വെ​സ്റ്റ് ബാ​ങ്കി​ലെ ഇ​സ്രാ​യേ​ൽ നി​ർ​മാ​ണം എതിർത്ത് അ​മേ​രി​ക്ക

ന്യൂ​യോ​ർ​ക്: ​വെ​സ്റ്റ് ബാ​ങ്കി​ലെ ഇ​സ്രാ​യേ​ൽ കൈ​യേ​റ്റ​വും പു​തി​യ നി​ർ​മാ​ണ​ങ്ങ​ളും എ​തി​ർ​ക്കു​മെ​ന്ന് അ​മേ​രി​ക്ക​ൻ വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ. മു​ൻ പ്ര​ധാ​ന​മ​ന്ത്രി ബെ​ന്യ​മി​ൻ നെ​ത​ന്യാ​ഹു തീ​വ്ര​വ​ല​തു​പ​ക്ഷ പാ​ർ​ട്ടി​ക​ളു​മാ​യി ചേ​ർ​ന്ന് അ​ധി​കാ​ര​ത്തി​ലെ​ത്തി​യ സാ​ഹ​ച​ര്യ​ത്തി​ൽ നി​ർ​മാ​ണ​വും കു​ടി​യേ​റ്റ​വും ശ​ക്ത​മാ​കു​മെ​ന്ന വി​ല​യി​രു​ത്ത​ലി​നി​ടെ​യാ​ണ് അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി​യു​ടെ പ്ര​തി​ക​ര​ണം. 2021 വ​രെ നെതന്യാഹു പ്ര​ധാ​ന​മ​ന്ത്രി​യാ​യി​രു​ന്ന കാ​ല​യ​ള​വി​ൽ വെ​സ്റ്റ് ബാ​ങ്കി​ലും കി​ഴ​ക്ക​ൻ ജ​റൂ​സ​ല​മി​ലും റെ​ക്കോ​ഡ് ജൂ​ത കു​ടി​യേ​റ്റ​മാ​ണ് ന​ട​ന്ന​ത്. അ​ന്താ​രാ​ഷ്ട്ര നി​യ​മ​പ്ര​കാ​രം ഫ​ല​സ്തീ​ൻ പ്ര​ദേ​ശ​ങ്ങ​ളി​ലെ ഇ​സ്രാ​യേ​ൽ കൈയേ​റ്റം അ​ന​ധി​കൃ​ത​മാ​ണ്.

ഇ​സ്രാ​യേ​ൽ തു​ട​രു​ന്ന അ​ന​ധി​കൃ​ത നി​ർ​മാ​ണം ദ്വി​രാ​ഷ്ട്ര പ്ര​ശ്ന​പ​രി​ഹാ​ര​ത്തി​ന് ത​ട​സ്സ​മാ​ണെ​ന്നാ​ണ് ബ്ലി​ങ്ക​ന്റെ നി​ല​പാ​ട്. അ​ധി​കാ​ര​ത്തി​ൽ തി​രി​ച്ചെ​ത്തി​യ മു​തി​ർ​ന്ന ഇ​​സ്രാ​യേ​ലി നേ​താ​വി​ന് ബ്ലി​ങ്ക​ൻ അ​ഭി​ന​ന്ദ​നം അ​റി​യി​ച്ചു. 'ഞ​ങ്ങ​ളു​ടെ മാ​ന​ദ​ണ്ഡം വ്യ​ക്തി​ക​ള​ല്ല, സ​ർ​ക്കാ​ർ ന​യ​ങ്ങ​ളാ​ണ്. പ്ര​ശ്ന​പ​രി​ഹാ​ര​ത്തി​ന്റെ അ​ടി​ത്ത​റ തോ​ണ്ടു​ന്ന എ​ല്ലാ ന​ട​പ​ടി​ക​ളെ​യും ഞ​ങ്ങ​ൾ എ​തി​ർ​ക്കും. അ​ത് കു​ടി​യേ​റ്റം വ്യാ​പി​പ്പി​ക്കു​ന്ന​തി​ൽ ഒ​തു​ങ്ങി​ല്ല. വെ​സ്റ്റ് ബാ​ങ്കി​ലെ കൂ​ട്ടി​ച്ചേ​ർ​ക്ക​ലും വി​ശു​ദ്ധ കേ​ന്ദ്ര​ങ്ങ​ൾ ത​ക​ർ​ക്കു​ന്ന​തും അ​ക്ര​മ​ത്തി​ന് ​പ്രേരിപ്പിക്കുന്നതു​മെ​ല്ലാം എ​തി​ർ​ക്കുക തന്നെ ചെയ്യും' -അ​ദ്ദേ​ഹം കൂ​ട്ടി​ച്ചേ​ർ​ത്തു.