ചൈ​നീ​സ്​ ടെ​ന്നി​സ്​ താ​രം പെ​ങ് ഷു​വാ​യിയുടെ ദുരൂഹ തിരോധാനം; സു​ര​ക്ഷി​ത​യാ​ണെ​ന്ന​തി​ന്​ ചൈന തെ​ളി​വു നൽകണം –യു.​എ​ന്നും യു.​എ​സും

ന്യൂ​യോ​ർ​ക്​: കാ​ണാ​താ​യ ടെ​ന്നി​സ്​ താ​രം പെ​ങ് ഷു​വാ​യി സ​ു​ര​ക്ഷി​ത​യെ​ന്ന​തി​ന്​ ചൈ​ന​യോ​ട്​ തെ​ളി​വു​ക​ൾ ആ​വ​ശ്യ​പ്പെ​ട്ട്​ ഐ​ക്യ​രാ​ഷ്​​ട്ര സ​ഭ​യും യു.​എ​സും. ചൈ​നീ​സ്​ മുൻ ഉപപ്ര​ധാ​ന​മ​ന്ത്രി സാ​ങ് ഗാ​വൊ​ലി​ക്കെ​തി​രെ ലൈം​ഗി​കാ​രോ​പ​ണ​മു​ന്ന​യി​ച്ചതി​നു പി​ന്നാ​ലെയാണ്​ താ​രത്തെ കാണാതായത്​. തി​രോ​ധാ​നം അ​ന്ത​ർ​ദേ​ശീ​യ ത​ല​ത്തി​ൽ ച​ർ​ച്ച​യാ​യി. തിരോധാനത്തെക്കു​റി​ച്ച്​ ഒ​ന്നു​മ​റി​യി​ല്ലെ​ന്നാ​ണ് ചൈ​ന​യു​ടെ പ്ര​തി​ക​ര​ണം.

പെ​ങ്​ സു​ര​ക്ഷി​ത​യാ​ണെ​ന്നുലോ​ക​ത്തെ ബോ​ധ്യ​പ്പെ​ടു​ത്താ​ൻ ചൈ​ന​ക്ക്​ ബാ​ധ്യ​ത​യു​ണ്ട്​-​യു.​എ​ൻ മ​നു​ഷ്യാ​വ​കാ​ശ ഓ​ഫി​സ്​ വ​ക്​​താ​വ്​ ലി​സ്​ ത്രോ​സെ​സ​ൽ പ​റ​ഞ്ഞു. പെ​ങ്​ ഉ​ന്ന​യി​ച്ച ആ​രോ​പ​ണ​ത്തെ കു​റി​ച്ച്​ വി​ശ​ദ​മാ​യി അ​ന്വേ​ഷി​ക്ക​ണ​മെ​ന്നും യു.​എ​ൻ ആ​വ​ശ്യ​പ്പെ​ട്ടു.

ടെ​ന്നി​സ്​ താ​ര​ത്തി​നു പി​ന്തു​ണ​യു​മാ​യി വി​വി​ധ രാ​ജ്യ​ങ്ങ​ളും മ​നു​ഷ്യാ​വ​കാ​ശ സം​ഘ​ട​ന​ക​ളും രം​ഗ​ത്തു​വ​ന്നി​ട്ടു​ണ്ട്. താ​രം സു​ര​ക്ഷി​ത​യാ​ണ്​ എ​ന്നു കാ​ണി​ക്കു​ന്ന വ്യ​ക്ത​മാ​യ തെ​ളി​വു​ക​ളാ​ണ്​ യു.​എ​സ്​ സ​ർ​ക്കാ​ർ ആ​വ​ശ്യ​പ്പെ​ട്ട​ത്. ഇ​വ​ർ എ​വി​ടെ​യാ​ണെ​ന്നു വ്യ​ക്ത​മാ​ക്ക​ണ​മെ​ന്നും ചൈ​ന​യോ​ട്​ നി​ർ​ദേ​ശി​ച്ചു.

