യു.എസ്​ സൈനിക ഹെലികോപ്​റ്റർ കടലിൽ തകർന്നുവീണു; വൈമാനികർക്കായി തിരച്ചിൽ

വാഷിങ്​ടൺ: അമേരിക്കൻ സൈനിക ഹെലികോപ്​റ്റർ എം.എച്ച്​ 60എസ്​ കടലിൽ തകർന്നുവീണ്​ അതിലുണ്ടായിരുന്നവരെ കാണാതായി. യു.എസ്​.എസ്​ അബ്രഹാം ലിങ്കൺ വിമാന വാഹിനി കപ്പലിൽനിന്ന്​ പറയുന്നയർന്ന ഉടനാണ്​ കടലിൽ പതിച്ചത്​. സാൻ ഡീഗോയിൽനിന്ന്​ 60 നോട്ടിക്കൽ മൈൽ അകലെയാണ്​ അപകട സ്​ഥലം. വൈമാനികർക്കായി തിരച്ചിൽ തുടരുകയാണ്​. ഒരാളെ രക്ഷ​പ്പെടുത്തിയതായി സ്​ഥിരീകരിച്ചിട്ടുണ്ട്​. പരമാവധി നാലു പേർ യാത്ര ചെയ്യാറുള്ള എം.എച്ച്​ 60എസിൽ ഈ സമയംഎത്ര പേർ ഉണ്ടായിരുന്നുവെന്ന്​ വ്യക്​തമല്ല.