Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഗ്വണ്ടാനമോ...

ഗ്വണ്ടാനമോ തടവറകളിലൊന്ന്​ പൂട്ടി; ചെലവു ചുരുക്കൽ നീക്കത്തിന്‍റെ ഭാഗം

text_fields
bookmark_border
ഗ്വണ്ടാനമോ തടവറകളിലൊന്ന്​ പൂട്ടി; ചെലവു ചുരുക്കൽ നീക്കത്തിന്‍റെ ഭാഗം
cancel

വാ​ഷി​ങ്ട​ണ്‍: യു.​എ​സ്​ അധീനതയിലുള്ള ഗ്വ​ണ്ടാ​ന​മോ ത​ട​വ​റ​ക​ളി​ൽ ഒ​ന്ന്​ പൂട്ടി. ദ്രവിച്ചു തുടങ്ങിയ ക്യാമ്പ്​ 7 ജയിലറയാണ്​ പൂട്ടിയത്​. ചെലവുചുരുക്കൽ നീക്കത്തിന്‍റെ ഭാഗമായി തടവറ അറ്റകുറ്റപണി വേണ്ടെന്ന്​ വെക്കുകയായിരുന്നു. കാ​ര്യ​മാ​യ പ​രി​പാ​ല​ന​മി​ല്ലാ​തി​രു​ന്ന ത​ട​വ​റ​ക​ളി​ലൊ​ന്നാ​ണി​ത്. ഇ​തി​ലെ ത​ട​വു​കാ​രെ മ​റ്റൊ​രു ജ​യി​ലി​ലേ​ക്കു​ മാ​റ്റി​യ​താ​യി യു.​എ​സ്​ സൈ​ന്യം അ​റി​യി​ച്ചു. ക്യാ​മ്പ്​ 7 ജ​യി​ല​റ​യിൽ 14 തടവുകാർ ഉ​ണ്ടാ​യി​രു​ന്ന​താ​യും സൈ​നി​ക​കേ​​ന്ദ്രം അ​റി​യി​ച്ചു.

സ​മീ​പ​ത്തു​ള്ള മ​റ്റൊ​രു കേ​ന്ദ്ര​ത്തി​ലേ​ക്കാ​ണ് ത​ട​വു​കാ​രെ മാ​റ്റി​യ​ത്. ക്യാ​മ്പ്​ 7ലെ ​ത​ട​വു​കാ​രെ മാ​റ്റി​പ്പാ​ര്‍പ്പി​ക്കു​ന്ന​തി​നാ​യി പു​തി​യ ത​ട​വ​റ നി​ര്‍മി​ക്ക​ണ​മെ​ന്ന് 2013ലെ ​ബ​ജ​റ്റി​ല്‍ ആ​വ​ശ്യ​മു​യ​ര്‍ന്നി​രു​ന്നെ​ങ്കി​ലും ഫ​ണ്ട്​ അ​നു​വ​ദി​ക്ക​പ്പെ​ട്ടി​രു​ന്നി​ല്ല.

