ഹൂതികളെ വിടാതെ യു.എസ്; വ്യോമാക്രമണത്തിൽ എട്ട് മരണം

സ​ൻ​ആ: ഹൂ​തി വി​മ​ത​രെ ല​ക്ഷ്യ​മി​ട്ട് യ​മ​നി​ലെ വി​വി​ധ ഭാ​ഗ​ങ്ങ​ളി​ൽ യു.​എ​സ് ന​ട​ത്തി​യ വ്യോ​മാ​ക്ര​മ​ണ​ത്തി​ൽ എ​ട്ട് പേ​ർ കൊ​ല്ല​പ്പെ​ട്ടു. 16 പേ​ർ​ക്ക് പ​രി​ക്കേ​റ്റ​താ​യും ഹൂ​തി​ക​ൾ അ​റി​യി​ച്ചു.

ഹൂ​തി​ക​ളു​ടെ ശ​ക്തി​കേ​ന്ദ്ര​മാ​യ ഹു​ദൈ​ദ ഗ​വ​ർ​ണ​റേ​റ്റി​ലെ അ​ൽ ഹ​വാ​ക് ജി​ല്ല​യി​ലും ത​ല​സ്ഥാ​ന​മാ​യ സ​ൻ​ആ​യു​ടെ വ​ട​ക്ക​ൻ മേ​ഖ​ല​യി​ലെ അം​റാ​ൻ ഗ​വ​ർ​ണ​റേ​റ്റി​ലു​മാ​ണ് ചൊ​വ്വാ​ഴ്ച രാ​ത്രി ആ​ക്ര​മ​ണം ന​ട​ത്തി​യ​ത്. വി​മാ​ന​ത്താ​വ​ളം അ​ട​ക്കം സു​പ്ര​ധാ​ന അ​ടി​സ്ഥാ​ന സൗ​ക​ര്യ​ങ്ങ​ളു​ള്ള മേ​ഖ​ല​യാ​ണ് ഹു​ദൈ​ദ. ചെ​ങ്ക​ട​ലി​ൽ ഇ​സ്രാ​യേ​ൽ ബ​ന്ധ​മു​ള്ള ക​പ്പ​ലു​ക​ളെ ഹൂ​തി​ക​ൾ ല​ക്ഷ്യ​മി​ട്ടി​രു​ന്ന​ത് ഹു​ദൈ​ദ​യി​ൽ​നി​ന്നാ​ണ്.

ഹു​ദൈ​ദ​യി​ലെ ജ​ന​വാ​സ​മേ​ഖ​ല​യി​ൽ വീ​ടി​ന് നേ​രെ​യാ​ണ് ആ​ക്ര​മ​ണം ന​ട​ന്ന​തെ​ന്ന സൂ​ച​ന​യാ​ണ് ഹൂ​തി​ക​ളു​ടെ അ​ൽ മ​സീ​റ ചാ​ന​ൽ പു​റ​ത്തു​വി​ട്ട വി​ഡി​യോ ദൃ​ശ്യ​ങ്ങ​ൾ സൂ​ചി​പ്പി​ക്കു​ന്ന​ത്. ഇ​വി​ടെ​യാ​ണ് ആ​ള​പാ​യ​മു​ണ്ടാ​യ​ത്. ആ​ക്ര​മ​ണ​ത്തി​ന്റെ പി​ന്നാ​ലെ ര​ക്ഷാ​പ്ര​വ​ർ​ത്ത​നം ന​ട​ത്തു​ന്ന​തി​ന്റെ​യും ദൃ​ശ്യ​ങ്ങ​ൾ വി​ഡി​യോ​യി​ലു​ണ്ട്.

അം​റാ​ൻ ഗ​വ​ർ​ണ​റേ​റ്റി​ലെ ജ​ബ​ൽ നു​ഖൂം മ​ല​മു​ക​ളി​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഹൂ​തി​ക​ളു​ടെ ടെ​ലി​ക​മ്യൂ​ണി​ക്കേ​ഷ​ൻ ഉ​പ​ക​ര​ണ​ങ്ങ​ൾ ത​ക​ർ​ന്നു. ധ​മ​ർ, ഇ​ബ്ബ് ഗ​വ​ർ​ണ​റേ​റ്റു​ക​ളി​​ലെ ആ​ക്ര​മ​ണ​ത്തി​ൽ മൂ​ന്ന് പേ​ർ​ക്ക് പ​രി​ക്കേ​റ്റി​റ്റു​ണ്ട്. ആ​ക്ര​മ​ണ​ത്തെ​ക്കു​റി​ച്ച് യു.​എ​സ് സേ​ന പ്ര​തി​ക​രി​ച്ചി​ട്ടി​ല്ല.