യു​ക്രെ​യ്നി​ൽ റ​ഷ്യ രാ​സാ​യു​ധം പ്ര​യോ​ഗി​ച്ചേ​ക്കു​മെ​ന്ന് യു.​എ​സ് മുന്നറിയിപ്പ്

വാ​ഷി​ങ്ട​ൺ: യു​ക്രെ​യ്നി​ൽ റ​ഷ്യ രാ​സാ​യു​ധ​വും ജൈ​വാ​യു​ധ​വും പ്ര​യോ​ഗി​ച്ചേ​ക്കു​മെ​ന്ന് വൈ​റ്റ്ഹൗ​സ് മു​ന്ന​റി​യി​പ്പ്. യു​ക്രെ​യ്നി​ൽ യു.​എ​സ് നി​യ​മ​വി​രു​ദ്ധ​മാ​യി രാ​സാ​യു​ധ​ങ്ങ​ളും ​ജൈ​വാ​യു​ധ​ങ്ങ​ളും വി​ക​സി​പ്പി​ക്കാ​ൻ സ​ഹാ​യി​ക്കു​ന്നു​വെ​ന്ന റ​ഷ്യ​യു​ടെ വാ​ദ​വും വൈ​റ്റ്ഹൗ​സ് ത​ള്ളി.

യു.​എ​സി​ന്റെ സ​ഹാ​യ​ത്തോ​ടെ അ​തി​ർ​ത്തി​യോ​ടു​ചേ​ർ​ന്ന യു​ക്രെ​യ്ൻ പ​രീ​ക്ഷ​ണ​ശാ​ല​ക​ളി​ൽ നി​രോ​ധി​ത രാ​സ-ജൈ​വാ​യു​ധ​ങ്ങ​ൾ നി​ർ​മി​ക്കു​ക​യാ​ണെ​ന്ന് റ​ഷ്യ​ൻ വി​ദേ​ശ​കാ​ര്യ​മ​ന്ത്രാ​ല​യ വ​ക്താ​വ് മ​രി​യ സ​ഖ​റോ​വ അ​വ​കാ​ശ​പ്പെ​ട്ടി​രു​ന്നു. റ​ഷ്യ​യു​ടെ വാ​ദം അ​സം​ബ​ന്ധ​മാ​ണെ​ന്നും യു​ക്രെ​യ്നി​ൽ അ​വ​ർ ന​ട​ത്തു​ന്ന അ​ധി​നി​വേ​ശ​ത്തെ ന്യാ​യീ​ക​രി​ക്കു​ന്ന​തി​ന്റെ ഭാ​ഗ​മാ​യാ​ണി​തെ​ന്നും വൈ​റ്റ്ഹൗ​സ് പ്ര​സ് സെ​ക്ര​ട്ട​റി ജെ​ൻ സാ​കി കു​റ്റ​​പ്പെ​ടു​ത്തി. യു​ക്രെ​യ്നി​ൽ രാ​സാ​യു​ധ​പ്ര​യോ​ഗ​ത്തി​ന് റ​ഷ്യ ത​യാ​റെ​ടു​ക്കു​ക​യാ​ണെ​ന്ന​തി​ന്റെ സൂ​ച​ന​യാ​ണി​തെ​ന്നും സാ​കി മു​ന്ന​റി​യി​പ്പു ന​ൽ​കി.

പ്ര​തി​പ​ക്ഷ നേ​താ​വ് അ​ല​ക്സി ന​വാ​ൽ​നി, മു​ൻ ചാ​ര​ൻ സെ​ർ​ജി ക്രി​പാ​ൽ എ​ന്നി​വ​ർ​ക്കെ​തി​രെ വ​ധ​ശ്ര​മ​ത്തി​ന്റെ ഭാ​ഗ​മാ​യി രാ​സാ​യു​ധം പ്ര​യോ​ഗി​ച്ച​തും സി​റി​യ​യി​ൽ സ്വ​ന്തം ജ​ന​ത​ക്കെ​തി​രെ രാ​സാ​യു​ധം പ്ര​യോ​ഗി​ക്കാ​ൻ ബ​ശ്ശാ​ർ ഭ​ര​ണ​കൂ​ട​ത്തി​ന് റ​ഷ്യ പി​ന്തു​ണ ന​ൽ​കി​യ​തും പെ​ന്റ​ഗ​ൺ പ്ര​സ് സെ​ക്ര​ട്ട​റി ചൂ​ണ്ടി​ക്കാ​ട്ടി​യി​രു​ന്നു.