മാർപാപ്പയുടെ ശസ്ത്രക്രിയ വിജയകരമെന്ന് വത്തിക്കാൻ

വത്തിക്കാൻ സിറ്റി: വൻകുടലിലെ അസുഖത്തെ തുടർന്ന്​ ഫ്രാൻസിസ് മാർപാപ്പയെ ശസ്ത്രക്രിയക്ക് വിധേയനാക്കി. ശസ്ത്രക്രിയ വിജയകരമായിരുന്നെന്ന് വത്തിക്കാൻ അറിയിച്ചു. എത്ര ദിവസം ആശുപത്രിയിൽ കഴിയേണ്ടി വരുമെന്ന് അറിവായിട്ടില്ല.

ഞായറാഴ്​ച സെൻറ്​ പീറ്റേഴ്​സ്​ ചത്വരത്തിൽ വിശ്വാസികളെ അഭിസംബോധന ചെയ്​ത ശേഷമാണ്​ അ​ദ്ദേഹത്തെ റോമിലെ ജെമെല്ലി പോളി ക്ലിനിക്കിൽ പ്രവേശിപ്പിച്ചത്​.

കഴിഞ്ഞയാഴ്​ച ചത്വരത്തിലെ ഞായറാഴ്​ച പ്രസംഗത്തിൽ തനിക്കുവേണ്ടി പ്രാർഥിക്കാൻ മാർപാപ്പ വിശ്വാസികളോട്​ അഭ്യർഥിച്ചിരുന്നു.