മൂ​ന്ന്​ ഒ​ളി​മ്പി​ക്‌​സി​ല്‍ പ​ങ്കെ​ടു​ത്ത 35കാ​രി​യാ​യ പെ​ങ് ഷു​വാ​യി ര​ണ്ട് ഗ്രാ​ൻ​ഡ്​​സ്ലാം ഡ​ബി​ള്‍സ് കി​രീ​ട​ങ്ങ​ള്‍ നേ​ടി​യി​ട്ടു​ണ്ട്. 2014ല്‍ ​ഫ്ര​ഞ്ച് ഓ​പ്പ​ണും 2013ല്‍ ​വിം​ബി​ള്‍ഡ​ണും നേ​ടി. സിം​ഗി​ള്‍സി​ല്‍ 2014 യു.​എ​സ് ഓ​പ്പ​ണ്‍ സെ​മി ഫൈ​ന​ലി​ല്‍ എ​ത്തി​യ​താ​ണ് ഏ​റ്റ​വും മി​ക​ച്ച നേ​ട്ടം. സിം​ഗി​ള്‍സ് ലോ​ക റാ​ങ്കി​ങ്ങി​ല്‍ 14ാം സ്ഥാ​ന​ത്ത് എ​ത്തി​യി​രു​ന്നു. ഡ​ബി​ള്‍സി​ല്‍ ലോ​ക ഒ​ന്നാം ന​മ്പ​ര്‍ താ​ര​വു​മാ​യി​രു​ന്നു. ഏ​ഷ്യ​ന്‍ ഗെ​യിം​സി​ല്‍ ര​ണ്ട് സ്വ​ര്‍ണ​വും ഒ​രു വെ​ങ്ക​ല​വും സ്വ​ന്ത​മാ​ക്കി.

പ്ര​ശ​സ്ത ടെ​ന്നി​സ് താ​ര​ങ്ങ​ളാ​യ നൊ​വാ​ക് ദ്യോ​കോ​വി​ച്ച്, സെ​റീ​ന വി​ല്യം​സ്, ന​വോ​മി ഒ​സാ​ക, കോ​കോ ഗാ​ഫ്, കിം ​ക്ലി​സ്​​റ്റേ​ഴ്‌​സ്, സി​മോ​ണ ഹാ​ലെ​പ്, ആ​ന്‍ഡി മ​റെ, പെ​ട്രൊ ക്വി​റ്റോ​വ തു​ട​ങ്ങി​യ താ​ര​ങ്ങ​ളും പെങ്ങിനെ ക​ണ്ടെ​ത്ത​ണ​മെ​ന്ന് ആ​വ​ശ്യ​പ്പെ​ട്ട് രം​ഗ​ത്തെ​ത്തി​. 'പെ​ങ് ഷു​വാ​യി എ​വി​ടെ' എ​ന്ന ഹാ​ഷ്​​ടാ​ഗി​ലാ​ണ് താ​ര​ത്തെ ക​ണ്ടെ​ത്താ​നു​ള്ള കാ​മ്പ​യി​ൻ ന​ട​ക്കു​ന്ന​ത്. തി​രോ​ധാ​ന​ത്തെ കു​റി​ച്ച് അ​ന്വേ​ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ട് വ​നി​ത ടെ​ന്നി​സ് അ​സോ​സി​യേ​ഷ​നും (ഡ​ബ്ല്യു.​ടി.​എ) രം​ഗ​ത്തെ​ത്തി. ന​ട​പ​ടി ഉ​ണ്ടാ​യി​ല്ലെ​ങ്കി​ല്‍ ചൈ​ന​യി​ല്‍ ഡ​ബ്ല്യു.​ടി.​എ ടൂ​ര്‍ണ​മെൻറു​ക​ള്‍ ന​ട​ത്തി​ല്ലെ​ന്ന് രാ​ജ്യാ​ന്ത​ര ടെ​ന്നി​സ് ഫെ​ഡ​റേ​ഷ​ന്‍ വ​ക്താ​വ് ഹീ​ഥ​ര്‍ ബോ​ള​ര്‍ വ്യ​ക്ത​മാ​ക്കി.

പെ​ങ്​ സു​ര​ക്ഷി​ത –ഗ്ലോ​ബ​ൽ ടൈം​സ്​

പെ​ങ് സു​ര​ക്ഷി​ത​യാണെ​ന്ന് ചൈ​നീ​സ് ദേ​ശീ​യ മാ​ധ്യ​മ​മാ​യ ഗ്ലോ​ബ​ല്‍ ടൈം​സ് അ​വ​കാ​ശ​പ്പെ​ട്ടു. അ​ധി​കം വൈ​കാ​തെ താ​രം പൊ​തു​ജ​ന​മ​ധ്യ​ത്തി​ല്‍ പ്ര​ത്യ​ക്ഷ​പ്പെ​ടു​മെ​ന്നും സ്വ​ന്തം വീ​ട്ടി​ല്‍ സു​ര​ക്ഷി​ത​യാ​യി ക​ഴി​യു​ന്നു​ണ്ടെ​ന്നും ട്വി​റ്റ​റി​ലൂ​ടെ ഗ്ലോ​ബ​ല്‍ ടൈം​സി​െൻറ എ​ഡി​റ്റ​ര്‍ ഇ​ന്‍ ചീ​ഫ് ഹു ​ഷി​ന്‍ജി​ന്‍ വ്യ​ക്ത​മാ​ക്കി.

