സിറിയയിൽ ഭീകരസംഘത്തലവനെ വധിച്ചതായി യു.എസ് സൈന്യം

ലണ്ടൻ: അൽഖാഇദയുമായി ബന്ധമുള്ള ഭീകരസംഘത്തിന്റെ തലവനെ വധിച്ചതായി യു.എസ് സൈന്യം. സിറിയയിലെ ഇദ്‍ലിബ് പ്രവിശ്യയയിൽ യു.എസ് സൈന്യം നടത്തിയ റെയ്ഡിലാണ് അൽഖാഇദയുമായി സഖ്യമുള്ള ഹുറാസ് അൽ ദീൻ എന്ന സായുധ സംഘത്തിന്റെ തലവൻ അബു ഹംസ അൽ യമനിയെ വധിച്ചത്.

ആക്രമണം നടക്കുമ്പോൾ തനിക്ക് ഇദ്‍ലിബ് പ്രവിശ്യയിൽ മോട്ടോർസൈക്കിളിൽ സഞ്ചരിക്കുകയായിരുന്നു ഹംസയെന്ന് യു.എസ് സെൻട്രൽ കമാൻഡ് അറിയിച്ചു. ആക്രമണത്തിൽ തദ്ദേശവാസികൾ കൊല്ലപ്പെട്ടിട്ടു​ണ്ടോ എന്ന കാര്യത്തിൽ വ്യക്തതയില്ല.

ഹംസയുടെ മൃതദേഹം ഇദ്‍ലിബ് പ്രവിശ്യയിലെ ഫോറൻസിക് ഡിപാർട്മെന്റിലേക്ക് മാറ്റിയതായി സിറിയൻ സിവിൽ ഡിഫൻസ്‍ വൃത്തങ്ങൾ അറിയിച്ചു.