2006 ഡി​സം​ബ​റി​ലാ​ണ്​ ഈ ​ത​ട​വ​റ നി​ർ​മി​ച്ച​ത്. ക്യാ​മ്പ്​ 7ല്‍ ​ഇ​പ്പോ​ഴു​ള്ള ത​ട​വു​കാ​രി​ല്‍ അ​ഞ്ചു പേ​ര്‍ 2001 സെ​പ്റ്റം​ബ​ര്‍ 11ലെ ​ആ​ക്ര​മ​ണ​വു​മാ​യി ബ​ന്ധ​മു​ണ്ടെ​ന്ന്​ ആ​രോ​പി​ച്ച്​ അ​മേ​രി​ക്ക പി​ടി​കൂ​ടി​യ​വ​രാ​ണ്. നേ​ര​േ​ത്ത, ഗ്വ​ണ്ടാ​ന​മോ അ​ട​ച്ചു​പൂ​ട്ടു​മെ​ന്ന് യു.​എ​സ് പ്ര​സി​ഡ​ൻ​റ്​ ജോ ​ബൈ​ഡ​ന്‍ തെ​ര​ഞ്ഞെ​ടു​പ്പി​ന​ു​മു​മ്പ്​ പ്ര​ഖ്യാ​പി​ച്ചി​രു​ന്നു. എ​ന്നാ​ൽ, ത​ട​വു​കാ​രെ അ​മേ​രി​ക്ക​യി​ലേ​ക്കു നീ​ക്കാ​ന്‍ സെ​ന​റ്റി​‍െൻറ പ്ര​ത്യേ​ക അ​നു​മ​തി വേ​ണ്ടി​വ​രു​മെ​ന്ന​തി​നാ​ൽ പെ​​ട്ടെ​ന്ന്​ അ​ട​ച്ചു​പൂ​ട്ടാ​ൻ ക​ഴി​യി​ല്ല. നി​ല​വി​ൽ 40 ത​ട​വു​കാ​രാ​ണ്​ ഇ​വി​ടെ​യു​ള്ള​ത്. 2017ൽ 15 തടവുകാരെ യ​മ​നി​ലേ​ക്കു​ മാ​റ്റി​യി​രു​ന്നു.

ക്യൂ​ബ​യു​ടെ തെ​ക്കു​കി​ഴ​ക്ക​ൻ അ​തി​ർ​ത്തി​യി​ൽ ഗ്വ​ണ്ടാ​ന​മോ ഉ​ൾ​ക്ക​ട​ലി​ൽ സ്ഥി​തി​ചെ​യ്യു​ന്ന ഗ്വ​ണ്ടാ​ന​മോ ബേ ​ത​ട​വ​റ മ​നു​ഷ്യാ​വ​കാ​ശ​ലം​ഘ​ന​ത്തി​ന്​ പേ​രു​കേ​ട്ട ത​ട​വ​റ​കൂ​ടി​യാ​ണ്. 1903ൽ ​നി​ല​വി​ൽ വ​ന്ന ക്യൂ​ബ​ൻ-​അ​മേ​രി​ക്ക​ൻ ക​രാ​റു​പ്ര​കാ​രം അ​മേ​രി​ക്ക ക്യൂ​ബ​യി​ൽ​നി​ന്നു പാ​ട്ട​ത്തി​നെ​ടു​ത്ത​താ​ണ് ഈ ​സ്ഥ​ലം. പി​ന്നീ​ട്​ ക്യൂ​ബ​യു​മാ​യു​ള്ള ന​യ​ത​ന്ത്ര​ബ​ന്ധം അ​മേ​രി​ക്ക വി​ച്ഛേ​ദി​ച്ച​ശേ​ഷ​വും ഇ​രു രാ​ജ്യ​ങ്ങ​ളും സ്വ​ന്തം സ്ഥ​ല​ങ്ങ​ൾ വേ​ലി​കെ​ട്ടി​ത്തി​രി​ച്ചു. 1991ൽ ​ഹെ​യ്തി ക​ലാ​പ​കാ​രി​ക​ളെ ത​ട​വി​ലി​ടാ​ൻ​വേ​ണ്ടി അ​മേ​രി​ക്ക ഇ​വി​ടെ ക്യാ​മ്പു​ക​ൾ നി​ർ​മി​ച്ചി​രു​ന്നു.

സെ​പ്റ്റം​ബ​ർ 11ലെ ​വേ​ൾ​ഡ് ട്രേ​ഡ് സെൻറ​ർ ആ​ക്ര​മ​ണ​ത്തി​നും അ​മേ​രി​ക്ക​യു​ടെ അ​ഫ്ഗാ​നി​സ്താ​ൻ ആ​ക്ര​മ​ണ​ത്തി​നും​ശേ​ഷ​മാ​ണ്​ ഗ്വ​ണ്ടാ​ന​മോ ത​ട​വ​റ​ക​ൾ കൂ​ടു​ത​ൽ ച​ർ​ച്ച​യാ​യ​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Guantanamo Prison
News Summary - US shuts once-secret Guantanamo prison unit
Next Story