പാ​കി​സ്താ​നി​ൽ പൊ​തു തെ​ര​ഞ്ഞെ​ടു​പ്പിന്‍റെ വോട്ടെടുപ്പ് തുടങ്ങി; പ്രതീക്ഷയോടെ ന​വാ​സും ഇംറാനും ബി​ലാ​വ​ലും

ഇ​സ്‍ലാ​മാ​ബാ​ദ്: രാ​ഷ്ട്രീ​യ കി​ട​മ​ത്സ​ര​ങ്ങ​ളും പകപ്പോക്കലും നിത്യസംഭവമായ പാ​കി​സ്താ​നി​ൽ പൊ​തു തെ​ര​ഞ്ഞെ​ടു​പ്പിന്‍റെ വോട്ടെടുപ്പ് തുടങ്ങി. രാ​വി​ലെ എ​ട്ടി​ന് ആ​രം​ഭി​ച്ച വോ​ട്ടെ​ടു​പ്പ് വൈ​കീ​ട്ട് അ​ഞ്ചു ​വ​രെ നീ​ളും. 90,582 പോ​ളി​ങ് സ്റ്റേ​ഷ​നു​ക​ളാ​ണ് വോ​ട്ടെ​ടു​പ്പി​നാ​യി സ​ജ്ജീ​ക​രി​ച്ചി​രി​ക്കു​ന്ന​ത്. 13 കോ​ടി ​വോ​ട്ട​ർ​മാ​രാ​ണ് 16-ാമ​ത് നാഷണൽ അസംബ്ലിയിലേക്ക് ​266 എം.​പി​മാ​രെ തെര​ഞ്ഞെ​ടു​ക്കു​ന്ന​ത്. 134 സീറ്റാണ് കേവല ഭൂരിപക്ഷം.

167 അം​ഗീ​കൃ​ത രാ​ഷ്ട്രീ​യ പാ​ർ​ട്ടി​ക​ളി​ലെ സ്ഥാ​നാ​ർ​ഥി​ക​ളും സ്വ​ത​ന്ത്ര​രു​മാ​യി പാ​ർ​ല​മെ​ന്റി​ലേ​ക്ക് 5121 സ്ഥാ​നാ​ർ​ഥി​ക​ളാ​ണ് മ​ത്സ​ര രം​ഗ​ത്തു​ള്ള​ത്. ഇ​വ​രി​ൽ 4806 പേ​ർ പു​രു​ഷ​ൻ​മാ​രും 312 പേ​ർ വ​നി​ത​ക​ളും ര​ണ്ട് പേ​ർ ഭി​ന്ന​ലിം​ഗ​ത്തി​ൽ​പ്പെ​ട്ട​വ​രു​മാ​ണ്. ഏ​റ്റ​വും കൂ​ടു​ത​ൽ യു​വ വോ​ട്ട​ർ​മാ​രു​ള്ള​തും ഇ​ത്ത​വ​ണ​യാ​ണ്. 6.9 കോ​ടി പു​രു​ഷ വോ​ട്ട​ർ​മാ​രും 5.9 കോ​ടി സ്ത്രീ ​വോ​ട്ട​ർ​മാ​രു​മാ​ണു​ള്ള​ത്. 2018ൽ 51.9 ​ശ​ത​മാ​നം പേ​രാ​ണ് വോ​ട്ട് രേ​ഖ​പ്പെ​ടു​ത്തി​യ​ത്.

പാ​ർ​ല​മെ​ന്റി​ലേ​ക്കും പ​ഞ്ചാ​ബ്, സി​ന്ധ്, ബ​ലൂ​ചി​സ്താ​ൻ, ഖൈ​ബ​ർ പ​ഖ്തൂ​ൻ​ഖ്വ എ​ന്നീ നാ​ല് പ്ര​വി​ശ്യ നി​യ​മ​നി​ർ​മാ​ണ സ​ഭ​ക​ളി​ലേ​ക്കു​മാ​ണ് വോ​ട്ടെ​ടു​പ്പ് ന​ട​ക്കു​ന്ന പ്ര​വി​ശ്യ​ക​ൾ. അ​ഴി​മ​തി​ക്കേ​സി​ൽ ശി​ക്ഷി​ക്ക​പ്പെ​ട്ട​തി​നെ തു​ട​ർ​ന്ന് വി​ദേ​ശ​ത്ത് പ്ര​വാ​സ​ത്തി​ൽ ക​ഴി​ഞ്ഞ പാ​കി​സ്താ​ൻ മു​സ്‍ലിം ലീ​ഗി​​ലെ ന​വാ​സ് ശ​രീ​ഫും പാ​കി​സ്താ​ൻ പീ​പ്ൾ​സ് പാ​ർ​ട്ടി നേ​താ​വും ബേ​ന​സീ​ർ ഭു​ട്ടോ​യു​ടെ മ​ക​നു​മാ​യ ബി​ലാ​വ​ൽ ഭൂ​ട്ടോ സ​ർ​ദാ​രി​യും ത​മ്മി​ലാ​ണ് പ്ര​ധാ​ന മ​ത്സ​രം.

മു​ൻ ​പ്ര​ധാ​ന​മ​ന്ത്രി ഇം​റാ​ൻ ഖാന്‍റെ പാ​കി​സ്താ​ൻ ത​ഹ്‍രീ​കെ ഇ​ൻ​സാ​ഫ് പാ​ർ​ട്ടി​ക്ക് ഔ​​ദ്യോ​ഗി​ക തെ​ര​ഞ്ഞെ​ടു​പ്പ് ചി​ഹ്ന​മാ​യ ക്രി​ക്ക​റ്റ് ബാ​റ്റ് ഉ​പ​യോ​ഗി​ക്കു​ന്ന​തി​ന് വി​ല​ക്കു​ണ്ട്. അ​തി​നാ​ൽ, സ്വ​ത​ന്ത്ര​രാ​യാ​ണ് പാ​ർ​ട്ടി സ്ഥാ​നാ​ർ​ഥി​ക​ൾ മ​ത്സ​രി​ക്കു​ന്ന​ത്. മൂ​ന്ന് വ്യ​ത്യ​സ്ത കേ​സു​ക​ളി​ൽ ജ​യി​ൽ ശി​ക്ഷ അ​നു​ഭ​വി​ക്കു​ന്ന ഇം​റാ​ൻ ഖാ​ൻ മ​ത്സ​ര രം​ഗ​ത്തി​ല്ല.

ക​ടു​ത്ത രാ​ഷ്ട്രീ​യ, സാ​മ്പ​ത്തി​ക പ്ര​തി​സ​ന്ധി​ക​ളി​ലൂ​ടെ ക​ട​ന്നു ​പോ​കു​മ്പോ​ഴാ​ണ് പാ​കി​സ്താ​ൻ തെ​ര​ഞ്ഞെ​ടു​പ്പി​നെ നേ​രി​ടു​ന്ന​ത്. പ​ണ​പ്പെ​രു​പ്പം 30 ശ​ത​മാ​ന​ത്തോ​ള​മാ​ണ്. ര​ണ്ട് വ​ർ​ഷ​ത്തി​നി​ടെ ക​റ​ൻ​സി​യു​ടെ മൂ​ല്യം പ​കു​തി​യാ​യി കു​റ​ഞ്ഞു.