Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightകോവാക്​സിനും...

കോവാക്​സിനും സ്​പുട്​നികും കുത്തിവെച്ച ഇന്ത്യൻ വിദ്യാർഥികൾ​ റീവാക്​സിനേറ്റ്​ ചെയ്യണമെന്ന്​അമേരിക്കൻ യൂണിവേഴ്സിറ്റികൾ​

text_fields
bookmark_border
Covaxin
cancel

വാഷിങ്​ടൺ: ഇന്ത്യയിൽ നിന്നും കോവാക്​സിനോ റഷ്യയു​ടെ സ്​പുട്​നിക്​ വാക്​സിനോ എടുത്ത വിദ്യാർഥികളോട്​ വീണ്ടും വാക്​സിനെടുക്കാനാവശ്യപ്പെട്ട്​ അമേരിക്കയിലെ കോളേജുകളും സർവകലാശാലകളും. ഈ രണ്ട് വാക്സിനുകളും ലോകാരോഗ്യ സംഘടന (ഡബ്ല്യുഎച്ച്ഒ) ഇതുവരെ അംഗീകരിച്ചിട്ടില്ല, അതിനാലാണ് യുഎസ് കോളേജുകളിലും സർവകലാശാലകളിലും ശരത്കാല സെമസ്റ്റർ ആരംഭിക്കുന്നതിന് മുമ്പ് വ്യത്യസ്ത വാക്സിനുകൾ കുത്തിവയ്ക്കാൻ വിദ്യാർത്ഥികളോട് ആവശ്യപ്പെടുന്നത്.

ഇതിനകം രണ്ട് ഡോസ് കോവാക്സിൻ കുത്തിവെച്ച തന്നോട്​ കാംപസിലേക്ക്​ പ്രവേശിപ്പിക്കണമെങ്കിൽ മറ്റേതെങ്കിലും വാക്സിനെടുക്കാനാവശ്യപ്പെട്ടതായി കൊളംബിയ യൂണിവേഴ്‌സിറ്റി സ്‌കൂൾ ഓഫ് ഇൻറർനാഷണൽ ആൻറ്​ പബ്ലിക് അഫയേഴ്‌സിൽ പഠിക്കുന്ന 25 വയസുകാരിയായ മില്ലോണി ദോഷി പറഞ്ഞു. രണ്ട് വ്യത്യസ്ത വാക്സിനുകൾ എടുക്കുന്നതിനെക്കുറിച്ച് തനിക്ക് ആശങ്കയുണ്ടെന്നും അവൾ കൂട്ടിച്ചേർത്തു. ന്യൂയോർക്​ ടൈംസാണ്​ ഇത്​ റിപ്പോർട്ട്​ ചെയ്​തിരിക്കുന്നത്​.

ലോകാരോഗ്യസംഘടനയുടെ അനുമതി ലഭിക്കാത്ത വാക്സിനുകളായ - സ്പുട്നിക് വി, കോവാക്സിൻ എന്നിവ കുത്തിവെച്ചവരോട്​ റീവാക്​സിനേറ്റ്​ ചെയ്യാനാവശ്യപ്പെടുന്ന നിരവധി കോളേജുകളും സർവ്വകലാശാലകളും യുഎസിലുണ്ട്. ഈ വാക്സിനുകളുടെ ഫലപ്രാപ്തിയും സുരക്ഷയും സംബന്ധിച്ച വിവരങ്ങളുടെ അഭാവം ഇത്തരം കോളേജുകളും സർവകലാശാലകളും ചൂണ്ടിക്കാട്ടുന്നു.

Show Full Article
TAGS:US universities Covaxin Sputnik V Indian students 
News Summary - US universities ask Indian students inoculated with Covaxin Sputnik V to revaccinate
Next Story