ന​വം​ബ​ര്‍ ര​ണ്ടി​ന് സ​മൂ​ഹ മാ​ധ്യ​മ​മാ​യ വെ​യ്‌​ബോ​യി​ലൂ​ടെ​യാ​ണ് സാ​ങ്ങി​നെ​തി​രെ പെ​ങ് ആ​രോ​പ​ണം ഉ​ന്ന​യി​ച്ച​ത്. ഇക്കാര്യം വെ​യ്‌​ബോ ഉ​ട​ന്‍ നീ​ക്കം​ചെ​യ്‌​തെ​ങ്കി​ലും അ​ത് വ​ന്‍ വി​വാ​ദ​ത്തി​ലേ​ക്ക് വ​ഴി​വെ​ച്ചു. 2018ല്‍ ​വി​ര​മി​ച്ച 75കാ​ര​നാ​യ സാ​ങ് രാ​ഷ്​​ട്രീ​യ​രം​ഗ​ത്തി​ല്ല. അതിനിടെ,പെ​ങ്ങി​െൻറതാ​യി ചൈ​ന​യു​ടെ ഔ​ദ്യോ​ഗി​ക മാധ്യമമായ സി.​ജി.​ടി.​എ​ന്നി​ൽ വ​ന്ന ഇ-​മെ​യി​ൽ തി​രോ​ധാ​ന​ത്തെ​ക്കു​റി​ച്ചു​ള്ള ദു​രൂ​ഹ​ത കൂ​ട്ടി. 'ഞാ​ൻ സു​ര​ക്ഷി​ത​യാ​ണ്, ആ​രോ​പ​ണം അ​സ​ത്യ​മാ​യി​രു​ന്നു' -എ​ന്നാ​ണ് ഇ-​മെ​യി​ലി​ലെ അ​റി​യി​പ്പ്.

എ​തി​ർ​ക്കു​ന്ന​വ​രെ നി​ശ്ശ​ബ്​​ദ​രാ​ക്കു​ന്നു

സ​ർ​ക്കാ​റി​നെ​തി​രെ ശ​ബ്​​ദ​മു​യ​ർ​ത്തു​ന്ന​വ​രെ ജ​യി​ലി​ല​ട​ച്ച്​ നി​ശ്ശ​ബ്​​ദ​രാ​ക്കു​ക​യാ​ണ് ചൈ​ന. ആ​ലി​ബാ​ബ സ്​​ഥാ​പ​ക​ൻ ജാ​ക്​ മാ, ​ഹോ​ളി​വു​ഡ്​ താ​രം ഫാ​ൻ ബി​ങ്​​ബി​ങ്​ എ​ന്നി​വ​ർ ഉ​ദാ​ഹ​ര​ണ​ങ്ങ​ൾ. ഫാ​നി​നെ നി​കു​തി വെ​ട്ടി​പ്പു കേ​സി​ലാ​ണ്​ അ​റ​സ്​​റ്റ്​ ചെ​യ്​​ത​ത്. 2018ൽ ​കാ​ൻ ഫി​ലിം ഫെ​സ്​​റ്റി​വ​ലി​ൽ പ​​ങ്കെ​ടു​ത്ത്​ മാ​സ​ങ്ങ​ൾ​ക്ക​ക​മാ​ണ്​ ഇ​വ​രെ കാ​ണാ​താ​യ​ത്. പി​ന്നീ​ട്​ വീ​ട്ടു​ത​ട​ങ്ക​ലി​ലാ​ണെ​ന്ന റി​പ്പോ​ർ​ട്ടു​ക​ൾ വന്നു.

2020 ഒ​ക്​​ടോ​ബ​റി​ലാ​ണ്​ സ​ർ​ക്കാ​റി​നെതിരെ സം​സാ​രി​ച്ച ജാക്​മായെ കാ​ണാ​താ​യ​ത്. ഇ​ക്ക​ഴി​ഞ്ഞ ജ​നു​വ​രി​യി​ൽ ജാക്​ മാ പൊ​തു​മധ്യേ പ്ര​ത്യ​ക്ഷ​പ്പെ​ട്ടി​രു​ന്നു​വെ​ങ്കി​ലും തി​രോ​ധാ​ന​ത്തി​നു പി​ന്നി​ലെ ദു​രൂ​ഹ​ത നീ​ങ്ങി​യി​ട്ടി​ല്ല.