Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഇസ്രായേലിന്‍റെ 'അയൺ...

ഇസ്രായേലിന്‍റെ 'അയൺ ഡോമിന്​' അമേരിക്കയുടെ 100 കോടി ഡോളർ കൂടി; സൈനിക സഹായത്തിൽ വൻ വർധന

text_fields
bookmark_border
ഇസ്രായേലിന്‍റെ അയൺ ഡോമിന്​ അമേരിക്കയുടെ 100 കോടി ഡോളർ കൂടി; സൈനിക സഹായത്തിൽ വൻ വർധന
cancel

വാഷിങ്​ടൺ ഡിസി: അനുകൂലവും പ്രതികൂലവുമായ വാദ​ങ്ങൾക്കിടെ ഇസ്രായേലിന്​ അധിക സഹായം നൽകാൻ അമേരിക്കൻ പ്രതിനിധി സഭയുടെ അംഗീകാരം. അയൺ ഡോം മിസൈൽ പ്രതിരോധ സംവിധാനം മെച്ചപ്പെടുത്തുന്നതിന്​ ഒരു ബില്യൺ (100 കോടി) ഡോളർ കൂടി അനുവദിക്കാനാണ്​ പ്രതിനിധി സഭ അനുവാദം നൽകിയത്​. ഇസ്രായേലിന്‍റെ സൈനിക ആവശ്യങ്ങൾക്ക്​ അമേരിക്ക നൽകുന്ന വാർഷിക സഹായത്തിന്​ പുറമെയാണിത്​.

ഫലസ്​തീൻ ജനതക്കെതിരെ ഇസ്രായേൽ ആവർത്തിക്കുന്ന മനുഷ്യാവകാശ ലംഘനങ്ങളുടെ പശ്ചാത്തലത്തിൽ അമേരിക്ക നൽകുന്ന സഹായത്തിന്​ ഉപാധികൾ വെക്കണമെന്ന ആവശ്യം തള്ളിയാണ്​ അധിക ധനസഹായം അനുവദിക്കുന്നത്​. ധനസഹായം അനുവദിച്ചുള്ള ബിൽ ഇനി സെനറ്റിലെത്തും. ബില്ലിന്​ കാര്യമായ എതിർപ്പുകളൊന്നും സെനറ്റിൽ ഉണ്ടാകാൻ സാധ്യതയില്ല. ശേഷം പ്രസിഡന്‍റ്​ ബൈഡൻ ഒപ്പുവെക്കുന്നതോടെ അധിക ധനസഹായം അനുവദിക്കുന്നതിനുള്ള നടപടി പൂർത്തിയാകും.

ആശയകുഴപ്പമുണ്ടാക്കിയ നടപടികൾക്കൊടുവിലാണ്​ ധനസഹായം അനുവദിക്കുന്നത്​ സംബന്ധിച്ച ബിൽ പ്രതിനിധി സഭയിലെത്തിയത്​. യു.എസ്​. സർക്കാറിനുള്ള അടിയന്തര ഇടക്കാല തുക അനുവദിക്കുന്നതിന്​ ചൊവ്വാഴ്ച രാവിലെ അവതരിപ്പിച്ച ബില്ലിലാണ്​ ഇസ്രായേലിനുള്ള അധിക ധനസഹായം ഉണ്ടായിരുന്നത്​. പ്രത്യേകിച്ച്​ വിശദീകരണമൊന്നുമില്ലാതെ ഇത്​ പിന്നീട്​ നീക്കി. ഫലസ്​തീൻ ജനതയുടെ അവകാശങ്ങൾക്കായി നിലപാടെടുക്കുന്ന പ്രതിനിധികളാണ്​ ഇ​സ്രായേൽ ധനസഹായം ഒഴിവാക്കുന്നതിന്‍റെ പിറകിൽ പ്രവർത്തിച്ച​െതന്ന തരത്തിൽ വിവാദമുയരുകയും ചെയ്​തു. എന്നാൽ, പ്രതിനിധികളാരും ഈ അവകാശ വാദവുമായി രംഗത്തെത്തിയിരുന്നില്ല. പിന്നീട്​, ഇസ്രായേൽ ധന സഹായത്തിന്​ പ്രത്യേക ബില്ല്​ അവതരിപ്പിക്കുകയായിരുന്നു.

2016 ൽ ബറാക്​ ഒബാമ പ്രസിഡന്‍റായിരിക്കു​േമ്പാൾ ഇസ്രായേലുമായി അമേരിക്ക പരസ്​പര ധാരണ ഉണ്ടാക്കിയിരുന്നു. പത്തു വർഷത്തേക്കുള്ള പ്രസ്​തുത ധാരണ അനുസരിച്ച്​ ഒാരോ വർഷവും 3.8 ബില്യൻ (380 കോടി) ഡോളർ ഇസ്രായേലിന്‍റെ സൈനിക ആവശ്യങ്ങൾക്കായി അമേരിക്ക നൽകുന്നുണ്ട്​. അതിൽ 500 മില്യൻ (50 കോടി) ഡോളർ ഇ​സ്രായേലിന്‍റെ അയൺ ഡോം മിസൈൽ പ്രതിരോധ സംവിധാനത്തിനുള്ളതാണ്​. കഴിഞ്ഞ വർഷം 73 മില്യണിന്‍റെ പ്രത്യേക സഹായവും അമേരിക്ക അനുവദിച്ചിരുന്നു. ഇതു കൂടാതെയാണ്​ ഇപ്പോൾ ഒരു ബില്യൺ ഡോളർ കൂടി അനുവദിക്കുന്നത്​.

കഴിഞ്ഞ മെയ്​ മാസത്തിൽ ഗാസയിൽ ഇ​സ്രായേൽ-ഫലസ്​തീൻ സംഘർഷമുണ്ടായതിന്​ ശേഷം, ഇസ്രായേലിന്​ സഹായം വർധിപ്പിക്കണമെന്ന ആവശ്യവുമായി അമേരിക്കയിൽ പ്രചരണം ശക്​തമായിരുന്നു. കഴിഞ്ഞ ഗാസ യുദ്ധത്തിൽ 66 കുട്ടികളുൾപ്പെടെ 253 ഫലസ്​തീനികളും 12 ഇസ്രായേലികളും കൊല്ലപ്പെട്ടത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usIsraelUS-Israel policyIron Dome
News Summary - US House approves $1bn for Israel’s Iron Dome
Next Story