കമല ഹാരിസിനെതിരെ വധഭീഷണി മുഴക്കിയ നഴ്​സ്​ അറസ്റ്റിൽ

ഹൂസ്​റ്റൺ: യു.എസ്​ ​ൈവസ്​ പ്രസിഡന്‍റ്​ കമല ഹാരിസിനെ വധിക്കുമെന്ന്​ ഭീഷണിപ്പെടുത്തിയ നഴ്​സ്​ അറസ്റ്റിൽ. ഫ്ലോറിഡയിലെ 39കാരിയായ നഴ്സ്​ നിവിയാനെ പെറ്റിറ്റ്​ ഫെൽപ്​സിനെയാണ്​ യു.എസ്​ രഹസ്യാന്വേഷണ വിഭാഗം​ അറസ്റ്റ്​ ചെയ്​തത്​.

നിവിയാനെ മനപൂർവം വൈസ്​ പ്രസിഡന്‍റിനെ കൊലപ്പെടുത്തുമെന്നും ശാരീരിക ഉപദ്രവം ഏൽ​പ്പിക്കുമെന്നും ഭീഷണിപ്പെടുത്തിയതായി ഫ്ലോറിഡ ജില്ല കോടതിയിൽ ലഭിച്ച പരാതിയിൽ പറയുന്നു.

കമല ഹാരിസിനെതി​രായ ഭീഷണി സന്ദേശം ജയിലിൽ കഴിയുന്ന ഭർത്താവിന്​ ജെപേ ആപ്ലിക്കേഷൻ വഴി അയച്ചുനൽകുകയാണെന്നായിരുന്നു പരാതി. ജയിലിൽ കഴിയുന്ന തടവുകാർക്ക്​ കുടുംബവുമായി ബന്ധപ്പെടാനാണ്​ ജേപേ ഉപയോഗിക്കുന്നത്​.

നിവിയാനെ വിഡിയോയിൽ പ്രസിഡന്‍റ്​ ജോ ബൈഡനെതിരെയും വൈസ്​ പ്രസിഡന്‍റ്​ ​കമല ഹാരിസിനെതിരെയും വിദ്വേഷമുയർത്തി സംസാരിക്കുകയും കമല ഹാരിസിനെ വധിക്കുമെന്ന്​ ഭീഷണിപ്പെടുത്തുകയും ചെയ്​തതായി പരാതിയിൽ പറയുന്നു.

നിവിയാനെ തോക്കുമായി നിൽക്കുന്ന ചിത്രവും രഹസ്വാനേഷണ വിഭാഗം കണ്ടെത്തിയിരുന്നു. ഫെബ്രുവരിൽ തോക്ക്​ ഉപയോഗിക്കാൻ പെർമിറ്റിന്​ അപേക്ഷ നൽകിയതായും കണ്ടെത്തിയിട്ടുണ്ട്​.