'അവരെ തിരികെ കൊണ്ടുവരൂ, ഞങ്ങൾ നിങ്ങൾക്ക് പിന്നിലുണ്ട്'; ട്രംപിനോട് അഭ്യർഥനയുമായി ഇസ്രായേലി ബന്ദികളുടെ കുടുംബം

തെൽ അവിവ്: ഗസ്സയിൽ ഹമാസ് ബന്ദികളാക്കിയ ഇസ്രായേലികളെ മോചിപ്പിക്കാൻ യു.എസ് പ്രസിഡന്‍റ് ഡോണൾഡ് ട്രംപിനോട് അഭ്യർഥിച്ച് ബന്ദികളുടെ അമ്മമാരും കുടുംബാംഗങ്ങളും. ഗസ്സയിൽ വെടിനിർത്തലിനും ബന്ദിമോചനത്തിനും ട്രംപ് ഇടപെടുന്നുവെന്ന റിപ്പോർട്ടുകൾക്കിടെയാണിത്.

'നിങ്ങളുടെ നേതൃത്വത്തിന് ബന്ദികളെ തിരികെ കൊണ്ടുവരാൻ സാധിക്കും. ഞങ്ങൾക്ക് ആത്മവിശ്വാസമുണ്ട്. ഞങ്ങൾ നിങ്ങൾക്ക് പിന്നിലുണ്ട്. നിങ്ങൾക്കാണ് ഈ സമയം ഇടപെടാൻ കഴിയുക. ഞങ്ങൾക്ക് വിശ്വാസമുണ്ട്' -ബന്ദികളുടെ ബന്ധുക്കളിലൊരാൾ വിഡിയോ സന്ദേശത്തിൽ പറഞ്ഞു.

ഗ​സ്സ​യി​ൽ വെ​ടി​നി​ർ​ത്ത​ലി​ന് വീ​ണ്ടും സ​മ്മ​ർ​ദം ശ​ക്ത​മാ​ക്കിയിരിക്കുകയാണ് ഡോണൾഡ് ട്രംപ്. 20 മാ​സ​മാ​യി തു​ട​രു​ന്ന സം​ഘ​ർ​ഷം അ​വ​സാ​നി​പ്പി​ക്കാ​ൻ ഗ​സ്സ​യി​ൽ ക​രാ​റി​ലെ​ത്ത​ണ​മെ​ന്നും ഹ​മാ​സ് എ​ല്ലാ ബ​ന്ദി​ക​ളെ​യും അ​ടി​യ​ന്ത​ര​മാ​യി വി​ട്ട​യ​ക്ക​ണ​മെ​ന്നും ട്രം​പ് ത​ന്റെ സ​മൂ​ഹ മാ​ധ്യ​മ​മാ​യ ട്രൂ​ത്ത് സോ​ഷ്യ​ലി​ൽ ആ​വ​ശ്യ​പ്പെ​ട്ടിരുന്നു.

അടുത്തയാഴ്ചയോടെ ഗസ്സയിൽ വെടിനിർത്തൽ നിലവിൽ വരുമെന്ന് ട്രംപ് നേരത്തെ മാധ്യമപ്രവർത്തകരോട് പറഞ്ഞിരുന്നു. എന്നാൽ, എങ്ങനെ പ്രശ്നം പരിഹരിക്കുമെന്നതിൽ വ്യക്തത വരുത്തിയിട്ടില്ല. ഇസ്രായേൽ സ്ട്രാറ്റജിക് മിനിസ്റ്റർ റോൺ ഡെർമെർ അടുത്തയാഴ്ച യു.എസ് സന്ദർശനം നടത്തുന്നുണ്ട്. ഇതിനിടെ ഗസ്സയിലെ വെടിനിർത്തൽ സംബന്ധിച്ച ചർച്ചകളുണ്ടാവുമെന്നാണ് സൂചന. ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിന്റെ വിശ്വസ്തനാണ് റോൺ ഡെർമർ.

വെ​ടി​നി​ർ​ത്ത​ൽ ച​ർ​ച്ച​ക​ൾ​ക്കാ​യി ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു യു.​എ​സി​ലെ​ത്തു​​മെ​ന്നും ആ​ഴ്ച​ക​ൾ​ക്കു​ള്ളി​ൽ ക​രാ​ർ പ്രാ​ബ​ല്യ​ത്തി​ലാ​ക്കാ​ൻ ന​ട​പ​ടി​ക​ൾ സ്വീ​ക​രി​ച്ചു​വ​രു​ക​യാ​ണെ​ന്നും പേ​രു​വെ​ളി​പ്പെ​ടു​ത്താ​ത്ത മു​തി​ർ​ന്ന ഇ​സ്രാ​യേ​ലി ഉ​ദ്യോ​ഗ​സ്ഥൻ അ​റി​യി​ച്ചു. ആ​ദ്യ​ഘ​ട്ട​മാ​യാണ് ഇ​സ്രാ​യേ​ൽ ന​യ​കാ​ര്യ മ​ന്ത്രി റോ​ൺ ഡെ​ർ​മ​ർ യു.​എ​സി​ലെ​ത്തുന്നത്.

ഇ​നി യു​ദ്ധ​വി​രാ​മ​മാ​ണ് വേ​ണ്ട​തെ​ന്നും താ​ൽ​ക്കാ​ലി​ക വെ​ടി​നി​ർ​ത്ത​ൽ വെ​റു​തെ​യാ​ണെ​ന്നും ഹ​മാ​സ് പ​റ​യു​ന്നു. ഗ​സ്സ​യി​ൽ​നി​ന്ന് ​ഇ​സ്രാ​യേ​ൽ സൈ​ന്യം പൂ​ർ​ണ​മാ​യി പി​ൻ​വാ​ങ്ങി​യാ​ൽ എ​ല്ലാ ബ​ന്ദി​ക​ളെ​യും വി​ട്ട​യ​ക്കാ​മെ​ന്നും അ​വ​ർ വ്യ​ക്ത​മാ​ക്കു​ന്നു. എ​ന്നാ​ൽ, ഗ​സ്സ​യി​ൽ ഇ​നി ഹ​മാ​സ് ചി​ത്ര​ത്തി​ലു​ണ്ടാ​കു​ന്ന ഒ​രു പ​രി​ഹാ​ര​വും അം​ഗീ​ക​രി​ക്കി​ല്ലെ​ന്നാ​ണ് ഇ​സ്രാ​യേ​ൽ നി​ല​പാ​ട്. 50ലേ​റെ ബ​ന്ദി​ക​ൾ ഇ​പ്പോ​ഴും ഹ​മാ​സ് നി​യ​ന്ത്ര​ണ​ത്തി​ലു​ണ്ടെ​ന്നാ​ണ് സൂ​ച​ന. ഇ​വ​രി​ൽ പ​കു​തി​യോ​ളം പേ​രെ​ങ്കി​ലും ജീ​വ​നോ​ടെ​യു​ണ്ടാ​കാ​മെ​ന്നാ​ണ് ക​ണ​ക്കു​കൂ​ട്ട​ൽ.