായി. എന്താണിതി​െൻറ അനന്തിരഫലം. ആഗോള കാലാവസ്​ഥയിൽ എന്തെങ്കിലും മാറ്റമുണ്ടായോ. ലോകത്ത്​ കഠിനമായിക്കൊണ്ടിരിക്കുന്ന ചൂടിൽ നിന്ന്​ ആശ്വാസം ലഭിച്ചോ. അതോ ചൂട്​ കൂടിയോ.

നേരത്തെ നമ്മൾ വിശ്വസിച്ചിരുന്നത്​ പെ​െട്ടന്നുണ്ടാകുന്ന ഷട്ട്​ഡൗണുകൾ കാരണം ഭൂമിയിലെ അന്തരീക്ഷ താപനിലയിൽ കാര്യമായ വർധവ്​ ഉണ്ടാകുമെന്നാണ്​. വൻതോതിൽ ഉൗർജം ചിലവഴിക്കുന്ന വ്യവസായങ്ങളായ ഉരുക്ക്, സിമൻറ് എന്നിവയുൾപ്പെടെ പുറത്തുവിടുന്ന എയറോസോളുകൾ അഥവാ പ്രകാശം പ്രതിഫലിപ്പിക്കുന്ന വസ്​തുക്കളിലുണ്ടായ കുറവാണ്​ താപനിലവർധിക്കുമെന്ന്​ പറയാൻ കാരണം. എയറോസോളുകളിലുളള ചെറുകണങ്ങൾ അന്തരീക്ഷത്തിൽ ആഴ്ചകളോളം നിലനിൽക്കുകയും സൂര്യനിൽ നിന്നുള്ള താപത്തെ പ്രതിഫലിപ്പിക്കുകയും ചെയ്യുന്നുണ്ട്​. ഇത്​ ഒരുപരിധിവരെ താപനില കുറക്കുകയാണ്​ ചെയ്യുക. വ്യാവസായിക പ്രക്രിയകൾ‌ പെട്ടെന്ന്‌ അടച്ചുപൂട്ടുകയാണെങ്കിൽ‌ എയറോസോളുകളുടെ പ്രതിഫലനസാധ്യത കുറയും. ഇത് ഹ്രസ്വകാലത്തേക്ക്​ താപനില ഉയരാൻ കാരണമാകും. പക്ഷെ സംഭവിച്ചത്​ മറ്റൊന്നാണ്​. ലോക്​ഡൗൺ ആഗോള താപനിലയിൽ കാര്യമായ മാറ്റമൊന്നും വരുത്തിയില്ലെന്നാണ്​ അവസാന പഠനങ്ങൾ കാണിക്കുന്നത്​. അപ്പോൾ ശരിക്കും എന്താണ് സംഭവിച്ചത്?


ഗ്ലോബൽ വാമിങ്ങും ഗ്ലോബൽ ഡിമ്മിങ്ങും

കൽക്കരി കത്തിക്കുന്ന വ്യാവസായിക പ്രക്രിയ കാരണം ഉത്​പാദിപ്പിക്കപ്പെടുന്ന പ്രധാന വാതകമാണ്​ സൾഫർ ഡയോക്സൈഡ് (SO₂). അന്തരീക്ഷത്തിൽ ഇത് പ്രതിപ്രവർത്തിച്ച് വെളുത്ത സൾഫേറ്റ് എയറോസോൾ(മഞ്ഞുപോലുള്ള പുക) ഉണ്ടാക്കുന്നു. ഗ്ലോബൽ ഡിമ്മിംഗ് എന്നറിയപ്പെടുന്ന ഈ പ്രക്രിയയിൽ സൂര്യപ്രകാശത്തെ ബഹിരാകാശത്തേക്ക് പ്രതിഫലിപ്പിക്കുന്നു. ഇതിലൂടെ CO2 പോലുള്ള ഹരിതഗൃഹ വാതകങ്ങൾ മൂലമുണ്ടാകുന്ന താപനില വർധനയെ ഒരുപരിധിവരെ തടയാനാകും. ഇന്ധനം കത്തിക്കുമ്പോൾ കറുത്ത കാർബൺ വ്യാപകമായി ഉണ്ടാകുന്നുണ്ട്​. പഴയ വാഹനങ്ങളിൽ നിന്നും ഇവ വലിയ അളവിൽ പുറന്തള്ളുന്നു. ഹരിതഗൃഹ വാതകങ്ങളായതിനാൽ ഇവ സൂര്യപ്രകാശം ആഗിരണം ചെയ്യുകയും അന്തരീക്ഷത്തെ ചൂടാക്കുകയും ചെയ്യുന്നു.

കാറുകളും വിമാനങ്ങളും ധാരാളം നൈട്രജൻ ഓക്സൈഡുകൾ (NOₓ) പുറന്തള്ളുന്നുണ്ട്​. ചുരുക്കത്തിൽ ഗ്ലോബൽ വാമിങ്ങിനും ഗ്ലോബൽ ഡിമ്മിങ്ങിനും കാരണമായ പ്രതിഭാസങ്ങൾ സന്തുലിതമായി സംഭവിച്ചതുകൊണ്ടാകാം ലോകത്തി​െൻറ താപനില കാര്യമായി കൂടുക​യോ കുറയുക​യോ ലോക്​ഡൗൺ കാലത്ത്​ ഉണ്ടായിട്ടില്ല. ആഗോള ശരാശരി താപനിലയിൽ ചെറിയ മാറ്റങ്ങൾ മാത്രമാണ്​ ലോക്​ഡൗൺ കാലത്ത്​ ഉണ്ടായത്​. ഇതിൽതന്നെ പ്രാദേശിക വ്യതിയാനങ്ങൾ ഉണ്ടായിരു​െന്നന്നും പഠനങ്ങൾ ചൂണ്ടിക്കാണിക്കുന്നു. ഉദാഹരണത്തിന്, മിഡിൽ ഈസ്റ്റ് കൂടുതൽ തണുത്തതായിരുന്നു.

കാരണം ഉയർന്ന പ്രതിഫലന സാധ്യതയുള്ള പ്രദേശമാണ്​ മണലാരണ്യങ്ങൾ. മരുഭൂമിയിലെ മണലിന് കൂടുതൽ സൗരോർജ്ജം ബഹിരാകാശത്തേക്ക് പ്രതിഫലിപ്പിക്കാൻ കഴിയും. വ്യാവസായിക SO₂ ഉത്​പാദനത്തിൽ വലിയ കുറവുണ്ടാക്കിയതിനാൽ കിഴക്കൻ ചൈന പോലുള്ള പ്രദേശങ്ങളിൽ മൊത്തത്തിൽ ചൂട്​ കൂടുതലായിരുന്നു. താപനിലയിലെ ഇൗ വ്യത്യാസങ്ങൾ മൺസൂൺ സൈക്കിൾ പോലുള്ള കാലാവസ്ഥാ സംവിധാനങ്ങളെ ബാധിച്ചേക്കാമെന്നും പഠനങ്ങൾ പറയുന്നു.

Show Full Article
TAGS:covid 19 global warming climate change 
Next Story