Top
Begin typing your search above and press return to search.
exit_to_app
exit_to_app
യു.എൻ ഫലസ്​തീനി അഭയാർഥി ഏജൻസിക്ക്​ ട്രംപ്​ മുടക്കിയ സാമ്പത്തിക സഹായം പുനഃസ്​ഥാപിച്ച്​ ബൈഡൻ
cancel
camera_alt

ജോ ബൈഡനും ഫലസ്​തീൻ പ്രസിഡൻറ്​ മഹ്​മൂദ്​ അബ്ബാസും (ഫയൽ-2010ലെ ചിത്രം)

Homechevron_rightNewschevron_rightWorldchevron_rightയു.എൻ ഫലസ്​തീനി...

യു.എൻ ഫലസ്​തീനി അഭയാർഥി ഏജൻസിക്ക്​ ട്രംപ്​ മുടക്കിയ സാമ്പത്തിക സഹായം പുനഃസ്​ഥാപിച്ച്​ ബൈഡൻ

text_fields
bookmark_border

വാഷിങ്​ടൺ: യു.എന്നിനു കീഴിലെ ഫലസ്​തീനി അഭയാർഥി ഏജൻസിക്ക്​ സാമ്പത്തിക സഹായം പുനഃസ്​ഥാപിച്ച്​ യു.എസ്​ പ്രസിഡന്‍റ്​ ജോ ബൈഡൻ. ഇസ്രായേൽ സമ്മർദങ്ങൾക്ക്​ വഴങ്ങി 2018ൽ മുൻ പ്രസിഡന്‍റ്​ ഡോണൾഡ്​ ട്രംപ്​ നിർത്തലാക്കിയ യു.എസ്​ സഹായ ഫണ്ടാണ്​ വീണ്ടും നൽകാൻ തീരുമാനം. ആദ്യ ഗഡുവായി 15 ​േകാടി ഡോളർ ഏജൻസിക്ക്​ അനുവദിക്കുമെന്​ യു.എസ്​ സ്​റ്റേറ്റ്​ സെക്രട്ടറി ആന്‍റണി ബ്ലി​ങ്കെൻ അറിയിച്ചു.

വെസ്റ്റ്​ ബാങ്ക്​, ഗസ്സ എന്നിവക്കു പുറമെ പുറമെ ലബനാൻ, ജോർഡൻ രാജ്യങ്ങളിലും മറ്റുമായി കഴിയുന്ന 57 ലക്ഷം ഫലസ്​തീനികൾക്ക്​ സഹായവും മറ്റു സേവനങ്ങളും എത്തിച്ചുനൽകുന്നതാണ്​ യു.എന്നിനു കീഴിലെ ഫലസ്​തീൻ അഭയാർഥി ഏജൻസി. പശ്​ചിമേഷ്യയിലും പരിസരങ്ങളിലുമായി കഴിയേണ്ടിവരുന്ന അഭയാർഥികൾക്ക്​ സഹായമെത്തിക്കുന്ന സംരംഭത്തിൽ യു.എസ്​ പങ്കാളിത്തം സ്വാഗതം ചെയ്യുന്നതായി ഏജൻസി കമീഷണർ ജനറൽ ഫിലിപ്​ ലസാറിനി പറഞ്ഞു.

15 കോടിക്ക്​ പുറമെ അധിനിവിഷ്​ട വെസ്റ്റ്​ ബാങ്കിലെയും ഗസ്സയിലെയും ഫലസ്​തീനികൾക്ക്​ 7.5 കോടി ഡോളർ പുനർനിർമാണ സഹായവും ഒരു കോടി ഡോളർ സമാധാന പാലന പദ്ധതികൾക്കും യു.എസ്​ നൽകും.

ജനുവരി 20ന്​ അധികാരമേറിയ ജോ ബൈഡൻ ഫലസ്​തീനികളുമായി പുതിയ ബന്ധം ആരംഭിക്കുമെന്ന്​ പ്രഖ്യാപിച്ചിരുന്നു. ഏറെയായി ഇസ്രായേലുമായി യു.എസ്​ ഉറ്റ ബന്ധം നിലനിർത്തുന്നുണ്ടെങ്കിലും ട്രംപ്​ അത്​ കൂടുതൽ ശക്​തമാക്കുകയും ഇസ്രായേലിലെ യു.എസ്​ എംബസി ടെൽ അവീവിൽനിന്ന്​ ജറൂസലമിലേക്ക്​ മാറ്റുകയും ചെയ്​തിരുന്നു. ബിൻയമിൻ നെതന്യാഹുവുമായി അടുത്ത ബന്ധം സ്​ഥാപിച്ചും ട്രംപ്​ സൗഹൃദം സുദൃഢമാക്കി. മറുവശത്ത്​, ഫലസ്​തീൻ അതോറിറ്റിയുമായി എല്ലാ ബന്ധവും അവസാനിപ്പിക്കുകയും സാമ്പത്തിക സഹായം വിലക്കുകയും ചെയ്​തു. ഇസ്രായേലുമായി എല്ലാ ചർച്ചകൾക്കും സഹകരിക്കണമെന്നായിരുന്നു ആവശ്യം. എന്നാൽ, സ്വതന്ത്ര രാജ്യമെന്ന തങ്ങളുടെ പതിറ്റാണ്ടുകളായുള്ള ആവശ്യം നിരാകരിക്കുന്നതാണ്​ ഇസ്രായേൽ സമീപനമെന്നും അതിനോട്​ സഹകരിക്കാനാവില്ലെന്നും ഫലസ്​തീനി നേതൃത്വം പറയുന്നു.

തങ്ങൾ രാജ്യ തലസ്​ഥാനമായി ആവശ്യപ്പെടുന്ന ജറൂസലമിലേക്ക്​ ഇസ്രായേൽ എംബസി മാറ്റിയ ട്രംപിന്‍റെ കാർമികത്വത്തിൽ അറബ്​ രാജ്യങ്ങളും ഇസ്രായേലും തമ്മിലെ ബന്ധം സാധാരണ നിലയിലാക്കുകയും ചെയ്​തിരുന്നു.

1948ൽ ഇസ്രായേൽ ആട്ടിപ്പായിച്ച ഏഴു ലക്ഷം ഫലസ്​തീനികളുടെ കുടുംബങ്ങൾക്കാണ്​ യു.എൻ ഏജൻസി പ്രധാനമായും സഹായം നൽകുന്നത്​.

Show Full Article
TAGS:UN Palestinian refugee agency US aid Biden 
News Summary - US to restore aid to UN Palestinian refugee agency cut by Trump
Next Story