Begin typing your search above and press return to search.
proflie-avatar
Login
exit_to_app
exit_to_app
ഇറാൻ അനുകൂല​ വെബ്​സൈറ്റുകൾ പിടിച്ചെടുത്ത്​ അമേരിക്ക
cancel
Homechevron_rightNewschevron_rightWorldchevron_rightഇറാൻ അനുകൂല​...

ഇറാൻ അനുകൂല​ വെബ്​സൈറ്റുകൾ പിടിച്ചെടുത്ത്​ അമേരിക്ക

text_fields
bookmark_border

വാഷിങ്​ടൺ: ഇറാൻ അനുകൂല വാർത്തകൾ നൽകുന്നുവെന്നാരോപിച്ച്​ ഇറാനിലെയും ഫലസ്​തീനിലെയും അടക്കം 40ഓളം വെബ്​സൈറ്റുകൾ പിടിച്ചെടുത്ത്​ യു.എസ്​ ഭരണകൂടം. ഇറാൻ ആണകരാർ പുന:സ്​ഥാപിക്കുന്നതു സംബന്ധിച്ച്​ ചർച്ച നടക്കാനിരിക്കെയാണ്​ യു.എസ്​ നീക്കം. ഇറാനിലെ പ്രമുഖ മാധ്യമങ്ങളുടെയും ടെലിവിഷൻ ചാനലുകളുടെയും വെബ്​സൈറ്റുകൾക്കൊപ്പം യെമനിൽ ഹൂതികൾ നടത്തുന്ന മസീറ ടി.വി, ഹമാസ്​ അനുകൂല വാർത്ത നൽകുന്ന ഫലസ്​തീൻ ടുഡെ എന്നിവയുടെ വെബ്​സൈറ്റുകളും ​േബ്ലാക്ക്​​ ചെയ്യപ്പെട്ടവയിൽ പെടും.

മൊത്തം 40ഓളം വെബ്​സൈറ്റുകളാണ്​ പെ​ട്ടെന്ന്​ ലഭിക്കാതായത്​. ഇവയിൽ പലതും പിന്നീട്​ തിരിച്ചുവന്നു. കഴിഞ്ഞ ഒക്​ടോബറിൽ ഇറാൻ സൈന്യമായ ​െറവലൂഷനറി ഗാർഡിന്​ അനുകൂല നിലപാട്​ സ്വീകരിച്ച 100 വെബ്​സൈറ്റുകൾ പിടിച്ചെടുത്തതായി യു.എസ്​ നീതിന്യായ വിഭാഗം റിപ്പോർട്ട്​ ചെയ്​തിരുന്നു. ഇറാനിൽ പുതിയ പ്രസിഡൻറ്​ ഇബ്രാഹിം റഈസി അധികാരമേറ്റതിനു പിറകെ യു.എസ്​ കടുത്ത നിലപാടുമായി രംഗത്തെത്തിയിരുന്നു. ഇതി​െൻറ തുടർച്ചയാകാം നടപടിയെന്നാണ്​ സൂചന.

ഉപരോധം നീക്കാൻ യു.എസ്​ സമ്മതിച്ചതായി ഇറാൻ

തെഹ്​റാൻ: ആണവകരാർ പുനരുജ്ജീവിപ്പിക്കുന്നതി​െൻറ ഭാഗമായി എണ്ണക്കും കപ്പലുകൾക്കും ഏർപ്പെടുത്തിയ ഉപരോധവും മുതിർന്ന പൗരൻമാരെ കരിമ്പട്ടികയിൽ ഉൾപ്പെടുത്തിയതും നീക്കാമെന്ന്​ യു.എസ്​ ഉറപ്പുനൽകിയതായി ഇറാൻ. യു.എസ്​ കരിമ്പട്ടികയിൽ പെടുത്തിയവരിൽ പ്രധാനിയാണ്​ നിയുക്ത പ്രസിഡൻറ്​ ഇബ്രാഹിം ​റഈസി. 2015ലെ ആണവകരാറിൽ നിന്ന്​ ഏകപക്ഷീയമായി പിൻവാങ്ങിയ യു.എസ്​ മുൻ പ്രസിഡൻറ്​ ഡോണൾഡ്​ ട്രംപ്​ ആണ്​ ഇറാനുമേൽ ഉപരോധങ്ങൾ പുന:സ്​ഥാപിച്ചത്​. കരാറി​േലക്ക്​ മടങ്ങാമെന്ന്​ യു.എസ്​ പ്രസിഡൻറ്​ ജോ ബൈഡൻ ആവർത്തിച്ചിരുന്നു.

ഇറാൻ ആണവോർജ ഏജൻസി ​െകട്ടിടത്തിനുനേരെ ആക്രമണം

തെഹ്​റാൻ: ആണവോർജ ഏജൻസി പ്രവർത്തിക്കുന്ന കെട്ടിടത്തിനുനേരെയുണ്ടായ ആക്രമണ​ശ്രമം ഇറാൻ പരാജയപ്പെടുത്തി.

ഡ്രോൺ ആക്രമണമാണ്​ തടഞ്ഞതെന്ന്​ ഇസ്​ലാമിക്​ റവലൂഷനറി ഗാർഡ്​ കോർപ്​സുമായി ബന്ധ​മുള്ള മാധ്യമങ്ങൾ റിപ്പോർട്ട്​ ചെയ്​തു. തെഹ്​റാനിലെ കരാജ്​ സിറ്റിയിൽ സ്​ഥിതിചെയ്യുന്ന കെട്ടിടത്തിനുനേരെയാണ്​ ആക്രമണശ്രമം നടന്നത്​. ആക്രമണത്തിന്​ പിന്നിലുള്ളവരെ കണ്ടെത്താൻ അന്വേഷണം തുടങ്ങി. ഇതേക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. തങ്ങളുടെ ആണവകേന്ദ്രങ്ങളെ ലക്ഷ്യംവെച്ച്​ ഇസ്രായേൽ നിരവധിതവണ ആക്രമണം നടത്തിയതായി ഇറാൻ ആരോപിച്ചിരുന്നു. ആരോപണം ഇസ്രായേൽ സ്​ഥിരീകരിക്കുകയോ തള്ളുകയോ ചെയ്​തിട്ടില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:US‘Iranian disinformation’website block
News Summary - US seizes three dozen websites used for ‘Iranian disinformation’
Next Story